[身先是卒] 新車落地18日報廢 「人肉路障」轟警攞命

[david]

警方前日在粉嶺公路追截一輛違規七人車時，再一次指揮途經車輛組成「人肉路障」來堵截，最終七人車失事撞向其他車輛，司機乘客雙雙死亡。事件中3輛私家車被撞毀，事件引起公眾質疑交警當時罔顧公眾安全，冒險以人命作路障，《蘋果》昨晚找到當時在場其中一名私家車車主，意外中他車毀人傷，落地18日的新車更撞成廢鐵，他直言當時聽從交警指示停車，完全不知警方正追捕可疑車輛，批評警方「冇理由搵我哋啲車去截！」


成為人肉路障的車主姓鄭（32歲），報稱事後才知警方事發前由錦綉花園開始追逐該可疑七人車，經歷12公里才到事發現場，事件中最氣憤是警方竟在未有預先通知下，將無辜市民變成人肉路障。

鄭昨晚表示，私家車是上月25日以32萬元購入，新車落地18日便撞毀，車尾撞至變形，他認為私家車已如報廢，「整番都嘥錢」。

警方︰會深入調查

他稱，事發至今仍想起意外現場滿地汽車碎片的畫面，事發當日駕新車載妻子去西貢，當時沿粉嶺公路駛至九龍坑對開，上址由3線改為2線，車速約70公里，此時一部警察電單車響着警號在左邊影線爬頭，駛至他前方10米，當時交警高舉右手示意後面車輛減慢，他即時打「死火燈」及減速；其後按交警指示停車，當時交通警亦準備落車。

此時後方突傳來巨響，原來尾隨一輛七人車高速駛至撞向停在後面一輛凌志房車，凌志整部車被推前撞及其車尾。他指撞車一刻衝力很大，其車被推前2至3米，「一撞埋嚟我握住軚盤，驚個頭撼埋個軚盤度，老婆本身瞓緊覺，嚇醒咗捉住安全帶」。

他稱，前面交警遭鄰線私家車撞及倒地，他其後下車發現一輛銀色七人車翻側並漏油，車上兩男血流披臉昏迷，他欲救無從。其後救護員到場將他及妻子送院，發現妻子被安全帶勒傷。意外中，七人車上司機及男乘客死亡，他與妻子以及另一名68歲私家車司機一起送院，三人均無大礙，事後已經出院。

警方事後指行動符合指引，但公眾質疑警方以市民作人肉路障擋車罔顧市民生命安全。警方發言人昨重申，警方就截停車輛有既定指引。警方正就今次行動進行深入調查，並會與該宗交通意外的相關人士作出跟進。

LINK內有片(慎入)：https://hk.news.appledaily.com/local...043.1517461521

犬：識玩攻城戰O既當然係搵卒去擋O架啦，點會用大將以身犯險？難得被徵用應該感到無限光榮，無理投訴根本就係辱犬！

落去地府跟進？

[J+1]

比番個荷蘭水蓋你囉得未?
由手機版發出

[stcdavidhk]

作者: J+1

比番個荷蘭水蓋你囉得未?
由手機版發出

就算有荷蘭水蓋都係個交通警攞

[david]

作者: stcdavidhk

就算有荷蘭水蓋都係個交通警攞

當然係佢攞啦，仲因工俾車撞喎陰公

咁樣捨身捉人，應該要俾埋個英勇水蓋佢添啦

[Tano]

作者: J+1

比番個荷蘭水蓋你囉得未?
由手機版發出

當777有得派比你
攞住水蓋去車行出番部新車有冇折/扣稅先?

[david]

09年受害者：冇吸取教訓

】「警方做法梗係有問題，根本冇吸取上次教訓，點可以用市民生命去擋車。」2009年7月警方亦在觀塘繞道一次反非法賽車行動中，截停多輛的士及私家車做路障，導致多人受傷。《蘋果》昨找到當日有份成為人肉路障之的士司機誠哥，他指事後曾向警方索償，等了兩個月才獲9,000多元維修費用，「仲要同佢哋討價還價」。誠哥指對今次警方「重施故技」非常不滿，希望警方檢討。

追討兩個月　賠償不足

事隔8年半，50多歲的誠哥重提舊事仍然氣憤，他指當時空載的士沿觀塘繞道出旺角，在麗港城對開遭交警截停，「當時警員截咗兩排車，自己係第二排」他憶述當時完全不知發生甚麼事，未幾逾20輛跑車飛馳而至撞散的士等車輛，事後才知自己成為人肉路障。

本身是的士車主的誠哥並無受傷，只是其的士右車尾遭另一部的士推前撞及輕微損毀，事後他停工兩日安排維修，損失1.2萬元。他事後向警方申請索償，歷時兩個月才獲賠償，但警方只付9,000多元維修費，2,000多元車租要自己支付。

原來係有前科...

