[昏迷童子Sleepy]

宇多田光請《寄生獸》食檸檬 甘做人妻拒絕復出

翻拍自日本漫畫家岩明均筆下嘅真人版電影《寄生獸》，嚟緊會分成兩步曲搬上大銀幕，搵嚟賣座日本片《永遠的0》導演山崎貴執導，上集會喺下個月29日上映，下集就緊接2015年春天推出。

話晒係本年度日本壓軸嘅矚目之作《寄生獸》，除有搶手貨染谷將太飾演男主角外，仲有深津繪里、橋本愛、淺野忠信、東出昌大、大森南朋等紅星助陣。原來片商方面曾游說過樂壇天后宇多田光復出唱主題曲，不過佢甘於過平凡生活，婚後想同老公享受二人世界多啲，結果都係唔成事。

查實日本好多圈中藝人都係《寄生獸》嘅fans，包括宇多田光都係原著擁躉，佢之後就表示過係漫畫《寄生獸》、《北斗之拳》同埋《去吧！稻中乒團》嘅超級粉絲。

真係得碇真嗣先至召喚到光妹……