同名漫畫改編,故仔好似唔錯
導演: 占士麥迪格(James McTeigue)
主演: 妮妲莉寶雯(Natalie Portman), 曉高韋榮(Hugo Weaving), 史提芬里亞(Stephen Rea), 尊赫(John Hurt)
片種: 動作
日期: 2006-03-16
《V煞》的故事發生在未來英國,在極權統治下一個革命英雄的故事。女主角艾菲是個普通的女工人,在一次襲擊中被一個幪面人打救,這個神秘英雄正是被人所匿稱的“V”。
“V”是個沉靜、知識型的俠客,以對抗極權為己任,希望能以地下革命手段,拯救未來英國被受壓迫的人民。
“V”的革命行動建基於前英國革命英雄佳霍基斯(Guy Fawkes)的精神上,這個傳奇人物曾於1605年的11月5日策動一個地下革命行動,以推翻當時的暴君占士一世。他被發現於國議會地底隧道藏了三十六桶炸藥,未曾行動卻當場被捕,即被問吊。
“V”誓要完成霍基斯未完的革命,在未來世界背起正義使命,艾菲逐漸揭發了“V”的真正背景,同時亦對自己的身份有了新的發現,她知道自己與“V”原來注定在同一陣線,以對付未來社會的腐敗強權。
http://vforvendetta.warnerbros.com/index2.html
Natalie Portman
好似都幾好睇咁wor..
可惜要考mock
套野冇人睇?
套野係好野~可惜真係冇乜人睇...
作者: srx:
Natalie Portman
好似都幾好睇咁wor..
可惜要考mock
今次變左光頭look
佢最萌都係星戰前傳一果陣
睇左~
如果你用matrix黎比就唔好睇lu
比較多劇情, 激烈動作唔係好多,
作者: 大粒麥:
睇左~
如果你用matrix黎比就唔好睇lu
比較多劇情, 激烈動作唔係好多,
我比佢偏左.
劇情比較悶.打鬥得一場咁多.
重話matrix班底.
原全唔係個回事.....
我覺得都ok
不過中段節奏快d會好d
i'm gonna watch it this week
ahleung 10:58 AM 03-20-06
我覺得唔掂, 好悶!!
抱住睇Matrix心態去睇一定失望, 完全唔係同類片.
我已經預左唔係Matrix, 但劇情實在拖得太長! 睇到中段你剩係想佢快D完!!
其實佢個故仔幾吸引: 近未來; 英國變成極權國家; 又拎一段歷史出黎玩, 搞革命, 炸國會大廈. 問題真係拖得太~~~~~~長! 高潮戲只有頭尾兩段, 中間猛咁查案, 而案情其實觀眾又已經知道/估到晒. 好似真係陪劇中人一齊過左一年咁!!
而且亦有D Matrix3既老毛病: 刻意製造名句. 成日講D懶有深度懶有道理既長篇對白. 舉個例: (劇透)
尾段偵探話去過實驗設施既遺址, 佢下屬問佢係咪有發現, 佢話有, 話見到個廢墟就好似知道晒過去發生左咩事, 又有預感將來會發生咩事之類. 講左成分鐘. 之後下屬再問佢咁黎緊會發生咩事, 佢又斬釘截鐵話:唔知道. 成間院即刻一齊笑! 變左gag位.
ahleung 12:08 PM 03-20-06
ahleung 12:21 PM 03-20-06
作者: msn_04_2:
今次變左光頭look
佢最萌都係星戰前傳一果陣
講萌應該係[這個殺手不太冷]最萌~~
chengmk 04:05 PM 03-21-06
好悶,情算刻意拖長,睇唔夠一半訓著左....
星期日睇左,睇到最尾有種大叫自由萬歲的衝動.
成間院入座率唔夠3成
睇呢齣電影之前真係要有心理準備
電影入面有很多對白
動作場面精彩,不過真係唔多
同埋有一點值得留意,飾演V果位演員,雖然戴左面具,
不過講對白時甚有魅力.V第一次出場救左女主角之後
講果大串對白講到好似唱歌咁,真係比個服字佢.
今日睇左~~
我覺得不錯~幾有意思~
最後女主角說那句"他是我的爸爸、媽媽....(skip)...每個人"時,真的熱淚盈眶
但無奈我去旺角UA 4:80 果場睇,入場人數都不夠20人....
離場時仲聽到有人話唔明故事講咩......好可惜...
kashikoi 01:20 AM 03-23-06
西野村中一條河 11:13 PM 03-23-06
我覺得幾好睇
特別係個女主角想除個面具男個面具個陣~
最尾都無除~
[即使我死左,我的信念係不死既]
睇左,最後果part成班v去睇煙花,果班人d面具係俾唔係v俾佢地?
呀v死左後,女主角係邊到搵到咁多玫瑰.
