近9年首次！曼聯2位球員單季入球20+
曼聯喺英超以5比2大炒般尼茅夫，「9+10」鋒線組合安東尼馬迪爾、拉舒福特各入1球，2人今季各項賽事入球，剛好都分別達到20球，成為紅魔鬼自2010/11球季之後，首次有2位球員單季入球「20+」，顯示曼聯鋒線力量正在回升至費格遜領軍時期。
拉舒福特今場射入12碼，今季英超入咗15球，加上盃賽有5球進帳，總入球增至20球。佢亦成為2000年以來，第4位單季為曼聯入到20球或以上嘅英格蘭球員，之前3位分別係舒寧咸、史高斯、朗尼。
無獨有愈偶，安東尼馬迪爾今季同樣係取得15個英超入球，以及5個盃賽入球，呢對「新黑風雙煞」似足孖公仔。
值得一提，18歲小將格連活特今季亦入咗15球，包括8個聯賽及7個盃賽入球，呢對「三叉戟」令曼聯自2012/13年球季後，首次有3位球員入球達「15+」。
換言之，安東尼馬迪爾、拉舒福特、格連活特3人今季各項賽事，已合共入曼聯攻入55球，佔全隊總入球59%。3人平均年齡只有21.3歲，仲有大把潛力，曼聯未來鋒線令人充滿期待。
