E-Kids阮民安押返港大耳窿追數

[dan]

曾獲「樂壇校長」譚詠麟力捧的前男子三人組合E-Kids成員阮民安（Tommy），本周三隻身前往澳門回力娛樂場豪賭輸清光，竟向賭場內的「疊碼仔」借貴利，借十萬元實收八萬元，更被起釘至二十四萬元，最後遭兩名彪形大漢押返香港收數，驚動電影公司老闆林小明出面「講數」，最終議價償還十二萬元，今日內須繳清尾數。
現年二十六歲的阮民安，早前剛從內地拍劇返港，據悉本周三（十二日）晚突然賭癮大發，隻身到澳門回力娛樂場豪賭。可惜他當晚的賭運不濟，不久已輸光賭本，惹來賭場「放數」的「疊碼仔」搭訕，游說借錢博翻身，阮民安先借兩萬元，但所謂「輸開有條路」，兩萬元轉眼又輸清。

據了解，當時「疊碼仔」再落嘴頭游說阮民安加碼，急欲翻本的阮民安遂借多八萬元，但今次實際只取得六萬元，即前後借十萬元實收八萬元，期間「疊碼仔」更代他「推碼」（下注），最終輸清收場，此時阮民安才獲告知要數二十四萬元，身無分文的他提出開支票還債被拒，對方隨即派兩名彪形大漢押送他返港追數。

林小明親自出面斡旋
消息人士透露，阮民安前日整天在兩名彪形大漢監視下四出籌錢仍無落，至深宵時分，他硬頭皮致電經理人及寰宇電影公司老闆林小明求救，眾人相約於尖沙咀亞士厘道一間名為「4 Uncle」的酒吧商談，本報記者現場所見，在等候林小明等人到來期間，阮民安疑怕遭人認出，一直戴漁夫帽，多次「頭耷耷」進出酒吧傾電話，神色慌張，不停踱步徘徊，兩名彪形大漢則陪伴左右。

當時酒吧內尚有六、七名大漢，據知均是債主在港的手下，有人不斷催促阮民安想辦法還債，又有人提議陪他返屋企，叫家人代還債，阮民安聞言即說：「？唔好啦，唔好搞咁多！」期間雖然有人曾考慮報警，但想到曾簽下欠單，怕報警亦理虧而作罷。

消息人士續稱，事件最終要由林小明親自出面斡旋，提出「欠債固然要還錢」，不過利息實太高，對方終同意只需要阮民安連本帶利償還共十二萬元，僅為最初要還二十四萬元的一半，阮民安即場先還一萬元作為利息，餘數要在今日內還清才能擺平事件。

承認到賭場否認欠債
不過，兩名彪形大漢未有即時離開，更於凌晨時分「護送」阮民安上的士，跟他返回黃大仙鳳凰的住所，確定他的住處後才離開。

阮民安昨午出席商台直播節目後，被記者問及豪賭及借大耳窿的事件，戴上「黑超」的他表現鎮定，承認曾到澳門賭場，但一度否認欠賭債，其後沒有再回應。他的經理人楊劍標則表示，今日會交代事件。


阮民安（右）前晚被兩名大漢（紅圈示）押送回港，並即時打電話求救。

e-kids... , 好掂

[黃昏之魔彈]

Good News

[sigma]

佢真係X到冇人有

[KIM]

8出24歸~~~~~D息成300%~~~都好金下~~~!!!

身為明星仔~~~連10萬都要借.......太少了~~~!!!

P.S. Tommy是否做 3叉口 果位?

[sigma]

嗯
佢係有份拍三岔口

佢哩d暗星賺都唔賺得多 仲學去賭到借貴利
整定佢玩完喇

[無賴男]

作者: sigma

佢真係X到冇人有

個樣同d news都係X到冇人有

[663]

好似之前已經犯過事﹐醉駕定乜野呢?

[dan]

作者: 663

好似之前已經犯過事﹐醉駕定乜野呢?

