~清談館~>[成功需苦幹][J圖]能幹麥明詩當選港姐倍感安慰
作者: :
唔知大家仲記唔記得,之前十優港姐麥明詩(Louisa)遠赴英國拍攝無綫節目《星星探親團》,其中一個重點係返回母校劍橋大學拍攝,點知事後俾劍橋學生報《The Tab》爆料,指「有人」在舞會中「呃飲呃食」,最後在場保安要求一眾人等從側門離開。
呢集《星星探親團》噚晚播出……嗯……有啲壓力,因為成集都係一個贏在起跑線上的資優生的成功自白。十優狀元。劍橋生。港姐冠軍。如果你係同家長一齊收看,咁…壓力可能仲大。
當然,家境還不錯的麥明詩,踏上劍橋之路也是捱過了不少苦頭,亦靠其意志毅力,一步一步踏上十優狀元兼劍橋生還當選港姐這條路。節目中,麥明詩帶大家到位於Crowthorne嘅威靈頓公學(Wellington College)——其預科生活的起點講起,一路介紹到劍橋。
著名貴族學校與英國頂級學府的神秘面紗隨著麥明詩介紹下慢慢揭開,仲帶埋大家參觀女生宿舍喎,感覺真係超夢幻0架。之但係,幫麥明詩撰稿嘅仁兄,幾乎三句不離「劍橋」、「十優」,令人夜麻麻睇呢個節目時都覺得有啲「曬」。呢啲對白可能不是麥明詩原意(啩…),但有啲欣賞過此集的網民,就覺得頗「離地」,亦有人話:「我終於明白麥明詩點解冇朋友。」
摘錄部份麥明詩節目中對白:
「17歲隻身到英國,逐步實踐理想,孭住十條A就入到劍橋?冇咁易0架!成功需苦幹!」
「劍橋生呢個名,絕對得來不易0架」
「非一般嘅劍橋生,當然有非一般嘅劍橋生活啦!」
「大家知我係港姐冠軍,知我係十優狀元,但我依家最想同大家分享嘅,係我喺呢間英國頂級學府所經歷嘅三年大學生活。」
「中學讀緊女拔萃嘅我,原來諗住本地升學,但09年會考成績都唔錯啦,英國Crowthorne一間寄宿學校就收咗我喇(威靈頓公學)。」
「呢間係英國嘅貴族學校,全校有一千學生,一成半係留學生,收生門檻好高,堪稱頂級大學嘅搖籃。」
「讀一個學期要一萬鎊,一年有三個學期,即係一年要三萬鎊,好彩我攞到少少獎學金可以幫補下。」
「選劍橋難定選港姐難?如果我會考冇咁嘅成績,我就唔會搵到間咁嘅寄宿學校啦;如果我冇入到劍橋,我諗我未必會贏到港姐,所以好奇妙0架成件事。」
「07年15歲嘅我,就係喺King's College呢間教堂入面,立志要成為劍橋嘅一份子。好膚淺0架那時,未見過間咁靚嘅大學,將同阿哥張相曬8R,擺喺枱頭,俾咗我好大嘅動力,好努力咁去讀書。」
http://hk.apple.nextmedia.com/enews/...60518/55115804
佢副尊容……
我都係丁返楊思琪算
:-)
Image
Image
其實同屆真係無其他人選?
:-) :你班垃圾廢青有咩資格話人啊,書又讀唔成打份牛工凈係識搞事
作者: 小草:
其實同屆真係無其他人選?
其實係睇邊個夠能幹?
由手機版發出
成件事低級在內容好港豬
麥小姐係咁講劍橋幾難入自己幾辛苦
同佢喺港姐決賽嗰晚講嗰段"女子無才便是德"嘅speech嘅香港/國際視野差十皮
唔係新節目出街的話
真心唔識佢
:-)
第幾屆港姐?
昨晚重奇怪老母咁早訓話最唔鐘意呢個,講d野成日晒,聽到一頭問號,依家我知乜事了……
:-)
作者: 尼路:
昨晚重奇怪老母咁早訓話最唔鐘意呢個,講d野成日晒,聽到一頭問號,依家我知乜事了……:-)
佢心入面完全無第二個電視台?
:-)
不過我見好多人都係,割願開住唔睇/熄電視都無諗過原來有第二個台可以揀...
作者: Rance:
佢心入面完全無第二個電視台?:-)
不過我見好多人都係,割願開住唔睇/熄電視都無諗過原來有第二個台可以揀...
