《迫於無奈的留下? - 基奧特》
車路士官方宣佈啟動基奧特合約中既延長條款,意味著法國人將會喺史丹福橋再留多一個賽季,
車迷對於哩個消息當然感到高興,至少基奧特喺場上既作用仍然非常重要,不過球員一直都有表示希望能夠到其他球隊擔當正選,如果來季球隊對佢既前設條件依然無變的話,今次基奧特就真係迫於無奈咁留低。
法國第一中鋒,無人估到今時今日既基奧特對於法國國家隊黎講係咁重要,前場支點爭頂做二傳、同隊友one two做配合、不惜體力衝擊對手、不斷竄擾牽制對方後衛,為既都係希望拉出更多空間比隊友突破製造攻門機會,而喺依加眾多既法國前鋒當中暫時就只有基奧特一人能夠做到,就連阿仙奴既當家射手拿卡錫迪都依然喺新一期國家隊名單中落選,如果前者退出國家隊,基本上整套戰術體系都要重新規劃,到時法國隊難免需要經歷一段陣痛期。
但喺球會方面,基奧特一直都只係沙利手中既Plan B,
自季中借用到希古恩過後「銀河唯一」就只有喺四月中對白禮頓既聯賽賽事中擔任正選,而佢下半季唯一一個英超入球亦係喺哩場波所攻入,不過沙利都有將歐霸盃既九成時間都交由基奧特擔正,亦令佢以十球暫登神射手榜首位,
但係黎緊去到決賽面對阿仙奴,沙利會係繼續源用基奧特還是希古恩就仍是未知之數。
法國人亦喺季尾時間曾對外界表示,
對於長時間喺英超賽事中擔任後備示意不滿,認為自己既身體狀況仍然能夠為球隊提供更大效用,意味著歐霸盃正選席位並不能滿足到佢,同時「銀河唯一」亦有指唔介意因為要得到正選而到次一級既聯賽隊伍效力,只要得到穩定既上陣時間一切都皆有可能。
今次延長合約雖然對球會同球迷黎講都係好事,不過如果下季沙利仍然留隊的話,唔該就真係用多啲基奧特,唔係話要你將佢場場都放正選,但每五場正選一次其實都唔算過份,望落狀態亦真係唔覺得希古恩比基奧特好。
沙利,求你別再執迷不悟吧!
Fanpiece
- 藍獅:
https://football.fanpiece.com/bluexl...-c1348746.html
施治勢回歸藍軍 擔任體育總監
根據英國《天空體育》報道,在本賽季季尾退役的阿仙奴門將施治,將會回歸車路士,擔任球隊的體育總監一職。
這名37歲門將將會在五月29日的歐霸盃決賽中上演其職業生涯的最後一戰,對手亦是其舊東家車路士。據報道,在施治剛宣布退役不久,便已收到來自史丹福橋的邀請。車路士上一任體育總監是艾文奴,只子在2017年11月下台轉投法甲摩納哥,後由油王親信馬蓮娜兼任此位置,兩人的工作同受到球迷頗多的批評。
雖未知現時這職位的確實工作,但據《天空體育》報道,施治將會是領隊和球會溝通的重要橋樑。施治就說,希望先把集中力先放在歐霸盃決賽之上:「我想先踢好眼前的比賽,退役後工作的事,就留待退役後才想吧。」施治是車路士奠定皇朝的絕對功臣,自2004年效力球隊,踢了11年之多。11個球季間為球隊贏得了四屆英超、一屆歐聯、一屆歐霸盃,是球隊的傳奇。車路士亦有計劃迎回他們的所有黃金一代,包括泰利、林柏特、杜奧巴等。
Fanpiece - 小球僮新聞報道:
https://football.fanpiece.com/caddyn...-c1348743.html