引用:
作者: 肉羊哩咖
《忍者の家》『忍びの家』第一季八話,講日本政府隸屬嘅忍家,上半想變「正常」,但係劇情搵上門,好自然劇集就展開。咁寫法就知個故仔相當麻麻,係演員救返 -- 除咗賀來贀人,佢嚟嚟去去都係嗰一兩個樣,個細路番家天嵩都好過佢;係老一輩演員比較出,江口洋介同木村多江(造型變得好得)唔在講,甚至配角嘅田口トモロヲ同山田孝之都好。要睇動作,唔係每一話都有,但都算精彩,有啲地方都好大路嘅忍術打鬥。但係忍術應用嚮現代呢家嘢,成日不期然諗到~~~
「主角被敵忍圍困,但係好淡定咁同同伴講,哼,睇吓我嘅最新嘅忍法!隨即從背後拎出支格靈機關炮,開始掃射⋯⋯」
都係講古唔好駁古~
故仔講返就麻麻,頭半就有啲拖拖拉拉,當係背景建構,後半就好返,但係反派實在太平板,而後面舖主角個心結似乎有望解決,但係個轉折位去得太快,快到最後個扭橋又嚟得突過額菲爾士峰,又留咗太多嘢未解。氣。
總結:個忍管局咁多年嚟完全係嘥銀紙 (咳), 中挺。
|
中中地啦。有啲位我都唔知佢想搞笑定點,好似某人斷左手,兩次想執起駁返? 變得好低能。
__________________
==============
人在做, 天在看
|