係代人問的,一個21歲o既女仔
希望各位有經驗o既人可以幫幫手
1)想脫腳毛(唔算太多同唔粗),不過會愈脫愈多嘛?如果脫的話應該用邊種方法?
2)黑眼圈問題,應該同身子有關,唔係訓得夠就解決到,想試下用EyeMec(咁上o下名,地鐵站唔少廣告果隻),想問o下有冇人有用過?效果如何?
3)額頭暗瘡印都有d多,想問o下有冇好方法可以減輕?

唔該哂~
p.s.出post果陣o念緊 GAF出現health and beauty版o既可能性....

1)想脫腳毛(唔算太多同唔粗),不過會愈脫愈多嘛?如果脫的話應該用邊種方法?
無論用咩方法都唔會愈脫愈多,想永久就做彩光,如果唔係就用蜜蠟
2)黑眼圈問題,應該同身子有關,唔係訓得夠就解決到,想試下用EyeMec(咁上o下名,地鐵站唔少廣告果隻),想問o下有冇人有用過?效果如何?
唔好意思,未聽過EyeMec.
黑眼圈成因太多,你話同身子有關,都冇錯,但係仲有遺傳/睡眠/習慣/循環等等問題.
唔建議做儀器,因為唔會真係有用,治標唔治本.
3)額頭暗瘡印都有d多,想問o下有冇好方法可以減輕?
請問對方係咩類型皮膚?同埋有冇敏感?

2. 聽講同唔夠鐵質有關

蜜蠟係咪即係整暖D蠟，搽上，再趁未凍之前鋪張紙，之後搣落o黎？
其實痛唔痛o架？因為我未試過

我通常用脫毛膏，搽上之後幾分鐘，用支膠棒刮落o黎
呢個就唔痛，亦都唔覺得會生得多咗 / 粗咗

黑眼圈好似同做運動都好有關係, 血液循環好 d

只係其中一個因素.
係.
少少痛,睇你技巧.

脫毛膏雖然唔痛,但係我唔會建議.
因為唔夠持久,24-48小時可以長出毛髮.

2.聽講無乜用
<~有嚴重黑眼圈的人,訓足8,9粒鐘都係咁

<~訓16粒鐘ever day ,都係咁

做16個鐘every day...... 一d黑眼圈都冇,我諗同身體有關~

蜜蠟頭一兩次會有d痛~

之後就無咩感覺麻目晒了


脫毛膏我一定不用...
根本就是"啦"甩(溶??)d毛....
而且又唔夠乾淨

offtopic

一日訓16粒鐘, 扣除食飯梳洗仲做到咩 ?? 同死有咩分別 ??

會唔會因為訓得太多, 有反效果

我塊面依家都無乜暗瘡,但重有D印
好想知點樣整走佢
其實,皮膚性質除左搵專家check外,有無一D咩特徵可以睇到?

應該係中性(不過一朝早起身多面油d),冇咩特別敏感
中學果陣都唔多,不過近幾個月額頭嚴重左,都唔知點解~

唔洗死已經係分別
>會唔會因為訓得太多, 有反效果
但以前都已經係好厚黑眼圈,會唔會係因為以前訓太少,養成黑眼圈無法退散 ,而且訓醒之后隻眼會有少少"種"(眼代位置)

我ｄ暗瘡生晒係背脊
攪到勁多印
有咩辦法整走佢

話時話聽講唔同位置o既暗瘡代表唔同o既身體問題
額頭係消化系統,不過背部就唔係好清楚

EyeMac
眼暸亮
其實唔一定有效
佢只係有效減退
就算你而家用左減退左
但遲下都係會出返黎

黑眼圈.......由細到大都有
咁.....有咩食物是含有鐵質的

茄子,紫色個d,但我成日食都有,又咩問題呢?

平時塊面係咪成日好乾? / 洗完面會唔會好乾? / 有冇暗瘡? 等等.
當然最好就係可以臨床觀察.
中性? 喺香港生活嘅人其實冇可能係完全中性皮膚.
聽你咁講,佢有機會係混合性/混合性偏中/混合性偏乾.
再附帶暗瘡皮膚or加埋附帶缺水.
你話佢額頭而家重有暗瘡? 定係只係得返暗瘡印?
建議你叫佢用去死皮mask每星期做2次.
唔好用磨砂系列.
如果已經係得返印,建議每星期做身體磨砂3次.
定係而家重不停生暗瘡? 如果係就要去睇醫生喇,因為係身體有事.
要調理返身體.
額頭唔一定係消化系統問題.
反而口部四周就關消化系統事,因為腸胃有問題.
額頭有機會係因為血液循環得唔好,熱氣等等.
成因有好多,但係呢d只係中醫嘅講法.
更多女仔額頭有暗瘡係因為前面嘅留海.
盡量唔好遮住額頭.
fancylala背部有暗瘡有機會因為肝功能唔好.
以前有客人都係咁.
亦都有機會係毛囊炎引起.
所以最好睇醫生睇下係咩問題.
冇錯,呢d係有,但係唔多.
而且一定要配合維他命C嘅生果一齊食先會有效.
如果唔係吸收到十份一都唔夠.
最多鐵質嘅食物係紅色嘅肉類.
例如:牛肉,鴕鳥肉,乳鴿等.
因為擁有豐富嘅血紅素.
記住如果要從蔬菜中吸收鐵質就要配合維他命C.
例如食菠菜配合橙等等.

>冇錯,呢d係有,但係唔多.
而且一定要配合維他命C嘅生果一齊食先會有效.
如果唔係吸收到十份一都唔夠.
最多鐵質嘅食物係紅色嘅肉類.
例如:牛肉,鴕鳥肉,乳鴿等.
因為擁有豐富嘅血紅素.
記住如果要從蔬菜中吸收鐵質就要配合維他命C.
例如食菠菜配合橙等等.

明晒 ,
但如果我手臂(唔係手吋,二頭肌個到)有,又會係咩問題?,間唔中會有1,2粒,而且好返之后會有印,過左好耐都唔散,只係退左少少色

你指係暗瘡定油脂粒?
有時一粒半粒暗瘡間中生喺呢d位冇乜問題,唔洗擔心.
如果係油脂粒就係你平時食高脂肪類嘅食物太多.
呢個情況比較常見.

其實我想知手臂有好多一粒粒野係乜來...
勁多架,十幾歲開始有

有冇方法可以整走佢...
我有耐唔耐搽下lotion ga....都好似唔多work咁

搽lotion係唔會有用,有可能會愈來愈嚴重添.
嗰d就係油脂粒.
好多人身體嗰個位置都會有.
主要原因係上面我都講過,多數嘅成因係食得高脂肪食物所致.
唔好成日食煎炸肥膩食物.
你嗰個位置唔好再搽lotion喇,因為對於你黎講只會有害而無利.
你想整走佢我好明白,但係你首先要轉換你嘅飲食習慣先.