申請轉會!艾歷拜利要去土超搵食
曼聯中堅艾歷拜利近年經常受傷患困擾,今季只上陣10次,據悉呢位26歲科特迪瓦國腳已經準備今夏離隊,目的地係去土耳其超級聯賽搵食。
根據土耳其傳媒爆料,艾歷拜利嘅經理人已經聯絡土超勁旅費倫巴治,初步方案係艾歷拜利以借用身份效力費倫巴治1季。由於艾歷拜利同曼聯只剩下1年合約,基本上等於提早免費放走佢。
雖然曼聯面臨人財兩失,但會方仍然好可能同意畀佢走,因為與其高薪留住1位大後備,不如免費放走佢,仲可以慳到一大筆人工。
艾歷拜利2016年夏天以3000萬鎊轉會費,由維拉利爾加盟曼聯,成為當年摩連奴執教紅魔鬼之後第1簽。