[Tano]

點會吸取教訓
後追衰過咁多次轉玩法係前面封咁解

的士4座5座零件唔共通而且唔同價
對市民就有封頂費

[david]

車主可向警方民事索償

粉嶺公路警方截車行動中有3輛私家車遭涉事七人車撞及，部份車輛撞至變形嚴重損毀，國際專業保險諮詢協會會長羅少雄指，被撞車主若認為意外涉及警方行動有失誤，可循民事訴訟向警務處長索償，他指一般而言律政司會代表警方處理，聯絡相關車主就賠償問題商討。

他補充，由於今次事故中涉事的七人車疑涉違規行為，現時汽車的第三者保險一般不會承保因涉及違法事宜引起的財物損失，因此該3名車主應不能向意外中死亡的七人車司機的保險公司索償。

他補充，若該3輛私家車的車主是購買全保，保險公司會承保所有就汽車的賠償責任，相反，若他購買的一般第三者保險，因今次事故涉及是由違規車輛引起的意外，相信保險公司不會就事故作出賠償。

而家犬話咁做合情合理，即係無得賠啦...就算咁好彩有得賠，咪又係納稅人埋單...犬根本就無得輸

[Tano]

疑犯死埋
口供都唔洗落
又冇其他人傷
又唔洗自己賠

今次"完美過關"到難聽過粗口

[david]

新車落地18日即出事 受傷車主︰無理由搵我哋啲車去截！

粉嶺公路昨日發生奪命交通意外，一輛七人車為避開警方追截時失控，撞及前方4部車輛，車上司機及乘客死亡，另外有4人受傷。其中一名受波及的凌志私家車車主當場濺血，現時仍然留院；其中昨日網上流傳捱撞黑色私家車的「車Cam片」記錄意外經過，顯示一名駕電單車交通警舉手示意後面的車輛慢駛，未幾逃捕七人車高速駛至失控猛撞前方4車。《蘋果》今晚訪問該車車主鄭先生，他指事發時是聽從交警指示停車，完全不知道警方在追捕一輛可疑車輛，「無理由搵我哋啲車去截！」

鄭表示，私家車是上月25日以32萬買入，新車落地18日就撞毀，車尾撞至變形，右尾氣袋爆，車頭亦撼向前方交警電單車，他無奈稱「好傷，整番都嘥錢」。鄭稱，昨午事發前駕車載同妻子由天水圍出發去西貢，當時沿粉嶺公路行駛至九龍坑對開，上址由3線收窄成2線，他以時速約70公里行車，其間一部警察電單車響着警號在左邊影線爬頭駛至他前方約10米外時，交警舉高右手示意後面的車輛減慢，鄭立刻打「死火燈」及減速；交通警再水平地抬起右手，示意停車。鄭按指示停車，整個過程僅數秒鐘。他停車後，見交通警亦預備停車及落車時，後方突傳來巨響，尾隨的凌志被撞後，整部車被推前撞及其車尾。

鄭形容捱撞一刻衝力很大，「衝擊力太大，我停低架車都被推前2-3米，阿Sir仲要傷埋」，幸好他雙手緊握軚盤，他與太太均受輕傷，「一撞埋嚟我頂住軚盤，驚個頭撼埋個軚盤度，老婆本身瞓緊覺，嚇醒咗捉住安全帶」。鄭見前方的交通警被鄰線私家車撞及，一度倒地。他其後落車，見後方銀色七人車翻側漏油，車上兩男血流披臉昏迷，他欲救無從。鄭及妻子分別腰痛及遭安全帶勒傷，送院檢驗後證實拉傷肌肉。

鄭表示，昨夜徹夜失眠，腦海不斷想起意外片段，亦是事後才得知警方有追捕行捕：「我都係聽你（交警）指示停車，後面（車）唔夠幾秒就撞上嚟…..」他認為，警方發現可疑車輛追捕時，應該有更好的部署，或者「嗌咪」向司機交代，要怎樣配合，「無理由搵我哋啲車去截」，他質疑警方的做法︰「阿Sir你有冇諗過我哋作為道路使用者嘅安全，好彩後排冇乘客，如果後排有乘客嘅話，唔敢想像乘客會傷成點」。

犬：搵得你去截係睇得起你先會咁決定啦，亦都因為詳細分析佐你部車後面無人坐先搵你去檔咋，俾你上到新聞一O的感恩之心都無，仲想話投訴同索償

[歌絲˙暮斯]

果架七人車好有可疑 wor，要用咁唔尋常既方法去截？
由手機版發出

[沒名字的?君]

作者: 歌絲˙暮斯

果架七人車好有可疑 wor，要用咁唔尋常既方法去截？
由手機版發出

唔知運毒定運人
係路上行得多總會遇到 一兩次呢啲瘋狂駕駛者
上次有單沙田係市中心多車包圍都俾佢夾硬撞走左
差小小夾死個海關

[歌絲˙暮斯]

作者: 沒名字的?君

唔知運毒定運人
係路上行得多總會遇到 一兩次呢啲瘋狂駕駛者
上次有單沙田係市中心多車包圍都俾佢夾硬撞走左
差小小夾死個海關

一般黎講，咁樣死法多數 d 記者都會寫下七人車果兩個乜野人黎。

今次完全唔提，會唔會有乜野被滅聲。
由手機版發出

[大破人間]

其實好人好姐超速被叫停, 只是收票扣分, 大不了就扣哂分釘牌
唔停仲要踩油逃走一定是身有屎有問題。
正常都會去追截和CALL馬包抄.

而家查到條友無牌駕駛, 同曾經衰過販毒, 無意外都係三合會成員吧.

[Terry仔]

作者: david

車主可向警方民事索償



而家犬話咁做合情合理，即係無得賠啦...就算咁好彩有得賠，咪又係納稅人埋單...犬根本就無得輸

當年一哥就哩次事件，第二次出黎say sorry

第一次就係旺角差館強姦案

對比返今時今日，一哥會話你地無做錯