[Kinny Riddle]

今年四部MCU電影我留意到一個現像

就係電影戲飛嘅價錢同熱賣程度同主角嘅知名度有強烈正比。

黑寡婦雖然都有知名度，但由於大家知佢已經收咗便當，呢套故仔只係佢生前對大局無關痛癢嘅小插曲，所以觀眾入場意欲大減，戲飛要到首映日幾日前先開始賣，但價錢便宜而且好快買到。

尚氣同Eternals都係完全未聽過嘅新人，所以戲飛亦係要去到好遲先開始賣同埋好容易以低價買到。

但呢集蜘蛛俠，首先蜘蛛仔係家傳戶曉，今集再加有Doctor Strange同各Spiderverse角色雜錦客串加持，未開演前三個禮拜已經開始賣緊，首映日戲飛價錢比之前三套高一兩成左右，而且座位亦開始有啲滿滿地。

睇嚟自Endgame同Far From Home後，大家都好關心現存主要角色嘅後續發展多過介紹新人嘅故仔。而且中間仲嚟一場全球疫症，大家等到頸都長埋。