逃票蠱惑招　攻破港鐵
師奶二人組測試過關　慳 14.8元

2011年05月07日

• (27人)
• 瀏覽人次：61,400

• Facebook
• Twitter
• 轉寄朋友

【本報訊】港鐵車費加完又加，下月再加 2.2%，有長途乘客想出五花八門的蠱惑招，攻破港鐵大關慳荷包，如坊間流傳一種「二人同行」逃票方法，兩人只要目的地相同，以兩張八達通加上一張短程單 程票，便可節省車資，車程越長，慳得越多。《蘋果》記者在區議員協助下，邀請兩位天水圍師奶測試，從天水圍出發前往中環，發現以此方法一程車兩人共可逃過 14.8元車資，如果兩人每天如此上下班，以每月工作 26天計算，每年共可逃過 9,235.2元，平均每人慳 4,617.6元。
記者：馮樂琳　何偉 畧


近來網上不斷有人「誠徵」同路人同行，以這種方式乘搭港鐵。事實上，港鐵職員如非目睹整個逃票過程，要「反攻」逃票者難度極高。
隔一分鐘原站出入

住在天水圍的 Connie和 JoJo前日（周四）由天水圍西鐵站出發， JoJo先買一張最便宜的車票，即往朗屏西鐵站的單程車票入閘，車費 4.5元， Connie則以八達通入閘。二人從天水圍乘西鐵， 24分鐘後到達南昌站，轉乘東涌線往中環方向繼續行程，只消 15分鐘便到達香港站，開始關鍵的逃票過程。
Connie先接過 JoJo的八達通，才以自己的八達通出閘，車費 22.4元。放好自己的八達通後， Connie走到入閘機前，以 JoJo的八達通拍卡，但不入閘，站在欄杆外將八達通交給閘內的 JoJo， JoJo一分鐘後以該八達通出閘，原站出入車資 3.1元，而較早前買的單程票則變成無用。由於今次屬測試性質，本報記者完成測試後，將 JoJo的單程票拿到票務處補回差價。
放大圖片
《測試直擊》
2) JoJo（左）和 Connie手持兩張八達通、一張單程票，出發去中環。 JoJo用單程票入閘、 Connie用自己的八達通入閘

放大圖片



非全程目擊難執法

測試結束後計算，由天水圍出發往中 環， Connie付了全程車資 22.4元， JoJo則付了單程車票和原站出入的車資共 7.6元，兩人車資合共 30元，較守規矩付足車資所需的 44.8元慳了 14.8元，來回車程共慳 29.6元。以此計算，假設一對夫婦每日同往中環，每月工作 26天，兩人每年可節省高達 9235.2元。
以相同方法計算，若乘客從東涌往柴灣，原來八達通車資 21.2元，兩人共 42.4元，蠱惑「二人同行」所需車資為 32.8元，共可逃過 9.6元。
記 者發現這種逃票方法風險極低，在熙來攘往的車站，職員要揭發有人交收八達通、以八達通原站出入或私藏單程票，機會極低，如非目擊整個過程，實在難以執法。 身兼北區區議員的立法會議員黃成智指出，逃票時有發生，但港鐵人手有限，不少附例一直無人執法，「我覺得冇辦法可以捉到」。
放大圖片
《測試直擊》
3)下午 5時 45分， Connie出閘後拿 JoJo的八達通在香港站入閘機拍卡，隨即「掉頭走」不入閘


放大圖片
《測試直擊》
4) Connie（右）任務完成，把八達通隔欄交回 JoJo



放大圖片
《測試直擊》
5) JoJo一分鐘後用八達通出閘，被扣除 3.1元最低車資

放大圖片
《測試結束計算車資》
兩人共付 30元，節省 14.8元（平均每人慳 7.4元）



議員籲勿以身試法

黃成智說，港鐵要阻截逃票行為定有辦法，但如果花大量人手監察，成本可能很高，情願不處理。雖然如此，他呼籲市民切勿以身試法，「唔好為呃幾蚊，惹來好大損失」。
除了「二人同行」的方法，網上不時流傳五花八門的慳錢大法，對抗有增無減的交通費，包括在站內換票、利用轉乘優惠等，但部份方法涉及逃票，不但觸犯《港鐵附例》，甚至要負上刑責。
港鐵發言人回應，絕大部份乘客都會守規矩買車票乘車，港鐵亦不時派員查票，如發現乘客沒有有效車票，港鐵可向乘客徵收違例附加費，甚至提出控告。

講到逃票好似好理所當然咁

港鐵賺十幾億都理所當然加價
小市民點解唔可以理所當然地逃票?

