Default Style 註冊帳號
Games Animation Forum

顯示所有圖片
1 2 
Neo Entertainment TREND>有無人睇 Amazon Prime Video?
肉羊哩咖 11:04 PM 02-01-19
無對家 Netflix 咁乜都肯試,爛唔爛都唔理照科銀拍完再上。

又唔似另一個未出世嘅對家咁疊水兼手上大把受歡迎嘅 IP。

APV 搞咁多年都叫做有啲名堂,有唔少戲都叫好(叫唔叫座就真係唔知),近排貪方便做咗 Prime 會員,包埋個 APV,打開睇就咁:

包埋有得睇嘅連續劇就好多,自家電影就唔多覺有,日劇幾乎無而同日本動畫就唔多,本人估有嘅日動個組應該講過晒,英美動畫就買返嚟播嘅舊作就唔少,好似聞名而久,但從未睇過嘅《降世神通》TV 版就三季全齊,連爛到痺嘅真人電影都有「免費」睇,死未?反而續篇 Legend of Korra 就過咗去 Netflix,唔知搞乜。

The Expanse S4 畀 APV 「救返」,不過唔知幾時上,期待。

會睇 茱姐套 Homecoming ,American Gods 同埋已有兩季嘅 The Marvelous Mrs Maisel
回覆
cancerman 11:31 PM 02-02-19
我有睇The Marvelous Mrs Maisel,
本身鍾意個女演員,
後來見佢拎到奬就開始睇,
不過呢套劇我自己覺得比較女性向,
我幾鍾意呢套劇做主角經理人個位女演員,
覺得佢做得幾好笑:-)
回覆
肉羊哩咖 04:52 AM 02-03-19
The Expanse,可能係現今仲未被斬嘅科幻電視片, 最好嘅一部,S4 幾時上未有聲氣,但係 S1-3 2月8號全部上架,未睇/重溫嘅係機會。



Hanna,原本係12年(?)嘅電影,改編電視版,少女殺手復仇故事,三月



錢錢錢錢錢!講錢同環球貿易紀錄片,2月12號



黑白天使?! Neil Gaiman 繼 American Gods 後另一部作品被改編上 APV,未有期


回覆
肉羊哩咖 04:49 AM 02-09-19
原來有《多羅羅》,個個禮拜上,已到第五話,跟得幾貼。
回覆
肉羊哩咖 04:26 AM 02-15-19
黑白天使 The Good Omen 五月尾上,講天堂地獄兩個天使點對抗世界末日。傳 David Chumerbech 會做撤旦⋯⋯

個片頭嚮呢個唔再被重視嘅時代,做得幾有心機⋯⋯


回覆
肉羊哩咖 03:45 AM 05-24-19
另一部新 Star Trek 係 Picard。搵返 Sir Patrick Steward 做,故仔係 ST:TNG 15年後。美帝係 CBS:All Access 上,其他地區就 Amazon Prime 上。邊解唔係 Netflix 上?多得 ST: D 搞到CBS 同 Netflix 啲關係差晒囉。

今日出咗teaser trailer,未有映期,原本今年秋季,但背後問題叢叢,怕且有排搞。


回覆
肉羊哩咖 06:44 PM 06-02-19
改編至著名幻想小說作家 Neil Gaiman 有份寫嘅同名作品 The Good Omens,故仔係講上帝(六千年前,咳)創造世界,跟住「下面」班友(啫係天使)亂估,以地球作為最終決戰場地,但先要消滅晒班人類,再由天界同地獄軍再嚟決勝負(咁似 Devilman 嘅? :-)

為咗咁,兩邊都派咗件「無間道」落去人間,報料同埋為末日大戰做準備,故仔一開頭,黑天使接咗「魔鬼之子」,去調換剛出世美國駐英大使個BB,利用咁去引發末日(咦好似某名恐㤢電影系列噃~ :-) )點知兩條友嚮凡間享福享得太耐,留戀呢個世界同慢慢由敵對變成好友,再加上黑天使同佢班幫閒是是旦旦,結果兩條友出動去阻止世末⋯⋯故仔就咁展開,主要係講同黑白天使歷險,間中講返佢哋嚮人間咁多年嘅經歷,好多歷史上「名人」客串,主線仲有講魔鬼之子,仲有獵巫師後人同「世上唯一一位正確預言家」嘅後人發生嘅事。最後留咗位有續集。

