[轉貼] 給所有想學著衫的人的話~~

[naruto2320]

如果你中意買貴衫,但係淨係識d 日牌 , 例如某D巴打...........我建議你睇多d書, 又或者去老銅信和 IT 睇下先啦. 老實講, APE 只係一間 好很貴同好大型o既 giodiano. 做衫o既人都知,佢d tee o既質地真係不敢恭維......milo 更加只係呃d小女孩 $$ o既玩意(你更加唔好話比我聽你係男仔但係你好中意將隻咁cute o既馬騮擺o係身.) undercover..........嘿, 你係買d " 虛榮心" 定係真係識簡野買呢? 不過, 無可否認, 一個懂得時裝o既人, 都多數經過幾個階段,
e家大部份o既香港所謂"潮人" 玩左好耐都仍然停留o係 大logo 期 (純虛榮期, 慌死人唔知你d野貴) ,

一件ape/ undercover 大熱款式tee + nbhd 牛 /bige levis+bape sta/nike 別注,

你係咪其中之一? 你係咪想做其中之一? 老實啦, 你地大大聲同人講"有牌子, 質素好d", 真係咩? 你地識幾多個牌子呀, 如果唔計日/美牌子,你地又識幾多呀? 我唔係話undercover goodenough 唔好, uc 西裝/zipup我都有2,3件, goodenough d 功能褸我都好中意, 但你地d小朋友唔該, 唔好以為著住d ape呀 nbhd 就以為自己好x巴閉笑人地d mk 呀邊個邊個唔識著衫呀, 你地都一樣比人笑嫁咋. (p.s 其實而家所謂mk look 都係一種wearing style, 著到好窄, 有d鍋釘飾物果d 叫punk style; 有target地去模仿一d人物叫cosplay)

睇多d書, 唔係milk 呀 monday 呀 方向touch 果d呀, 睇下日本仔,同d歐洲 fashion書, 就算係"smart" 都好丫(唔識日交咪睇smart max lor),睇下d日本仔點著, 日本仔唔係個個都ape tee 嫁, ape tee 係呃我地d 外國人嫁咋.....當年話人地mk look 係因為個個都著住黑色緊身tee+牛仔褲o係旺角周圍行以為自己好型, 其實我話而家mk 個個都著住件ape tee+nbhd 牛.......其實乜野係mk, 你自己諗下啦..........................

我唔係想針對果d 買貴野o既人, 我只係唔抵得d 香港年輕人成日比本地d所謂潮流雜誌狹窄左佢地o既視線姐.



睇完我覺得講得都有些少道理 尤其係第三part

[Wtak]

依家年輕人都係鍾意追潮流咋麻,佢地唔係想學著衫....
追潮流同學著衫完全係兩回事啵.....

[zwqqq375]

其實mk係乜意思阿？

[teamkiller]

講得幾好~~
個個都咁著......cheap得好緊要je......著衫要有自己style先得架嘛..

P.S.最好就將D"數字"del左佢啦.....因住比人ban呀

[naruto2320]

作者: zwqqq375

其實mk係乜意思阿？

身為香港人點可以唔識咩叫MK!!!!!!!!
MK look詳解!

特徵一

褲:喇叭褲

舊版:大喇叭或水桶褲的牛仔或西褲
最新版:假板褲(Ecko)
最經典系:火焰大喇叭牛仔褲
購買熱點:旺角荷理活
神韻:褲腳遮住全隻鞋



特徵二

髮型:染髮到彩

舊版:染到成頭金毛,紅毛,甚至五顏六色
最新版:碧咸頭/用Gel Gel成海膽狀
最經典系:長毛中間分界High Light最前部份頭髮/
染髮後頭髮長左又唔剪,,攪到兩段色


特徵三

上身:鍾意 show 自己"大隻"

舊版:緊身扣鈕開胸衫(唔扣頭個3粒鈕)
最新版:黑背心或雞翼袖
最經典系:Cheap爆的日文Tee
購買熱點:女人街
神韻:一係好肥,一係好瘦(加條鏈,perfect!)


特徵四

鞋:型到唔曉形容

舊版:厚底Loafer唔著襪
最新版:假Converse (Top Star)/Adidas All Star
最經典系: 木底人字拖鞋
購買熱點:女人街


特徵五

佩帶飾物勁多

舊版:一隻耳仔戴3隻或以上耳環/
兩隻手都帶滿鏈同埋繩/
成日帶太陽眼鏡,無論落D去bar唱K/
飾物多到行既時候叮叮噹噹
最新版:扮Punk仔
最經典系:單車鏈當褲鏈
購買熱點:旺角荷理活/眼鏡:女人街
神韻:多飾物就Work





特徵六

旺角化行為,以為自己好型

舊版:響旺角出沒及影貼紙相
最新版:響旺角百老匯門口行人專用區聯群結黨
最經典系:啤啤貢
神韻:下巴向上講,向人講粗口



MK look起源於大概 1996年,而(MK look)這專有名詞大概於2000年出現 。亦因為佢地D衫大部份在旺角購買及佢地經常在旺角出現,所以我們稱呼佢地為MK人。

