http://hk.apple.nextmedia.com/news/a...61116/19835777
蘋果網有片睇

【網民hot talk】不忿新租客呃裝修
網吧老闆極速清場反擊

不少店舖老闆在退租時都會和新租客商討，付款買下部份已有裝修，包括水電設備等。不過「北區」fb群組中有一名網吧老闆表示，網吧要結業退租並會於11月15日下午交場，10日前即11月4日與下一手租客髮廊店東談好，收取3萬元酬金以保留現有裝修，對方亦承諾11月13日付款，惟到當晚髮廊店東竟表示「一個仙都唔會俾」並拒絕付款，叫網吧老闆「有本事就拆晒佢」。

網吧老闆大感氣憤，認為對方計好時間令他在11月14日一日內無法趕及拆除裝修，直斥「啲新香港人真係帶埋國內嘅習性嚟香港」，並馬上「開turbo」清場，成功一日內拆走大部份裝修，連地磚亦都拆去。

多位網友留言支持網吧老闆，紛紛留下清拆裝修方法及打氣字句，有人更表示會到該網吧幫忙。網吧老闆不斷更新清場情況，例如已拆走電箱、水管等，冷氣機亦已全部送走，並提到和髮廊店東是樓上樓下關係，「見面十年八年，佢一個唔該租咗我個舖，我都唔怪佢」，但對方反口的行為實在令人氣結，連業主亦答允讓網吧老闆「拆到點都得」，因10多年前租用時單位什麼也沒有，電錶亦由網吧老闆自己申請。

網吧老闆又指，「本來好來好去，一家便宜兩家著」，因他可以留下3部2匹分體、1部3匹分體冷氣機及一部「窗口機」、電箱等設備給對方，「連櫃台都話留俾佢……我真心估唔到佢伏我囉，最尾一日先話唔俾錢」。他計過「30個電位400蚊個都12,000啦，電箱重做17,000，做電都最少29,000」，相信對方接手時要還要處理水電問題之餘，亦至要進行20多日的裝修工程。他亦提到，「重有樣仆街嘢，佢重狂叫我拆招牌先好走」，他只反駁對方「業主都冇出聲，你都係二房東分租，我點解要聽你講呢？」

至今日中午，有網民化身「戰地記者」，進入店舖視察，發現地磚已被拆毀，電綫剪掉，只留有一盞燈、一張椅子，及一個相信用來破壞裝修的鐵鎚。網吧老闆亦有留言，稱今日交場時，業主在髮廊店東面前讚他「準時交場拆得好。有交帶，好租客」，業主另要求該髮廊地舖「你今日一定要清晒地鋪啲嘢走」。

【網民點講】
Tenson Chan：誓創最多人清拆室內裝潢記錄
Wong Wingkwong：直播交舖儀式。
赤月善：樓主，如果要人幫手開聲，夜晚放工黎幫拖，冇嘢叻，破壞最叻。保證下手驚喜不斷。
Kelvin Chu：重點係業主唔理，可以點都得
Chiu Mo：打蘭（爛）晒都唔好留比佢
Ho So：聽日幾點交收，好想係現場見證
Ken Tung：樓主可以去買幾桶英泥漿係地面創造山谷
馬玉：最好整到地下一高一底，用唔到即車落唔到卡板

========================================================

不灰鞋, 得灰骸
TELL ME WHY


原來仲有好多人唔明
windart 借你個POST個懶人包一用 :-):-):-)
貼番幾張懶人包入面既圖先
Image

Image

Image
前租客都好好呀, 留個鎚俾個賤人用 :-)

仲有續集

http://hk.apple.nextmedia.com/realti...61117/55927092
蘋果網有片睇

【網民hot talk】網吧老闆極速清場2 呃裝修大媽結局係…

早前曾報道在「北區」fb群組中，有網吧老闆（下文簡稱樓主）表示極速清場反擊涉嫌「呃裝修」的下一手租客，即樓下地舖髮廊中年婦人店東（簡稱女店東），兩個舖位均原定於11月15號交吉，不少網民均預備好「花生」跟進交吉情況。不少港人專程到該網吧地址「朝聖」，據樓主留言內容，女店東一早擅自將地舖分開一半，分租予疑似水貨舖，所主地舖業主要求她即日拆牆及爆開地台。而樓主早已將樓上舖位水電裝置拆去，女店東以樓上單位沒有電箱要脅業主，不肯交還地鋪鎖匙，不過業主就指「大家嘅關係已完結，閣樓係由新租客轉租畀你，你有唔滿意你揾租畀你嘅人，唔好揾我」。

