|
歐聯冠軍名將返曼聯操練 新東家騎呢曝光
曼聯今個夏天暫時只有美臣蒙特一名新兵，不過近日操練突然多咗張熟悉嘅「新面孔」，曾經幫曼聯3次贏得英超冠軍嘅名將莊尼伊雲斯，現身卡寧頓基地操練，呢位35歲中堅目前係自由身，希望借曼聯操練保持狀態，有傳佢將會加盟愛華頓。
北愛爾蘭國腳莊尼伊雲斯係曼聯青訓出身，2006年至2015年都為「紅魔鬼」效力，期間贏過3次英超冠軍同1次歐聯冠軍，2018年開始效力李斯特城，今夏約滿回復自由身。雖然離隊多年，但莊尼伊雲斯同曼聯關係密切，佢老婆Helen更加係MUTV其中一位主持，今次返嚟跟操當然唔會被拒。
|