入面勁多英式幽默同笑話,兩位主角當然出色,連同當中一位細路女都做得唔錯。一粒鐘一話共六話,緊湊無乜多餘劇情,雖然有預言書嘅關係,擺到明「先讀」,但無破壞到個情節嘅緊張感,仲加入咗好多幽默原素落去,同埋畀到預言家後人條線有咗意義。原作者 Neil Gaiman 包辦晒全部編劇,保證保持有原作「神髓」,不過啲特技認真麻麻,同 Titan 嗰水平。音樂都OK,黑天使好鐘情 Queens 啲歌,所以歌以呢啲為主。

仲有,當中有唔少名演員客串,留心吓啲 credit 喇。
回覆
肉羊哩咖 05:36 PM 06-18-19
The Boys:又一套玩超級英雄嘅片,同名漫畫改,個世界有超級英雄「七人」(咳),係就係拯救世界,但勁自大同唔負責任,因為極受歡迎所以好多人都由得佢哋;主角係班凡人唔妥佢哋嘅作為,要對付呢班超英,好成人好暴力血腥,七月廿六上:



有啲造形咁鬼 JL 嘅?!
回覆
肉羊哩咖 11:14 PM 06-20-19
有時佢哋真係又幾可愛吓~ :-) 過成二萬個簽名要求 Netflix 斬鬼咗 AVP 套 Good Omen~~~ :-)
https://www.theguardian.com/books/20...erry-pratchett
回覆
肉羊哩咖 09:27 PM 07-03-19
APV 唔似 Netflix,一向無乜「原創」動畫,對上一部好似係 -咳- 多羅羅。 七月八號會上 Vinland Saga ヴィンランド・サガ。WIT (進擊之巨人)製作,日本就由 NHK 放送,其餘嘅就嚮 APV 播。

故仔係同名漫畫改篇,講十一世紀嘅英格蘭,當時畀丹麥人入侵,男主角個老豆被對家殺咗,佢立志報仇就借一班維京傭兵幫佢。全部無超自然能力同魔法,而好多人物都根據真實歷史人物改篇,據聞原作甚受好評。

睇吓啲 PV 先:





-----
眼見 HBO 部 GoT 咁收得(叫唔叫好就另一回事),每個串流供應商都畀緊佢哋咱家嘅 「GoT」,APV 嘅可能係 Lord of the Rings (LotR),年頭公怖咗會開拍,近日講 Jussaric World 個導演會導頭兩話,而佢亦會兼任監製之一。故仔係講 The Second Age,話係會係未見過嘅咁話。
回覆
肉羊哩咖 12:11 PM 07-08-19
Vinland Saga 頭三話已上,都係轉返去日動漫區先。
回覆
朝霧 海斗 03:09 PM 07-08-19
睇緊日版Amazon Prime :-)
英文唔好,唯有睇日文字幕:-)
回覆
肉羊哩咖 12:15 AM 07-09-19
作者: 朝霧 海斗:
睇緊日版Amazon Prime :-)
英文唔好,唯有睇日文字幕:-)
:-)
回覆
肉羊哩咖 12:45 AM 07-21-19
Comic-con Amazon 推佢哋套幻想/steampunk(?) 新劇: Carnival Row

背景係維多利亞時代式社會,但人同其他幻想生物共候存,但後者係少民族,被迫聚居嚮一個地方 Carnival Row,男主角 Orlando Bloom :-) 係個人類警察,同妖精族嘅女主角相戀,同時要調查嚮 Carnival Row 發生嘅一系列謀殺案。而女主角,就一心想由人類手中解放出嚟。

個款似大製作,8月30號上。




回覆
肉羊哩咖 03:44 PM 07-21-19
The Expanse S4 終於有期:12月13號,新舞台叫Ilus,有預告:



回覆
肉羊哩咖 01:01 AM 07-22-19
Star Trek Picard 有條新 trailer,個故仔有多啲眉目,講 Romulan 同 Brog(?)