買咗DVD版嚟睇,
都幾好睇,如果現實世界變成咁都幾可怕。
就算唔係反政府的人民,只要是弱勢社群(如戲中所講的同性戀者)都會比批鬥,拎去做實驗品。
點解女主角的父母是反政府的人士,就要比人捉去當實驗品。
但女主角就只需要送去什麼少年所進行思想改造就得?而且從片頭女主角的表現嚟,呢次思想改造亦唔係好成功…
Heifetz 10:39 AM 07-19-07
寫了感想:
片名: V For Vendetta (V煞)
導演: James McTeigue
演員: Natalie Portman, Hugo Weaving, John Hurt, Stephen Rea
年份: 2005
晚上街道冷清, 宵禁令嚴格執行, 紅燈像強權政府的鷹犬四處照射, 隨時嗅出深宵外出違規的市民。少女Evey有急事外出, 在橫街窄巷遇上歹徒, 手中的噴霧濟派不上用場, 歹徒已露出一副急色相, 他拉下褲子拉鍊, 逼近兩手被同黨拉緊的Evey, 這時披上一身黑色斗篷, 和黑夜溶為一體的白色面具俠客連續耍了數下清脆俐落劍法, 把一眾歹徒殺個片甲不留, Evey的性命保住了, V的英勇事蹟, 又可以添上一筆了。
Evey 是在大機構為上司預備咖啡餅乾的職位低微小職員, V在大機構的電視錄影室發表向強權政府的宣言, 正義及發人深省的言論迷惑了在電視前收看的英國市民, 從他們沉迷在反思政府一直為人民做過什麼時, 對抗恐怖份子的警察破門而入, V在混亂中逃脫, 特種部隊還是發現了他, 幸得Evey的噴霧濟, V可以反敗為勝, 並帶她到地下密室。
V出口成文, 滿腹經綸, 家中藏書甚豐, 名畫和雕像把密室點綴得古氣撲鼻。一個是活在以恐懼鎮壓為利器的政府; 另一個是不畏懼強權, 敢言宣戰, 戴上如皇親貴族宮殿裝飾的面具, 二人一明一暗的邂逅, 為他們帶來了情感線上的牽動、理念的重新經歷。
俠客全身嚴重燒傷, 未能以真面目示人, Evey闖入俠客感傷的禁地, 她沒有大呼大鬧, 而是以上賓的身份參觀神秘人物的居室, 主人穿著格子圍裙, 陪襯詼諧面具, 弄早點給Evey的趣味光景, 把復仇和推翻致政府的堅守意志暫且放在一旁, 身處陌生地點的她大口咬著麵包, 宛如一幅晨光照遍斗室, 光線作筆, 畫中的主客, 觀念相異, 但眼眸散發的柔情, 淡化了二人的隔膜。
市民沒有言論發言權的國家絕對恐怖, 首相和眾政府要員開會時不在會議室, 他在巨大營光幕雙目瞪張, 大聲咆哮, 高高在上的廣播五官唬得在場下屬面色發白, 盡快盡量接收首相訴息是保住高薪厚職的良策; 首相利用覆蓋範圍廣大的電視把鎮壓、病毒、恐怖主義的消息帶給子民, 他相信人的內心懼怕不幸, 懼怕不明朗的政局, 他以惡言厲色的面孔、言詞, 強大的軍隊及秘密警察鎮壓看電視影象的民眾。天主教為唯一國教, 不信奉主異端邪說的電視台節目主持人就因為藏有可蘭經被警察強行入屋逮捕, 判處死刑; 同性戀的同性戀慕在國教眼中甚是有違神起初七日創造天地, 然後交給阿當夏娃, 一男一女管治大地, 繁衍下代的原來旨意, 罪該萬死。
形象的徹底改變, 酷刑的折磨, 不會改變Evey對V的忠心, 她體會政府是怎樣對待人民: 信件的閱讀、藥物的注射、堆積如山的屍體, 以及在病毒試驗中哀號的實驗品。面孔不能示人, 用行動言語掀動人民的反抗情緒不能立下一步到位功效, 只能親身經歷的苦難才能張開蒙蔽了的心: Evey張開雙手, 受著雨水的洗禮, 痛苦屈辱從此離開己身, 開啟了的眼睛看清以權力為主政府的狼皮, 是如何的腥臭, 是如此的中人欲嘔!
客廳Evey和V的共舞, 溫馨情濃, Evey期望拿開舞伴的面具, V字型上揚的笑面包裹著創傷的真相, 音樂靜止, 面具依舊掛在面上, 能否把樣貌看個透徹不再重要, 意猶在, 深情勾勒住面具下的反政府意志, 以另一種變體進入新時代。
1812的主題音樂劃破穹蒼, 國會大樓在爆炸聲中化為灰燼; V的真面貌是你, 是我, 是你我的父母, 他的精神, 他的理念, 藉著廣場上市民掀開面具, 冤屈枉死的靈魂可以無懼面向政府要地, 邁進和平民主的道路為時不遠了。
Patrick Chan寫於2006年11月16日