無……成日暗示明示重有VIU結果最後都係TBB……星期日會有D唔同,TBB新聞台……
:-)
作者: david:
入劍橋=無才
無入劍橋O既...:-)
有無材我唔知,有無身材就睇到既
Image
由手機版發出
本土民主前線梁天琦被選舉主任取消參選資格,選舉事務處被指政治審查。於劍橋大學法律系畢業的現屆港姐冠軍麥明詩,今日在facebook個人戶口轉貼《明報》有關梁天琦的報道,該報道標題為「選委會法律界委員聯合聲明 批選舉主任決定不合法:無法律基礎下作政治審查篩選」,麥在帖文寫上「An action ultra vires, coupled with procedural impropriety.(一個行為越權,並加上程序不當。)」並hashtag寫上「#我仲記得我讀過嘅書」,似暗喻選舉主任行為越權,處理梁天琦提名程序亦有問題。
麥明詩亦有在其公開專頁分享有關帖文,網民大讚她敢言及表示欣賞,上載4小時已有逾200人讚好。亦有網民留言稱:「喺香港講啲咁嘅野,用英文同拉丁文黎講,暫時黎講都重係相對地安全的。」麥則親自回應指:「用英文讀,唔係好識呢啲terms嘅中文。」
作者: :
麥明詩今日傍晚於facebook撰文,開首就以「相信唔少女仔都曾經遭受性侵犯,我亦都唔例外,仲要係唔止一次添(o添)。」她稱因為事發在大陸,香港法庭沒有司法管轄權,故她沒有採取進一步行動。
出post後,麥明詩回覆傳媒時解稱釋謂:「17、18歲曾參加一個中國交流團,因為唔係自己同學參與,其中一個人趁冇乜人時候做咗啲令我好唔開心嘅事,畀人抽咗水咁,好彩傷害性不太強 。」
至於事發經過,麥明詩表示不願多談,她稱:「唔想detail講。我唔係想人同情,只覺得好多女仔都有類似經歷,但自己都覺得好難處理,得兩個人,點解要信你講嘢?覺得好難告得入。」
雖然如此,不過麥明詩謂其實還未致絕望:「大個接觸一啲法律朋友,其實仲有環境證據,可以循法律保護到個女仔。」她補充謂最好方法,都是要防止事件發生:「所以嗰件事後,我都醒覺唔應該再畀呢啲事發生,最近都有學巴西柔術。」
https://hk.entertainment.appledaily....71203/57536762
大家仲去唔去中國交流丫?
:-)
作者: :
網民質疑非禮變性侵 麥明詩激辯靠法律條文
繼香港「欄后」呂麗瑤自揭被前教練性侵,十優港姐麥明詩昨晚亦在fb自爆曾在中國曾被性侵,並指「唔止一次」。麥明詩及後向傳媒解釋指事發為17、18歲參加中國交流團時發生,「畀人抽咗水咁,好彩傷害性不太強」,其母親麥何小娟昨晚接受《蘋果》電話訪問時,亦指「未必好似你哋諗咁嚴重」,認為女生地鐵被「摸手摸腳或影裙底」,都可視為一種性侵犯。但有關說法被網民質疑麥明詩將非禮說成性侵過於嚴重,麥明詩深夜與網民激辯,早上再貼文以法律條文解釋「性侵」一詞。另外,麥明詩又在網民留言處澄清侵犯是香港人,惟事件在中國發生。
有網民認為麥明詩遭遇是性騷擾或非禮,而非性侵犯,麥明詩隨即貼出在維基百科截圖指性侵犯包括強制性交、強制親吻、性騷擾、非禮、性虐、露體等。今早麥再貼文,引述港法例指,任何人在未經他人同意下,故意接觸他人身體,而有關接觸包含性意圖,「私處、胸部等嘅故意觸碰可以被presumed為sexual」,都是被視作「indecent assault」,中文為猥褻侵犯,可監禁10年。麥表示,習慣稱之為「sexual assault」,「直接翻譯就係性侵犯,或許因此令大家誤會」。她又澄清,「強姦」根據法例,是「用男性性器官插入女性私處」,法律用詞上用「Rape」,而其他具性意圖觸摸是「sexual assault」,但麥亦指廣義上,性侵犯包括強姦,只是在法律上兩者有分別。
唔通係蟲大哥?
:-)
麥明詩真係高汁數。
harakuma 02:49 PM 12-04-17
其實我想知"性浸飯"個定義係點, 同比人"抽水"又算唔算性浸?
Dyhalt Rushifar 03:21 PM 12-04-17
在下冇修過法律,不過字面廣義上覺得佢冇講錯既。
不過一般人對性侵多數都聯想到老強多,畢竟一早已經猥褻侵犯同非禮等。
只係講得廣泛D,話題性一定大D既
:-)
Shirley Sheila 11:58 PM 12-04-17
本來係indecent
但佢個人習慣稱之為sexual
好在今次佢無加個tag #我仲記得我讀過嘅書
:-)
笑鬼左
即刻有人係性侵犯WIKI加左10A落去
作者: :
範圍[編輯]
聯合國根據各國政府警方匯報的資料,發現每年有超過250,000起強姦和強姦未遂案例。 數據涵蓋65個國家。[49]
香港[編輯]
「10A港姐」麥明詩(劍橋大學法律系畢業)在網上稱「性侵」泛指一切種類與性相關、且違反他人意願,對他人做出與性有關的行為。可包括強制性交(肛交或口交)、強迫親吻、色狼的性騷擾、非禮、性虐待等,露體、窺淫在司法判例上也可能被算是性侵犯。」