看到這裡有關於旅遊的POST，所以就在這裡問了，主要問行程的意見與一些準備須知

計劃跟老媽去日本旅行，我們都是第一次出國，打算參加旅行團
不過都有朋友建議自由行，其實這樣好嗎?(他一家五口，但我們只有兩個人.....)

看過旅行團行程，希望老媽不用太操勞(行山 or 長命樓梯的神社)
未知以下行程怎樣？

東京
【東京、橫濱、淺草、銀座】橫濱啤酒工場見學、橫濱紅磚倉庫美食購物大道、 隅田川公園、淺草雷門觀音寺、台場Diver City、銀座玩具博品館、幕張三井Outlet Park

【東京、橫濱、富士山、箱根、鎌倉】橫濱拉麵博物館、鎌倉大佛、忍野八海、台場Diver City、新宿歌舞伎町、幕張三井Outlet Park

富士山溫泉酒店、富士急動感樂園、(箱根平和公園/富士薰衣草祭)、 (深大寺古老情人廟、鬼太郎茶屋/富士七彩花田)、富士白川鄉、御殿場Premium Outlet、 新宿購物大道、LaLaport購物城


大阪

【大阪、京都】京都美山町合掌村、八阪神社、花見小路通、DIY壽司體驗(即造即食)、 立雲峽展望台(觀賞天空之城美景)、辰鼓樓古街、大阪心齋橋、道頓堀、EXPOCITY購物商場

【大阪、京都、神戶、和歌山】京都嵐山風景區、伏見稻荷大社、西陣織和服會館、人氣貓車站、黑潮海鮮市場、和歌山城公園、心齋橋、Expocity購物商場

幾多日？？

基本5天左右

幾多人去，年齡層是怎樣
老人家行動方便？

你好像是將旅行團去的節錄出來，你自由行的話應該去看旅遊書看想去那些

旅行團基本上都係旅遊巴士, 要行都係目的地, 自由行就行多過坐吧, 除非你搭的士啦

2個

六十多歲，只是不想她太辛苦，當然只是我個人想法

因為我擔心什麼都不懂就去自由行可不可行

有個六十多歲的老人家，加上你又乜都唔知，我就建議你唔好諗咁多喇。
自由行當然好，但都係留番你自己去的時候才挑戰啦。

有老人家就跟團啦，加上你自己都未試過自由行，唔好搵埋老人家做白老鼠。

除非識基本日文, 唔係第一次去跟團算啦, 如果自由行會體驗到溝通不能嘅知味:-)

同屋企人去更係跟團啦, 佢地有咩唔滿意都可以推落個團度丫嘛

你睇睇旅遊書先吧....
好老實講同一個六十幾歲既老人家去富士急? 真係咁鍾意機動遊戲?
啤酒, 玩具, 拉麵博物館.壽司體驗呢D你地真係有興趣?

認真，帶住老人家，自己未試過真的跟團
你果堆行程因為係旅遊團copy出來，唔跟團坐旅遊巴，向左走向右走你坐車轉車我怕你頭暈

如果你無老人家，或者你去過好多次，我一定贊成你自由行

如果你還是要自由行，請忘記旅遊團行程，自己去書局看書

同老人家去日本跟團算啦:-)
其實好多都有埋圖又有漢字:-)
我唔識睇日文照去都無事啦

同意
我都唔多識日文, 但都照自由行.
但東京同大阪作為一個都算旅遊重點既城市, 其實唔少設施同店舖都會有英文指示牌同英文MENU...
同埋咩都有哂圖

如果你老媽本身行開山做晨運果D, 跟你依D行程左去右去應該無問題:-)
如果唔想行得咁多係真係要買書plan, 一日集中在一兩區內（但對比旅行團始終要行多D）
如果平時少運動開，真係旅行團算了

同屋企人去更係跟團啦, 佢地有咩唔滿意都可以推落個團度丫嘛 + 1

尤其樓主得一個人帶住老人家, 好話唔好聽有咩好事/壞事/突發事都係樓主受, 搞到最後黑面就唔好
而且跟團起碼有領隊/導遊問下, 老人家到時有咩想要/想買/想睇都可以即時補救
而且跟團有車坐, 老人家唔洗行咁多 (唔好高估老人家o的耐性同耐力)

係日日晨早 7:00 am morning call 難頂o的

利申: 過來人

又咁講, 自己一個人自己行, 點 hea 行都無所謂
但帶住家人/老人, 對方有咩事你要即時處理, 人生路不熟始終差o的

度假就話姐:-)
去旅行玩到盡梗要早起身:-)

首先你應該要有東京都(當你去東京先)範圍的概念，你啲行程好多已經係東京近郊
雖然都適合後生自由行去，但唔係六十多歲

最遠的富士急離新宿(直線距離)成75公里，JR要轉1次車，單程都要2個幾小時，羅湖玩到東莞都係60幾公里咋
就算近近地市區去市區，新宿去橫濱都25公里，大約成條東鐵線咁長

跟團啦，坐旅遊巴適合老人家好多
如果真係自由行，編啲市內行程老人家都應該應付到，編得好都內都好夠玩
建議京阪適合老人家啲，東京都內太大城市化，好似銅鑼湾，京阪就市區都有古蹟比較多

我都認為第一次跟團會好d,起碼慳番d搵路時間。有咗個概念,之後再自由行順暢d。
個人建議參加京阪團

重點係頭POST「第一次出國」
冇出國經驗, 仲要去一個溝通困難的地方, 梗係跟團啦
你D FD叫你自由行我覺得係老點你:-)

…搞咩第一次出國就會揀究極難度「帶老人家自由行」:-)
跟團啦:-)

跟團吧，老人家即使話冇問題，但要搵地方畀佢地休息係有難度，至少我上次去東京就唔係好覺有地方可以免費坐(上野公園都唔係好多地方有得坐)

帶老人家去自由行
千祈唔好諗著佢會頂得順同你四圍行
你覺得係景點好野既野，佢未必有興趣:-)

聽 fd 講佢同老母去去下旅行中途 TVB 劇癮發作，寧願起酒店追劇 XD
由手機版發出