[多機種] スーパーロボット大戦T | PS4 NS | 發售中

[シェンムー]

個fd話我知原來部神連分身殺法 God Shadow都無....

成日講整game要誠意，而家機戰嘅問題老闆係一年就要嘔一隻家用機機戰，淨係整新作品畫面都跟本唔夠時間唔好講大執，係呢個惡性循環下就算整game果班有心都無力，萬惡嘅係bandai
不過又唔怪得bandai , 淨係隻龍珠app game都賺到億億聲，咁重比心機整console game做乜，梗係hea做


Sent from my iPhone using Gaforum

[ShinDou]

分身就擺明係特登唔俾god喎，之前集集都有，佢俾番god又有乜難度? 又唔係新野黎，性戰士而家個分身都削到得番30%，擺明係平衡度問題啦，唔好係又插唔係又插

我從使用 Tapatalk 的 LG-H930 發送

[真!DC]

我都唔明點解冇god shadow
加都唔洗咩effort

如果因為平衡度就削減原作特性未免本末倒置了
要減弱佢性能可以再高d氣力低d發動率或者扣EN

近年成日比人話畫面唔好
我覺得畫面大部分都好好，只係已經冇乜進步空間，感覺集集差不多
我覺得最誠意不足既地方係刪招刪劇情
敵卒好多都得一招，ms光劍都冇
一堆作品都劇情完結空氣參戰冇劇情
又或好似小學雞社長咁連敵人都冇

今次zz有番少少劇情玩同埋聖戰士ova有故事有點驚喜
由手機版發出

[ShinDou]

GOD有分身咪更加多人話易打囉，推上去單機清場啦，真實系之中最高攻係佢，就算超級系都唔係好多隻高攻得過佢，GOD係勁到連俾30%分身佢都覺得有問題所以直接剷走啦，氣限制冇用，有氣迫1野就爆氣，扣EN都冇用，你又唔可以SET到扣得多過出招，1個PART加150EN，唔夠咪裝兩個，點都有辦法屈，冇意思架，其實性戰士比以前都已經細力左好多

其實由AP加回避疲勞開始，明顯係不停削緊D真實系，以前冇分真實定超級系因為D真實系又高攻又有魂分分鐘扣得多過D超級系，因為太多人玩無雙話易打所以先係咁削

其實以前有諗過整番難D既，AP果陣加過防SL架，不過有BUG俾人諗到用SLS破咋，之後冇再出過防SL啦，肯定係太多人嘈話冇SL好難打啦，而家咪發展到連SL都唔駛囉，今集寫埋個SHOOT DOWN俾你，夠唔夠殺1睇就知，SL都慳番，唔夠咪用精神加氣果D試到得，俾人打又用得精神，有機會死咪開不屈，不屈都會死咪預見，驚死人唔識打，咁就算冇得用真實系無雙都仲有超級系屈機，其實反而係超級系加裝甲疲勞仲合理，俾人打得多甲會愈來愈薄正常啦，而家開底力根本係俾人愈打愈硬既

畫面我就冇乜所謂，反正D卒你都唔會好鐘意睇架啦，通常都係打大佬先會睇下D對白，大佬你都唔會打佢好多下先會死

空氣劇情近代已經少左，以前仲嚴重，尤其係長篇果D，大把完晒劇情繼續空氣參戰，其實D作品愈加愈多，你又要套套都1集講晒成套，咁又要整番IMPACT果種1百話先得，到時又話長得濟冇心機打，真係好難滿足晒所有人架喎，有意見其實係應該填個問卷俾佢，夠多人講同1樣野既話實會聽你講架喎，有幾多人會好似我咁次次問卷都叫佢整難D﹖反而應該係好多人話難，想佢整易D所以先會愈來愈易啦

[真!DC]

佢都有回應到加難度，多左個專家mode
其實我覺得每集既參戰作品都太多
我想少d作品集中劇情集中資源
反正都出唔晒d機
不過應該冇乜人同我一樣想少d作品
由手機版發出

[ShinDou]

