林鄭鬧記者「喝極你都要問三條」 消失於政府新聞稿
引用:
雖然連續兩個星期要上街，可能有啲攰，但始終係關乎香港未來點樣發展，想香港繼續保持一國兩制定唔淪為內地一個省市？相信市民今日自有抉擇。八方相信唔少今日上街嘅市民，都係被特首林鄭月娥死不悔改態度激親，對搞出《逃犯條例》修例爭議惹嚟社會撕裂，至今一句道歉都冇，噚日首次喺103萬人上街及市民包圍立法會後見記者，卻處處挑釁在場傳媒，但政府新聞處其後出稿，竟然刪去呢啲挑釁語句，乜佢哋都覺得堂堂特首咁嘅態度，難登大雅之堂？
相關新聞：【引渡惡法●Fact Check】「你呃人」有接班人？林鄭硬撐「送中」幾度搬龍門
可能由於現場中外傳媒實在太多，噚日主持呢個3點記者會嘅新聞官，最初要求每個記者問兩條問題，之後又縮至一條，點知未到新聞官開腔，林鄭自己嚟料，一度喝提問多過兩條問題嘅記者，「既然有個遊戲規則話最多兩條（問題），但喝極你都要（問）第三條，就唔係尊重遊戲規則」，惹嚟全場譁然，甚後林鄭對在場提問記者，一直好有火氣。
及至特首辦噚晚9點44分發出林鄭見傳媒答問內容文本時，竟然隱瞞上述談及要遵守遊戲規則、喝罵記者嗰一句；特首辦回應《明報》查詢時解釋，新聞稿答問內容唔係逐字記錄，所以未必包括同記者會主題無直接關係嘅內容，例如特首回答問題前同主持人或記者嘅簡短交流，指新聞稿附有短片，可以重溫成個記者會內容。但相信唔少記者都覺得，林鄭挑釁記者幾乎係成個記者會重要主題，要刪都唔會刪呢句囉!
|
777：DLLM連皇太后你都急窒？你條PK緊係唔L知個死字點寫呀DLLMCH！
