[肉羊哩咖]

電影《國王》係莎士比亞名劇《亨利五世》改篇，講英王亨利五世上位至征服全個法蘭西嘅故事。開始好慢，雖然亨利五世一生征戰，但呢部係講宮廷戲多啲，但舖排到最後大戰，可以話係成部戲嘅高潮，拍得好精彩，唔係咩千軍萬馬嘅大場面，好多時由主角視點出發，混亂、血猩、野蠻，同好多古裝戰爭大片，好似 LotR 咁好唔同，有啲位你以為佢哋玩緊捽角～ 戰場都幾真實吓 -- 長弓、騎兵、戰鎚係當時好大威力嘅武器（劍對住重甲其實無乜作用），係咪百份百準確敢講，反而啲史實就唔係咁真，當係戲咁睇好啦。演亨利五世嗰位做得幾好，做到由 hea 到成為至尊嘅變化，呢度有「新蝙蝠俠」Robert Patinson 做法國皇儲，不過似丑角多啲，無乜發揮。想知佢有幾演得要等 The Lighthouse。

睇住預告，解吓悶先啦：


仲有 Netflix 咱家解畫 （唔算劇透掛？）：