Games Animation Forum

查看單個文章
舊 10-14-18, 12:17 PM   #7
蛋撻王子
God of Gamer
功德完滿
 
註冊日期: Mar 2007
文章: 11,953
《又一個「新卡卡」横空出世 咁對上一個「新卡卡」又去左邊?》



正直國際賽周期,不過亦有唔少傳得相當火熱既球會新聞,其中一單就係傳出有「新卡卡」之稱既盧卡斯柏基達將會喺黎緊一月由巴甲球會法林明高轉會到意甲既AC米蘭,你無聽錯,佢又係叫「新卡卡」,咁對上一個舊既「新卡卡」依加喺邊度?你又知唔知?

時間倒流返去六年前既一月,當時巴甲球會聖保羅擁有一名外號「新卡卡」既青輕新秀,佢就係仲係得18歲既皮亞松,而無論外貌、身型、位置、什至踢法風格上,佢同仲未退役既真卡卡十分相似,以潛力黎講好快受到歐洲球會所注視,其中一間就係車路士,最終巴西人亦選擇左隻身由巴西轉到英國倫敦接受挑戰,但佢點都估唔到原來黎緊條路將會係咁漫長同「十萬級」咁難行。

跟住哩六年,皮亞松先後外借到西甲既馬拉加、有荷甲車仔之稱既衛星球會維迪斯、德甲既法蘭克福、以及當時仲係喺英冠聯賽既雷丁同富咸,係每一季能與完藍軍既季前操練後都會被外借,過住像「人球」般既足球生涯,回望返哩度六年既五間外借球會,其實睇到聯賽與聯賽之間既實力同質素都係不斷向下緊,亦可能因為皮亞松喺各支球隊既表現都唔算突出,加上經常受傷患困擾,狀態起伏不定之下導致哩幾間外借球會喺季尾都無選擇買斷佢,同時亦令到下季既潛力下家愈黎愈少。

其實車路士曾經向今季升返上英超既富咸兜售皮亞松,始終上季皮亞松都有份幫過手協助升班,不過哩支同樣係倫敦既球會寧願喺前線外借其他聯賽球員都唔肯買斷佢,令人意外既係巴西人最終都有得留隊,唔知究竟係球會想留佢,定係經已差到無哂球會想借佢,而車路士亦有幫佢喺聯賽登記,同時亦有同主隊球員一齊跟操,不過開季至今仍未代表過車路士一隊上陣,後備名單都無,只係為過U23青年梯隊上陣過2場。

隊中亦有巴克里、路夫斯捷克等住喺中場上位,同時亦有真禾特喺度,佢地無傷無病的話其實皮亞松可以上陣既機會真係少之又少...

如果命運比佢再選擇多次的話,今日既處境又會唔會落得如斯下場?

Fanpiece - 藍獅: https://football.fanpiece.com/bluexl...-c1332006.html


皮亞松...


__________________
馬娘
ID: 811 322 636
蛋撻王子 目前離線   回覆時引用此篇文章
 

返回主題: 車路士球迷會Vol.36 ~杜曹執教後第一場勝仗 舊將被重用及重生~