一眾網民及樓主不斷最新情況，女店東因付不出按金，差點無法收回水貨舖鎖匙而無法清鋪，因水貨舖租客堅持沒有按金就鎖門，有人形容女店東「聲淚俱下」，而地產經紀由早上11時等至晚上9時亦收不到鎖匙。不過，地舖舖位已另有新租客，業主限定女店東要即日還原地舖交吉，並且不理她的理由或藉口，叫她「自己的事自己做」。

樓主早前表示只留下了鐵槌女店東拆卸裝修，並「留一線」留下了電燈，由最新的相片可見，髮廊地舖已在還原當中。網民估計女店東要支付的價錢遠遠超出原先答應樓主卻反口拒付的3萬元，樓主亦指，「其實計數，佢真係要全鋪裝修」，曾任職裝修的樓主亦估計，「鋪膠地板，執洞，16,000起；電位明喉450蚊個，三相總箱16,000起；水喉來去水約5,000；鋁窗全部要做過，框就曲哂，正常冇人有本事整，整重貴過重裝，20,000蚊左右；冷氣1,000尺正常10匹，我當佢窮，裝3部掛牆，裝工每部2,500蚊」，看來亦要花費不菲。

=================================================

埋單果下爽了

黑心講

果女人其實抵死
明呃人

條路自己揀 ...，庄閒未識分
今期花生比你搶晒
由手機版發出

毒果新聞好亂
我都係去睇懶人包先睇得明

呢次花生真係賣斷市

邊到有懶人包？
前篇都叫睇得明，後篇就一舊雲

【起底懶人包】不忿大陸人奸計呃裝修港人極速清場反撃..
http://www.hothk.com/66221#HyjYh9oA3zJuOYo2.97

自己去追晒事主個FB實況拆屋，只能講個女人衰口臭低死:-)
因為住粉嶺尋日特登去上水睇下已經拉左閘:-)
Image

即係本來樓下俾返3萬佢要埋裝修, 但LAST前一日就唔過數仲串佢, 所以1日之內玩清場, 依家佢就頭痕俾多D錢去搞返晒, 係咪?

睇完真係抵佢死.

我想知煲大左之後, 會唔會有大陸版本? 改成
港賤男鑿爛個場先交吉, 害無辜大媽大失預算?

真正體驗"激戰極速領域":-)

業主玩埋一份:-)

和諧包溶:-)

真係太睇少香港人了:-)

大快人心 :-)

業主玩埋一份+1, 睇業主o的態度, 同女店東之前都唔知係唔係已經有牙齒印
利申: 早前只係睇o左上半集, 下半集就 too long don't read

睇過上集話上下舖都好似係同一個業主, 咁個業主唔理, 即係要個地產代理去搞點?
Update: 睇返懶人包, 上下舖係唔同業主? 咁就真係要硬食

唔訪問問女事主而家有咩感受有咩打算？:-)

追DOWN要不得:-)

其實我唔明成件事.

網吧老闆, 點解會同新租客deal個裝修
租約定明, 租客退租, 要還原架wor.
點可以唔同業主傾? 因為業主都應該係要確保新租客肯接受先得.
冇水電箱, 租約應該要另外訂明....
仲有成地都係鑽穿咗既磚, 業主真係會放過個樓上舊租客, 佢真係業主黎:-)

仲有, 樓下鋪租客分租比人, 最後一日先問人攞鎖匙, 傻咗:-)
個業主又係傻既, 未收番鎖匙, 就夠膽同個租客鬧疆. :-)
因為就算租約完咗, 或者租客欠租, 租客賴死唔走, 要趕走佢, 都要經一大輪法律程序, 頂多之後追佢錢. 冇3-4個月都收唔番. :-)
如果租客係哩幾個月度, 全力破壞. 而租客又係大陸人, 我就只可以同個業主講RIP. :-)