邊有加難度﹖呢個菁英MODE易過以前個EXHARD MODE太多啦，以前EXHARD除左全敵加3段改同ACE晒，仲唔俾你改造唔俾用PP架，熟練度條件照舊，爆左1次先俾打，0改0PP要達成D條件有D都唔易架，而家果個菁英淨係改多3段，但冇晒D SR條件淨係唔CON過版就有，就算有人會輸邊有人會CON機唔LOAD過SAVE﹖而家機戰仲邊駛用GAME OVER屈錢屈LV打﹖咁咪同送SR俾人冇分別囉，其實平時D難度好多時都係因為SR要衝TURN或者殺D會走既大佬，佢唔限你又點會難打﹖

[GN00508771]

2OG 用心執幾年又點 咪又係死（利申：玩得好開心）
近幾年既版權作 炒冷飯又俾人話 招式少又俾人話 （唔講劇本先）又係死

商業角度點解仲要俾幾年你慢慢執咁出一隻
你又唔係小島秀夫⋯

玩家唔實際去支持 根本開發戈邊都有心冇力 的確係一個惡性循環

[ShinDou]

OG除左MD之外1路都高水準，其實每年都有新既機戰出，只係OG要等耐D

其實而家多左好多類型既GAME，仲有手遊，1定搶走左好多客架喇，冇咩可能可以返到去以前百萬銷量既年代啦，而且機戰個玩法好難有D咩大突破，就算以前打開機戰既而家可能會覺得集集差唔多所以冇追落去都唔出奇，G GEN其實都係咁上下，不過G GEN都開始變化多左

[HM]

>又或好似小學雞社長咁連敵人都冇

G7個敵人唔出好過出
真的
由手機版發出

[iu fu pig]

超級系底力越打越硬喺忠於原著啫，勇者王比人打到仆喺度，咪又企返起身天堂同地獄
仲有最初嘅鐵甲/三一都係比人打到仆喺度先大力同襟打嘅
不過裝甲疲勞，好似幾有意思

其實唔落EXC系統已經正常返好多，
又無視底力，又多回行動，敵人玩毛咩

不過咁講，年紀大，心態變，開隻機戰出黎，輕鬆打下，幾唔錯
返工用夠腦啦
當然，佢比你唔代表用，今集唔用呢啲系統上嘅野，都唔太易玩架
由手機版發出

[Fio]

其實今集都幾好吖，玩機戰都係當半隻電子小說，補完返以前作品嘅遺憾/劇情之餘可以認識吓d新作(近年嘅機戰先認識天使龍，樂園追放等)，今集玩咗一半so far都覺得幾好，作品融合得幾自然，主角打工仔嘅心聲應該都好多人有共嗚
畫面係預佢舊作資源重用，不過本身d作畫都唔差，重用又何妨，新參加係勇者王支批比人插啫，其他大部分我都唔覺得係hea做，好似以前第四次超電磁咁有幾頁武器係有趣但冇咩意思
難度方面好似樓上師兄講咁，打機都係想輕鬆吓啫，想難d可以用自己方法，今集expert唔難但都未至於單機無雙，出得場嘅大部分都會幫手打，係sr比normal mode更易攞比較無謂

[魔靈娘]

我覺得以前的SR比而家容易
因為要做到Hardmode 0改0pp都可以拎到SR的關係，SR條件有好多限制，變相正常攻略時變得好易拎。

而家整SR吾駛顧Hardmode，可以整得難小小。

其實要整難d吾難，用返以前d concept就得，只係佢吾用啫。例如：
1）以前某隻機戰（64？）隻boss會企定定，然後有4隻血牛圍住互相援防援攻。
2）將d小兵ace變做二回行動已經難好多，hardmode中期就可解呢樣
3）海地形+敵方海A機。而家三一三號機都係機會出場⋯⋯
4）敵役又無做功能性分工，小兵A 武器命中加100，所以要用超級系打；小兵B武器特效係裝甲減半，要用真實系打。這才是戰棋的戰略⋯⋯
5）加返伏兵式的敵增援，以前試過係進軍路線上出現敵增援。

講返今集，叫滿意既，第一回Hardmode 前期都叫有d難度（以前真係切菜咁）
缺點最主要我覺得3樣
1） 普通版bgm真係超脫力，好彩ps4可以入歌，吾係真係搞吾惦。
2）隱藏要素好似好小（希望係未發掘出黎），只有高達系、師傅、黑暗勇者？
如果可以豐富d就好 （其實隱藏機吾駛勁，夠型夠得意就得，好似宗介隻熊，哈曼架龜霸，黑三一）
3）點解無超級忙靈踢⋯⋯