MK look的出現可包括兩項:


第一項:


1997-98喇吧褲(只興了短時間)的興起加上古惑仔電影系列的推波助瀾,令到一眾古惑仔或扮古惑仔既人都著喇吧褲,上身著絲質反光恤衫,而且例牌扣少3粒鈕,加銀色大皮帶扣,再著對黑色反光皮鞋。而女仔通常著黑色釣帶衫,加喇吧褲及厚底鞋。由於咁著法好out,所以在人群中十分特出,但係佢地又以為自已好型,佢地就係MK人始祖。



第二項:

由於近年興起 板look,Hip-Hop look,punk look但係有D人因為想模仿板look,Hip-Hop look,punk look不過又冇資金加上唔識買,所以就o係女人街或其他地方買左D模牌或不知名既衫褲。所以佢地著出街時好旺角feel。加上有D人想跟潮流又跟唔切,都會著D不知明衫褲,而大家都可能會將佢地列入MK人。




總括來說 , 第二項原因如果沒有出現以為自己好型和周圍啤的病徵,還是情有可原的,因為冇資金可能係家境問題,再引申至社會問題,不是個人的責任,但第一項原因在任何情況下都已被廣泛公認為- - - - M . K . 人了。

[naruto2320]

作者: teamkiller

講得幾好~~
個個都咁著......cheap得好緊要je......著衫要有自己style先得架嘛..

P.S.最好就將D"數字"del左佢啦.....因住比人ban呀

ok.......

已修改..........

[單眼皮男孩]

我都係levis加nike鞋
不過我件tee係響"扑屎你"買

[naruto2320]

作者: 小伙子

我都係levis加nike鞋
不過我件tee係響"扑屎你"買

咦~~志同道合喎~~~

我係''做低no''到買.......

[單眼皮男孩]

其實我買對nike鞋果陣都未興
著著下發覺周街都nike
加上係街見到人著某款牛仔褲幾型幾好睇
一問之下得知原來係levis

咁我就做左文中所講既復制人\

[W!LL]

我都了解樓主#5係轉貼, 轉貼時可能沒看清楚吧~
因為從中發現有少許不雅/粗俗字句,
請盡快修改, 謝謝

[『庭』]

最唔鐘意有少少錢買件衫就以為自己好潮既人
都唔明佢地有乜資格笑人mk
最好笑有d人買野就用幾千幾萬咁,
但係就要飯都唔食去儲錢黎買

講真好認同 mk 都係一種 style
只不過大多hk 年青人睇唔起自己人又鐘意崇洋崇日

最少都應該識得尊重人,
正如對cosplay, lolita, punk, hip hop 咁

[小貓Hideki]

死囉....我鐘意著大喇叭/水桶褲,厚底鞋
原來屬mk look一列
但我冇幾可肯跟潮流
只係自已鐘意著就著

[Maccha]

而家好似潮流=名牌咁....
其實個款靚就得啦
唔洗下下名牌

[naruto2320]

作者: 小恐

我都了解樓主#5係轉貼, 轉貼時可能沒看清楚吧~
因為從中發現有少許不雅/粗俗字句,
請盡快修改, 謝謝

修改左/.......

唔知有無睇漏..........=-=

[naruto2320]

作者: 小貓Hideki

死囉....我鐘意著大喇叭/水桶褲,厚底鞋
原來屬mk look一列
但我冇幾可肯跟潮流
只係自已鐘意著就著

咁大獲~~~

[Dragon]

>老實講, APE 只係一間 好很貴同好大型o既 giodiano
哈哈哈哈

[正太星人]

>>>MK look詳解!
特徵二
髮型:染髮到彩

中左一樣

>>>只係自已鐘意著就著

我都係咁話/
衫,著得舒服,o岩自己,自已鐘意咪得...

[FOKKIT]

MK=貶意詞

[二伍]

個作者只得一個建議->睇多d書
難道佢覺得自己好有資格去笑人著Ape?

[williamsiusuper]

APE$199同$780果d tee我完全分唔倒有冇分別....
$199都有水印既..............
穿左上身都分唔倒真定假

[貓仔1031]

SUPREME o個d夠係啦...
咪又係print tee一件..

[Misaki Taro]

個d "潮 tee" 係日本就唔潮......
因為個d tee 俾香港個d 水貨佬掃曬......
d 日本人好難買到 ......
同埋一件 $6xx ge tee
成本$80 都唔使 .....
利潤只係僅次於波鞋.....

[驚寂]

其實果d扮潮既人咪又係mk

[van仔仔]

講得好!!!!!!!!!!!!!!!!!!!!!!!!!!!!!!!!!!!!

ape d tee好似紙噤薄 d質地仲cheap過gio記
一出去行街個個唔係ape就beams
好似唔識其他lable噤
講出曬我既心聲

[霸王]

其實我覺得打依篇既人都好主觀,佢將著ape個d人同自以為潮既人掛鉤,
不過有時可能人地真係鐘意ape既tee,唔代表果個人麻木追隨!