到底哩件事, 係咪係香港發生. :-)

第一篇以為睇得明
睇到第二篇R晒頭

你想像下你係業主 幾個舖渣手 身價億億聲 個個月等收租都夠去幾轉旅行
唔通交吉個舖位呢D雞毛蒜皮事都要人搵你傾咩
正常都係租客自己十五十六傾掂數啦
正常份約寫住交吉 都唔會吉到電箱都無啦
明明下一手用到 拆到咁盡係無意思
下一手正常睇果時都會睇埋有咩用得返
喂 吉到地磚都無 自己舖過 又隨時遲一日先開到舖 裝修做唔到生意D租白比架
所以盡量買返上一手既野 先係正常啦

本身樓下個阿嬸 新移民但都係香港人 要入佢係易的
佢分租左出去 分租賴死 咪都係入佢數
破壞完 咪又係入佢數
業主都開聲講阿嬸遲左交吉係佢責任 要計多佢一日租
擺明係因為呢單野 又見晒報又搞到佢嘆少日世界 先至明玩阿嬸
你估佢志在果一日幾千租 甚至幾個月賴死會蝕幾皮咩

你咁樣冇得好講. 租約到期同開始, 物業交收先係最重要既時間. 約都簽咗. 你係業主, 會唔會係新租客有保留裝修O唔OK既情況. 比個舊客留裝修?

宜家鬧翻, 搞破壞既都係業主既物業. :-) 業主竟然話OK.:-)

所謂交吉, 成地爛磚, 冇水箱冇電箱. 正常租約, 租客真係可以拒租, 再搵業主賠錢. 當然合約寫明新租客, 要自己清理垃圾, 重新搞水電箱另計. 不過, 未見過哩D約. :-)

交吉遲, 你當然可以收佢租. 但佢一樣可以玩野唔交租, 唔交鋪. 你要收番租出物業, 最快都要2-3個月. 最慢, 係可以拖幾年. 特別係人地又租番咗上邊同一業主個單位. 哩D上庭, 真係有排玩. :-)

期間個單位, 仲要係租客手. 租霸係業主既惡夢黎. 業主逼租客玩野. 我真係未聽過. :-)

因為係個阿嬸好串地叫人有本事拆晒佢
掉返轉假設份約寫埋包電箱水箱比你
但你自己話唔要叫人拆左佢 個責任梗係係個阿嬸度啦 關業主鬼事咩

上舖轉租係經左第三者
業主似乎都係食住呢一點 知阿嬸唔得罪得呢個中間人
接下來我純粹係估
分租個水貨倉條友其實先係背後勢力
係佢搶租左樓上 迫阿嬸搬上樓 自己用返晒地下個舖做倉
你估呢個情況阿嬸敢唔敢玩野唔交租比中間人等於水貨勢力?

回應你第一條問題，蘋果第一篇有講
原業主10年前租俾網吧老細時，只係得4邊牆，乜裝橫都無
Last 2 day 網吧老細已經問準業主，可以還原，拆到點都得

哩次表面上係老細一人還擊，其實係wonderful 101

各位朋友，我係有聽過第二個版本，信唔信就由你地了

樓下同樓上係兩個唔同業主，樓下一鋪分別由兩個唔同既人合租，水貨同髮型屋。
髮既租客係十幾廿年前已經黎左香港，有好幾個仔女，都係香港出世。

而下鋪髮型屋要搬既原因係，下鋪業主本身答應唔加租，不過業主一中風，業主老婆就叫加租八萬。
髮型屋頂唔順所以要搬，至於水貨當然無問題。

而三萬事件係咩???以我收到既講法係，三萬係買佢三部冷氣，而唔係留裝修。
樓上舊租客本身係答應，但後來反口，再反咬係髮型屋大佢。

然後結果就係今日大家睇到咁。


至於消息係邊收返黎???

都係果D聽落唔可靠既消息來源:
我一位識左幾年，係澳洲時一直一齊住既女仔朋友，佢既一位多年姐妹就係髮型屋老闆既女。