[holsety]

機戰始終玩熱血bgm 演出忠原著。真係玩戰術咩 易玩有得佢易玩削乜鬼野招。進化左既片又去返唔完整。。。

[ShinDou]

SR果度今集係SET得緊左，好多版1周都係岩岩好，有D要反擊先打得切，除非開決心MAP砲掃無限郁，但我就覺得唔係因為個菁英MODE所以唔駛就番個難度，菁英V同X都有，1周果陣大部份版都係拎完SR有淨兩3TURN，應該係今集SR特登整到難拎D

血牛援防都係用直擊打姐，不過今集好似直頭改走左個直擊

卒2回應該唔會再出啦，雖然以而家D系統咁多屈機野黎講都唔方會難得去邊，但當D大佬又郁幾次卒又2回，打緊果陣就會覺得俾人屈緊機

海要素今集真係0，以前都係有幾版D卒係海度迫你用下31 3，今集真係冇左，連個海S PART都廢埋

要加戰略要素其實最應該係加番魔裝果個高低差，方向系統，ZOC，淨係加呢D已經爭好遠啦，其實以前REAL ROBOT戰線都加過，不過唔知點解之後冇再加，可能因為隻GAME冇人買以為D人係因為唔鐘意呢D系統，其實可能係冇人知出過，同埋得MS 性戰士 重戰機呢3套咁少作品，果個年代呢D都算出得密，吸引力唔夠


隱藏野寺田話係少過以前，應該主要都係呢D，有D就本身IF ROUTE先加入，達成條件就提早加入

拉打腳等下集加啦，估下下集會加邊D OG機好過

[X&Y]

我揀hardmode玩, 不過都盡量上網睇WIKI跟返SR條件去過
玩到42, 可能因為我6段tcp個度有兩項都揀左加EXC
加上去到30話打後敵方LV 升得好快, EXC 多到可以不停MU同每隻艦玩兩三次再動
都已經專登唔玩不停MU放MAP 都好多時間剩

hardmode都係頭十零話唔用精神就命中低比較煩, 去到ace左戰艦後同有改下5段改就即刻變返好易

[chow263]

作者: 魔靈娘

我覺得以前的SR比而家容易
因為要做到Hardmode 0改0pp都可以拎到SR的關係，SR條件有好多限制，變相正常攻略時變得好易拎。

而家整SR吾駛顧Hardmode，可以整得難小小。

其實要整難d吾難，用返以前d concept就得，只係佢吾用啫。例如：
1）以前某隻機戰（64？）隻boss會企定定，然後有4隻血牛圍住互相援防援攻。
2）將d小兵ace變做二回行動已經難好多，hardmode中期就可解呢樣
3）海地形+敵方海A機。而家三一三號機都係機會出場⋯⋯
4）敵役又無做功能性分工，小兵A 武器命中加100，所以要用超級系打；小兵B武器特效係裝甲減半，要用真實系打。這才是戰棋的戰略⋯⋯
5）加返伏兵式的敵增援，以前試過係進軍路線上出現敵增援。

講返今集，叫滿意既，第一回Hardmode 前期都叫有d難度（以前真係切菜咁）
缺點最主要我覺得3樣
1） 普通版bgm真係超脫力，好彩ps4可以入歌，吾係真係搞吾惦。
2）隱藏要素好似好小（希望係未發掘出黎），只有高達系、師傅、黑暗勇者？
如果可以豐富d就好 （其實隱藏機吾駛勁，夠型夠得意就得，好似宗介隻熊，哈曼架龜霸，黑三一）
3）點解無超級忙靈踢⋯⋯

前者,佢今集好多該隱藏既都直接比你(e.g 哈曼, 小光兩位後宮,維爾賓,真三一龍,J同雷唔洗便當)

後者,上集X果陣G復國果堆隱藏夠得意仲部部高攻過2線指標邪虎丸,但有幾多人會用先 ,係得部電鋸機上得台面

[12號四分衛]

