引用:
作者: JEREMY
請問~
買木結他/電子結他 去邊度買好?通利?
保養既話,大家會唔會放d防潮珠落個結他盒入面??
我而家仲煩惱緊學邊種結他....
唔知各位結他手前輩,之前有冇諗過自己屬於木結他定係電子結他..?
個人兩種都好鐘意... 
自學結他難唔難?
係咪同鋼琴一樣有等級試考?
大家買樂器個陣,係會一開始就買貴個d,定係買平個d先,練耐左之後再買貴個d?
好多問題..多謝回應~  |
係香港買的話,應該除左tomlee都冇咩得揀
我就會放防潮珠啦~
至於學邊種結他
就真係睇你自己架咋喎
你想學個木結係民歌定古典先
又係兩樣野黎架喎
我自已就學開古典,之前都有跟阿sir學過電結他
之後電結他阿sir冇教之後就自己練
自學其實,一開始當你乜都唔識果陣好易錯手勢
慣左又好難改,所以初學都最好跟人學
之後再自己練都ok
同埋自學最大問題係會好易懶同難進步
每個星期有個人幫你keep住練係差好遠
結他係同琴一樣有級考
而買咩結他,就只係睇你負唔負擔得起同覺得值唔值架o者
有人一開始買平的,亦都有人初學已經買成萬幾蚊o既gibson,fender
只要自己覺得值咪得囉
