[肉羊哩咖]

嚮好多中東國家嘅人嚟講，以帝係美帝條狗，以帝有咩唔啱睇，當然係好自然地搵美國嚟出氣 -- 同好多某隻顏色嘅同胞一樣，乜都係美帝搞出嚟，簡單直接，無需思考，無需証據，點都有次中。

想當然好多中東國民一直對美帝同以帝好仇視，有人以為呢啲係洗腦工程，中東政權當然樂此不疲，不單止可以「團結」國民，亦可以轉移視線。

但正如見到有個烏克蘭人嘅舖話齋，無事嘅時候叫「弟兄」嘅，出咗事，嗌就好大聲，要出錢出力無政府願意企出嚟 -- 講遠少少，敍利亞內戰咁多年，大部份中東國家都唔收嗰度啲難民，反而好似德國呢啲「異教徒」國家就收得最多。當然，以小人之心，有啲國家好有可能以難民當成武器，無論經濟同安全上，擺歐洲國家一道。

呢次就更加唔好講，話加沙地帶迫，係「監獄」，都唔係呢個月嘅事，之前都講過，如果有錢啲嘅伊斯蘭「弟兄」可以出返丁屎咁多力，好多嗰度嘅人唔洗咁慘。唔講邊個，加沙邊境嗰度牆係埃及自己起嘅，係咁多先。

最後，如果有啲政權不斷灌輸啲極端思想畀的國民，好容易燒返自己，累人累物，唉。

至於醫院被炸單嘢，英國 Channel 4 轉半島電視台有條片，提供咗啲討論嘅料。