雖然福仔肯定會錯過開季嘅比賽，但完成手術嘅佢近日係社交平台上載最新狀況，圖片亦都顯示福仔嘅精神狀態係幾好。而據蘇斯克查透露，經過領隊、醫療團隊及專家商議之後，各方同意福仔返回卡靈頓訓練基地進行復康訓練。其實係上週對陣修咸頓嘅賽前訪問中，蘇斯克查就表示福仔對於手術十分滿意，並且透露福仔已經係健身室開始進行健身訓練，但目前依然未能確定幾時可以復操。不過曾經同為球員身份嘅蘇斯克查，清楚知道傷患嘅影響，佢希望福仔能夠變得更加強大，「當然，你係任何時候受傷，都會係一段艱苦嘅時間，但亦係時候反思及重新找回自己，希望福仔可以做得到。」
