[肉羊哩咖]

回上：好地方 S3 開頭咁舖法有辣有唔辣，始終叫 “reboot”，如果你好似本人一口氣咁追到去，叫做停一停，唞一唞；再安插隻奸角去玩轉，可惜呢度啲所謂奸角，唔係演員唔得，係一直到S3 頭都帶唔多起到個故仔，好在第三話咁一扭，又叫做順好多，得閒在下再講返頭兩季；未睇嘅老細們慢慢去睇，唔好話有好多（懶）哲學嘢會好鬼死悶，講嘅都係對個故好有幫助。

————-

莎賓娜的心寒故事，又名「西洋白髮魔女傳」個「聖誕」 SP：其實係延續 Part 1 嘅一話，好嘅就故仔幾有趣，豐富咗個世界，斃嘅就因為片長關係，變咗 Monster of the Week，今話新嘢都要監粗咁塞埋晒搞掂，一去到講連返之前嘅嘢，就樣樣講得丁丁咁大把無晒下文，要你等四月個 Part 2；有趣嘅人物好似 Ambrose 表哥同女主角班老死咁就無得發揮，連女主角個正印都係大茄一件。

—————

為咗谷套新片 ROMA，搞到成個登入變埋黑白，畀屋企班老細們問究竟咩事；好多評論話絕對有力問鼎小金人嘅片，未睇，不過如果評論無錯嘅話，睇之前請預備大量紙巾