引用:
作者: 肉羊哩咖
The BlacKkKlansman 大導演（真係大，唔係反話）Spike Lee 最新作品 Da 5 Bloods 上咗，講一班越戰黑人老兵，今日重返越南，一方面要搵返佢哋陣亡嘅小隊長，最重要要掘返當年留低咗嘅大批黃金。原本送去康城參展先，點知今年只有肺炎，所以點到上咗先。
由頭到尾有大量嘅政治宣言，特別有關黑人民權嘅歷史，由美國開國講到近日，引用大量歷史人物；好應今日嘅政治氣氛 --「瘋狂」，講人為咗私利可以去到有幾痴線。
演員中以做 Paul 嘅最好，不慍不火，佢演一個因為戰爭心理受創，搞到佢啲人際關係好差嘅老兵；另一個係 Chadwick Boseman，佢有台型同領袖風範。尚連濃都有份，但佢個身形澎漲到幾乎唔認得。
拍攝好有心思咁適當時變畫面比例，初頭係16:9，去到舊事又變做當年咁嘅4:3，之後仲有 8米厘嘅比例，一入森林又變 HD 電視嘅比例。回帶部份好有心咁無將班主角「幼年化」，你知道邊個打邊個。
唔係咁好嘅係中後段因為一次事故，搞到變咗兩個故仔咁；而啲 CG 槍火同血花假到～
------
另：之前入戲院睇過嘅 Inside Man，原來都係 Spike Lee 導演嘅，而家 Netflix 又有，入面可以話係粒粒皆星，故仔曲折又鬥智，好商業化，同 Spike Lee 好多片一樣，有政治宣言嚮入面。有機會再講。
|
90s 尾有部奪金三王, 係 Gulf war
e+ 有部差唔多既奪金五王, 係 Vietnamese war
