雲迪碧克成魔在即 曼聯賣走連格彭利拿
阿積士猛將雲迪碧克加盟曼聯在即,勢必為「紅魔」注入新血,亦意味連格同安達斯彭利拿,兩位球隊青訓產品更加冇生存空時間,將面臨被清洗嘅命運。
曼聯即將落實簽入雲迪碧克,呢位進攻中場如無意外將成為下季主力陣容中嘅一枚重要棋子。可以預期現時曼聯陣中位置同雲迪碧克相似嘅球員,未來將更難獲得上陣機會。
其中27歲嘅連格同24歲嘅安達斯彭利拿,自波基斯費南迪斯1月加盟後,已經齊齊淪為球隊邊緣人物,加埋雲迪碧克來投,英國《每日電訊報》報道,曼聯已決定出售呢兩位邊緣球員。
7歲就加盟曼聯青年軍嘅連格,過去一季表現強差人意,佢自新年後就未曾喺英超正選上陣,喺「紅魔」嘅前途早已經亮起紅燈。
至於15歲就加入曼聯嘅安達斯彭利拿,過去經常被外借,對上一次正選為「紅魔」披甲,已經喺2月面對布魯日嘅歐霸賽事,同樣冇得留低。