[大情大性武大帝]

最唔明原來借左錢之後，唔係自己話事賭的，係大耳叔叔話事……
即是屈機？
還有亞阮生在e-kids玩完後都未起番就搞Ｄ咁既野？

[神秘過客]

我係老細就放逐佢,叫佢摺埋一二邊啦...
擺明紅唔起架啦,養黎都浪費米飯

[~飛彈~@@]

不紅已黑的高智慧藝人

[怪人怪人]

一個暗星既小新聞竟然上頭條
佢有賺啦

[暗黑流星cal]

除左抵死之外...唔知有咩好講...

[Busconcamp]

一單接一單"新野"...重話自己信教...
CABLE娛樂新聞台有訪問...
偶都廢事睇...

[kin~kin]

好攪笑喎....不過e-kids我都唔認得d樣...

[Busconcamp]

作者: kin~kin

好攪笑喎....不過e-kids我都唔認得d樣...

除左呢件獨立發展既阮民安...
其餘2件...印象消逝已久...
(MK大眾...邊會認得)...

[櫻庭]

e-kids好耐無曬消息,諗住已經玩完好耐
點知仲搞單咁既野,呵呵
今次真係打到佢落谷底啦!

[kin~kin]

作者: Busconcamp

除左呢件獨立發展既阮民安...
其餘2件...印象消逝已久...
(MK大眾...邊會認得)...

搵過d相睇下, 終於知道邊個係阮民安...原來就係個樣最衰果個

[Busconcamp]

作者: 櫻庭

e-kids好耐無曬消息,諗住已經玩完好耐
點知仲搞單咁既野,呵呵
今次真係打到佢落谷底啦!

好一招先死而後生...實質係永不超生
人生搏一鋪(賭局)=人氣谷底反彈(見報)

[SANG2003]

嘔血圖

[亞瑪迪拉]

肥 媽 痛 心 苛 責 毀 前 程
Tommy 後 挴 爛 賭 求 原 諒

前 E-Kids 成 員 阮 民 安 （ Tommy ） 近 年 屢 次 闖 禍 ， 繼 醉 酒 駕 駛 後 ， 昨 日 又 被 爆 在 澳 門 賭 錢 ， 欠 下 貴 利 後 遭 大 漢 挾 回 港 籌 錢 還 債 ， 昨 日 他 透 過 經 理 人 表 示 會 改 過 自 新 。 肥 媽 對 此 毫 不 留 情 大 罵 ： 「 佢 係 咪 傻 架 。 」

前 E-Kids 成 員 阮 民 安 近 年 轉 投 林 小 明 的 寰 宇 電 影 公 司 經 理 人 部 門 作 獨 立 發 展 ， 並 準 備 推 出 個 人 唱 片 ， 日 前 他 被 踢 爆 於 周 三 到 澳 門 賭 錢 輸 清 光 ， 被 指 向 大 耳 窿 借 錢 ， 連 息 要 還 24 萬 ， 還 簽 下 借 據 。 大 前 晚 他 遭 兩 名 大 漢 押 返 港 籌 錢 還 債 ， Tommy 情 急 下 致 電 林 小 明 求 救 ， 經 調 解 後 ， 欠 款 減 至 12 萬 。

Tommy 經 理 人 阿 標 昨 日 否 認 部 份 傳 聞 ， 他 在 電 話 中 說 ： 「個 日 Tommy 去 澳 門 探 朋 友 ， 之 後 去 賭 場 諗 住 博 ， 其 間 有 人 借 錢 畀 佢 ， 引 誘 下 輸 五 、 六 萬 蚊 。 發 生 呢 件 事 後 佢 都 知 錯 ， 仲 答 應 以 後 唔 賭 錢 ， 佢 好 後 悔 ， 希 望 大 家 可 以 原 諒 。 」