回覆
肉羊哩咖 12:04 AM 07-24-19
The Boys 最終 trailer,個故仔清楚好多:


回覆
肉羊哩咖 12:00 AM 07-28-19
一口氣追晒兩套嘢:

Fleabag: 講一個住倫敦嘅女子生活,無人叫佢個真名,但個角式齋一個字: Fleabag;主題環繞住佢同屋企人,特別係佢個(靚過佢,聰明過佢,成功過佢,有錢過佢但又鬼咁拘緊嘅)家姐,男友同一堆炮友,老死(真係死鬼咗嗰隻)嘅關係;佢為人格衰,貪小便宜,口沒遮欄,而生活係一堆堆爛攤子,內心期實好想有人愛護嗰隻。基本上係處境喜劇嚟,另一個特式係佢經常向住觀眾做表情同講嘢,表達內心諗法,好似 Deadpool 咁 break the forth wall。

如果驚「裡拳」大可方心,呢套連女性主義都拎嚟諷刺一番 — 第一話講女主角同佢家姐參加個女性主義講座,主講問到:在座有冇人願用五年命換個完美身段?全場得佢兩件舉手~~~ :-) 笑料大部份都係呢啲,英式懢懢价价嘅場面,同佢啲衰格行為所組成。一話卅分鍾,傳統英式密集笑彈(你識笑嘅話),一季得嗰六話,好鬼吊癮。拎好多獎但講嘅人唔多。

APV 只包第一季,第二季要科水先有得睇;因為係 BBC 有份製作,走去 iPlayer 望望,好嘢第二季都係免費嘅~~~

學某位老細嘅做法,梗係奉旨要放返一兩條預告引吓你哋先:



回覆
肉羊哩咖 12:15 AM 07-28-19
另一部追完嘅係 The Boys 第一季。由 Sony TV 有份製作,每話一粒鐘全八話。

講美帝有班有特殊能力嘅超級英雄(戲入面通稱 Supe ),現役嘅都有成三百幾件,全部由一間私家企業/明星公司管理,表面上班英雄係保護(美國)人,除暴安良,實際係為咗間公司,靠形象賣包裝,拍廣告拍電影賣週邊搵錢搏出名。表面上偉光正,但幾乎件件私生活亂嚟,甚至做嘢唔負責任,但人類渴求被救贖嘅心態太強,更何況無人同政府,敢得罪班一個手指尾都化你灰嘅超英,同後面有財有勢嘅大企業,咩「有大能力就要負大責任」呢度完全唔啱聽,有咩衰嘢全部掃晒入地毯底,冚住唔畀人知,或者用蚊年攪掂。

故事係由一個靚仔因為超英任性事件開始,另一條線係搵男主角幫手,勁憎 Supe 嘅神秘男子 Butcher,同佢班拍檔,點去搵班 Supe 尋仇,第三條係講純真新人 Starlight,初出道就被選入去最負盛名嘅超英組 — 「七人」(The Seven)嘅經歷;第四條係講最強 Supe The Homelander,一個超人同美國隊長嘅混合體嘅故仔,最後係間企業個野心同糗史,呢幾條線交織而成。好似好多嘢發生,但故仔極濃縮,無乜空白悶位,節奏掌握,情節分配都好好。

你鐘意睇超英片絕對唔可以錯過,佢玩同諷刺同好多超英老梗,甚至比 The Watchman 同 Brightburn 更現代咁去「解構」;開頭講凡人點殺一個唔知有咩弱點嘅超英,已經好吸引,仲玩智謀同心理戰;男主角同 Starlight 呢個「人神戀」係好老梗,但睇得幾舒服;反而第二主角 Butcher — Karl Urban 飾演(星空奇遇,雷神3)好搶鏡,佢背後個故仔穿晒成季;有成話係拎美國班「政教合一」友嚟玩,對呢味敏感嘅留意。動作就唔平均,有啲打鬥幾精彩,有啲跳嚟跳去唔知點,但整體都收貨嘅。而特技都算幾好,唔係電影級數,但好過好多 CW 同 DC Universe 上面播嗰堆。