逃票好似高買咁樣都唔啱...

真係唔好因少失大...

留案底人生就玩完

見光死再過橋抽板
呢兩位師奶幫港鐵封尾門真係功德無量

咁點解可以理所當然咁逃票?

最後有補票jee,但過程動機不良喎
道德黃成智呢D時候又唔見佢守程序正義o既?

其實冇咩所謂，不過咁樣曝光，對面一定會有對策。

手夠長一個人都做到
但呢招繁忙時間用阻頭阻勢
清閒時間又比票務處一覽無遺
而家仲要上埋報


食野嫌間餐廳貴所以食完大條道理唔比錢?
雖然唔搭地鐵都無乜其他更平既選擇..

叫個3歲以下小童幫手省得仲多

食飯店員找多咗錢，在下九成唔會俾返佢。

好耐世紀已經有咁玩喇！

你今次係講[理]定講[法]先?
[理]所當然...我諗應該係講理吧...
港鐵賺十幾億都可以加價對市民不仁
咁點解天水圍師奶又唔可以逃票對港鐵不義?

早老已經有人咁做啦...

咁你試下俾人拉時可唔可以以此黎做抗辯理由囉

應該只係違反港鐵附例
唔會留案底...

有錯請更正
響中間個站交換車票我就聽過

即係我誤會左...

原來[理]所當然....講既都係[法]

你咁講即是，你買左飛睇戲，睇左一陣想睇第二套，咁就鼠入去第二個院睇，咁係咪唔得呢？我都係比咁多錢喎！


早在儲值飛時代已有咁玩，例如：全灣去柴灣，兩個夾到都係相反方向去的，中間油麻地換左張飛，咁柴灣去全灣果個用全灣入閘果張飛出番全灣，咁咪扣三個半囉，咁囉…

理都要講法既...如果剩係講"理"而唔講"法"既你死得仲慘呀

仲有我都有講,你既"有理"同我既"有理"唔一定一樣.....

但技術上做到麻…

因為雲吞麵加左價所以我可以食完唔比錢...aaaaa

係架,正始衝紅燈一樣之嘛,你要有所覺悟囉

不過到時攞住d"你不仁so我不義"黎做抗辯理由就真係咪怪我指住黎笑

做得出被捉到就唔好怕認
就好似搭輕鐵你唔入閘都可以坐車
但係被捉到就乖乖地認左吧
(雖然基本上除非你帶衰,你坐50程基本上都遇唔到一次查票的
當然我係好市民我係會拍卡
p.s.被捉到好似係罰票價50倍)

所以某程度上我是鄙視那些塗鴉o既人
有晚我撞到個塗完雞咁腳走
問佢知唔知艾未未有乜作品時完全答唔到o既人

話說回來,要捉應該不難吧,
拍完卡唔入閘,一係推一下個閘扣一次數(好礙眼應該唔難睇到)
一係直接行開(做多幾次8達通一定有紀錄邊個拍完卡冇入閘紀錄)

咁呢件事入面
你既[理]係乜?

你不仁我不義梗係唔好啦
但而家係有人可以不仁, 但卻唔比人不義
兩回事, 兩個標準黎架...

仲有如果雲吞面麵店賺十幾億都仲加價
我相信有人會訓餐枱抗議
但如果間店只係因為最低工資保住員工飯碗
按成本上升比例加價
我日日幫襯都冇所謂
前提唔係加價, 而係合理與否

我對呢件事覺得係錯既"理"就係你做緊逃票呢個犯左條例(唔係法既...)既行為

咁我問你,天星小輪唔記得邊條線年年蝕,你又會唔會入多d錢先....

仲有你可以不義,只要唔係犯例/法既,我都奈你唔何

如果呢個世界可以咁容易 有人不仁就可以不義既話,相信條街唔細一日周圍都可以係屍體.