「 教 壞 歌 迷 」
問 到 債 項 最 終 是 否 由 林 小 明 代 還 ， 阿 標 說 ： 「 幾 萬 蚊 ， 佢 自 己 解 決 到 。 」 阿 標 表 示 Tommy 日 內 會 到 橫 店 與 李 彩 華 和 謝 霆 鋒 合 作 電 影 《 詠 春 》 ， 另 外 Tommy 本 於 今 日 下 午 到 青 衣 城 出 席 活 動 ， 但 臨 時 以 拍 戲 為 由 缺 席 。
在 東 魅 時 代 已 認 識 Tommy 的 肥 媽 瑪 莉 亞 得 知 事 件 後 甚 為 勞 氣 ， 激 動 地 說 ： 「 佢 以 前 好 勤 力 ， 做 乜 鬼 呀 佢 ？ 係 咪 Stareast 之 後 冇 依 靠 ， 事 業 混 得 唔 好 呀 ？ 佢 定 係 黐 線 呀 ？ 掂 賭 同 毒 品 最 冇 益 ， 今 次 當 用 10 幾 萬 買 個 大 教 訓 」 。
周 麗 淇 昨 以 「 滅 罪 之 星 」 出 席 活 動 ， 她 說 ： 「 咁 係 教 壞 歌 迷 ， 希 望 呢 單 有 家 長 指 引 啦 。 」 關 心 妍 昨 也 說 ： 「 沉 迷 賭 博 會 自 毀 前 途 ， 我 都 有 朋 友 賭 輸 錢 賣 車 賣 樓 ， 代 價 好 大 。 」

狀 似 講 數
至 於 身 為 Tommy 師 姐 的 李 彩 華 說 ： 「 我 睇 完 報 紙 後 send 個 message 畀 佢 ， 如 果 佢 知 錯 ， 都 應 該 畀 個 機 會 佢 。 」
Krusty 則 大 爆 於 大 前 晚 在 尖 沙 嘴 見 到 Tommy 與 幾 個 男 人 站 在 一 起 ， 猶 如 講 數 ， 張 詠 恩 說 ： 「 唔 知 係 咪 呢 單 ， 公 眾 人 物 要 檢 點 ， 歌 迷 會 學 。 」

曾 被 爆 偷 竊
現 年 26 歲 的 阮 民 安 ， 曾 在 Stareast 旗 下 餐 廳 做 侍 應 ， 因 獲 譚 詠 麟 賞 識 ， 於 02 年 與 歌 手 郁 禮 賢 和 林 詠 倫 （ 現 名 林 泳 ） 簽 約 Stareast ， 組 成 E-Kids ， 發 展 未 如 理 想 ， 最 終 於 去 年 解 散 ， 及 後 獲 寰 宇 電 影 老 闆 林 小 明 羅 致 。 03 年 時 ， Tommy 被 踢 爆 中 五 時 撬 同 學 儲 物 櫃 ， 涉 嫌 偷 竊 。 今 年 三 月 ， 又 因 醉 酒 駕 駛 被 罰 款 和 停 牌 一 年 。


曾 醉 駕 的 Tommy 承 認 日 前 到 澳 門 賭 錢 而 欠 債 ， 不 過 他 謂 已 決 心 痛 改 前 非 。

-------------------------------------------------------------------------------------------------------

佢而家仲要認埋,唔知佢仲可以撈到幾耐

[惡多巴斯]

作者: 亞瑪迪拉

佢而家仲要認埋,唔知佢仲可以撈到幾耐

如果靚仔d, 認左都唔一定衰(e.g. 古天樂)

不過呢件

[大情大性武大帝]

作者: 惡多巴斯

如果靚仔d, 認左都唔一定衰(e.g. 古天樂)

不過呢件

個問題係，咁都做到歌星囉…
係咪譚伯當時飲大左呀？

[KIM]

作者: A HoManTin Work

個問題係，咁都做到歌星囉…
係咪譚伯當時飲大左呀？

譚伯 都自身難保, 點睇住d令~~~

[W!LL]

譚伯好似成日收o靚...
果陣丁菲飛幾有實力, 但唔知點解會睇得起ekids
今年就有個關楚耀...

ekids~曾經有好多妹妹仔fans架~