留咗好多條尾去下一季,而傳已經開咗鏡,期待。想睇 trailer 去樓上搵喇~
回覆
肉羊哩咖 02:31 AM 07-30-19
The Expanse S4 都未上(12月13號先上),而經批咗 S5,當然高興,好可能 Amazon 對呢套好有信心噃
回覆
cancerman 08:46 PM 07-31-19
The Boys 既故事劇情幾好,
而且演員做得好,
不過佢唔係一般超級英雄片,
而係偏向黑色少少血醒既劇情片。
回覆
肉羊哩咖 03:47 AM 08-01-19
本人始終覺得,有好多地方玩緊/諷刺緊超英片嘅老梗,
好似呢一場⋯⋯
救飛機,嫌唔型嫌麻煩唔救,仲由得全機人死等死無對証
,完全同常見嘅例牌橋反其道而行。仲有,成個設定將好多現實嘅元素放落去再「解構」。

睇啲網評,The Boys 同原著漫畫有好多嘢好唔同,尤其最後個爆大鑊,漫畫係完全無嘅~
回覆
cancerman 03:55 PM 08-01-19
Billy老婆個段改得幾好,
劇組好識得將d黑色幽默元素推到極致。:-)
回覆
肉羊哩咖 03:16 AM 08-02-19
作者: cancerman:
劇組好識得將d黑色幽默元素推到極致。:-)
外電報:有份搞部戲出嚟嘅 Eric Kripke 某個訪問中表示,阿媽桑基本上任佢哋點玩點扭都得,除咗一幕拍咗出嚟,製作班友個個話至正,點知阿媽話無得傾,一定要咳,佢拗唔嬴,結果都係咳鬼咗~~~

是咁的:嚮第二話,「正義嘅朋友」Homelander 畀佢老細 Stilwell 照完肺之後,飛咗上去某高樓大廈頂,除咗條褲打:-), 一邊打一邊自言自語話「我做乜都得」,最後仲:-) 埋添~~~

好痴線但係好正,唔知阿媽桑之後有無機會補返上去呢? :-)

來源:https://www.tvguide.com/news/the-boy...-masturbating/
回覆
肉羊哩咖 03:42 AM 08-03-19
Fleabag 第二季點計都計唔落去 APV,但用 iPlayer 睇咗,又唔想各位老細跳嚟跳去,呢度講埋,離咗譜惟有向各位老細洒個冧先~~~

如果上一季有太多嘢講,到最後幾乎條條都埋條尾又有啲亂,呢一季好以話總其成變返一個緊湊嘅故仔;一開頭好快講 Fleabag 點「漂白」佢自己(咁話),清咗上一季部份不必要嘅枝節再展開,第一話利用佢老豆再婚,講解返佢上一季以嚟佢點解會有咁嘅心態,再去處理佢家人同愛情生活,成話都大部份都係一個餐廳裡面發生,但又峰廻路轉,逐話計,可能係近年最好睇嘅。

女主角同觀眾「打眼色」仍然係重點,好顯出佢嘅演技同埋繼續係主要笑料泉源;男主角 Andrew Scott (Sherlock、Black Mirror) 飾演嘅天主教神父,英美好多女讚佢係 #hotpriest,佢同 Fleabag 一幕嚮社交平台有好大廻響咁話。

成季令到成個故仔完整,雖然有啲嘢暗場交待,但每個角式都有進展,尤其係女主角搵到人生嘅轉向。當然仍然會有好多人話呢套係「裡拳」戲,但好多時有意無意講身為女性嘅煩惱,再加一句:「如果我對波大啲,就唔洗學人做咩女性主義者」,係唔係真係見仁見智~

女主角 Phoebe Waller-Bridge 原本做開舞台劇,呢套係佢套劇搬上螢幕,亦係佢其中一套電視劇本,之後佢有份演出 Star Wars: Solo 入面同 Lando 拍檔件「進步」機械人,可以話係新晋編劇中最紅嘅一個,紅到占士邦 Daniel Craig 都點名要加埋佢去寫 Bond 25。
回覆
1 2 


返回主題版面