其實番睇呢幾版留言，真係好難攪

有人仲當佢戰棋想要番以前的難度同戰術，但我真係唔知無經歷DC年代的受唔受到啦 - 而我呢類老人家放工本身都無咩時間打機，打一版攪幾個鐘真係未必掂

當睇故事呢，原著故事出完一次再出就比人話番炒故事，最慘依家少新Robo片，機戰又出得密，唔落又話唔買，但落左無故事得部機又係死 - 其實今集個故事偏向有幾套，好似G7真係唔出好過出啦，何苦呢

然後畫面又只能手畫，番炒又話，又好似今次有d cut in照足動畫重畫，又好易比Fans睇得出唔夠好

[ShinDou]

其實難度同1版打幾耐冇乜關係，易打但成大堆卒都會打好耐，好似今集40幾話開始太多卒唔想晒時間所以用MAP砲掃，1隻隻打既話真係唔知打到幾時

係咁出成堆卒黎打消耗戰唔代表係難打，只係煩，真係難果D係魔裝3果種1版唔駛打好多隻，淨係幾隻螺旋雙曲砲已經俾佢屈到媽媽聲

[IDGAF]

見到T出先諗起其實我買咗隻V中文版都未玩,中間仲有隻X都無買到添…

[魔靈娘]

作者: chow263

前者,佢今集好多該隱藏既都直接比你(e.g 哈曼, 小光兩位後宮,維爾賓,真三一龍,J同雷唔洗便當)

後者,上集X果陣G復國果堆隱藏夠得意仲部部高攻過2線指標邪虎丸,但有幾多人會用先 ,係得部電鋸機上得台面

除左X 同UX
2周目我都鍾意叫d坐冷板的美人坐隱藏機出擊架

X真係提吾起勁玩2周目
UX個內部擊破數又吾想搞

[GN00508771]

作者: 12號四分衛

然後畫面又只能手畫，番炒又話，又好似今次有d cut in照足動畫重畫，又好易比Fans睇得出唔夠好

動畫CUTIN由NDS開始用到依家 有問題咩其實？（睇下牛仔同魔法騎士幾精美）
只係某部份濫用左⋯（用來混淆視聽、攝時間） 例如Z3既ARX7同今集隻GGG

[真!DC]

我真係覺得近VXT戰鬥畫面好過z2之前同手提機的好多(除左ARX7同HI-NU果D)
只係玩家胃口養大左

[昏迷童子Sleepy]

作者: LEGOCAPTOR

見到T出先諗起其實我買咗隻V中文版都未玩,中間仲有隻X都無買到添…

俾你講開...本童子都係V未爆X未開......

另外上面提到機戰64...估唔到仲有人會記得呢隻......
其實佢算唔算係3D仿2D戰鬥畫面0既始祖......

[HM]

作者: 12號四分衛

其實番睇呢幾版留言，真係好難攪

有人仲當佢戰棋想要番以前的難度同戰術，但我真係唔知無經歷DC年代的受唔受到啦 - 而我呢類老人家放工本身都無咩時間打機，打一版攪幾個鐘真係未必掂

當睇故事呢，原著故事出完一次再出就比人話番炒故事，最慘依家少新Robo片，機戰又出得密，唔落又話唔買，但落左無故事得部機又係死 - 其實今集個故事偏向有幾套，好似G7真係唔出好過出啦，何苦呢

然後畫面又只能手畫，番炒又話，又好似今次有d cut in照足動畫重畫，又好易比Fans睇得出唔夠好

我覺得合理批評唔係問題,有批評先有進步,大前提係要合理
好多人只係純粹無佢想要既野上網發脾四
唔係搵d芝麻綠豆既小事挑剔就係基本野都講錯晒
家下你地指控緊人呀,俾出合理指控係指控者既義務囉


我自己黎講
現實環境做唔到既野,我會好寬容
自己無心做,亂做,呢d位我先會插
所以上年隻X我係覺得抵插
但今年隻T我只會插原創BOSS,版權野我見佢地盡力了

[iu fu pig]

X復國果堆隱藏機都唔影拎，雖然二週目必定加入
今集玩到二週目，行地上線嘅19關個ST真喺好難
無地圖炮，無得打卒，仲要得一turn

所以⋯⋯其實難度分好多種嘅
由手機版發出