火鳳燎原討論區~第146回~仁王之王

[MR.CD-ROM]

啊,了解

但"商人傷人"這終究只是指出司馬懿此人的心態問題,仍然不能反擊"篡位改政,長痛不如短痛"這個方法

[修羅Lemon]

你咁講都得，但小亮提出既都值得商確。
因為比奸雄一得天下勢力就大，到時要慕位改政可能仲難，
有可能又七國咁亂再打過。
就算比你奪權成功，奸雄留下既政策，制度，寵信既奸臣等根深蒂固，
又要執番正又係一大難題。
(睇雍正皇朝味知囉，雍正死果時清廷政策其實仲有好多漏弊。)
都不如一開波扶個好皇帝打好政府基礎上去重好。
而且君子要有殺身成仁既覺悟，明知難既都要去做。

[貓貓II]

Originally posted by MR.CD-ROM :
啊,了解

但"商人傷人"這終究只是指出司馬懿此人的心態問題,仍然不能反擊"篡位改政,長痛不如短痛"這個方法

諸葛先生話左啦，行事歪道，不能服眾，很快又來過。
事實上，晉朝真係差唔多無安寧過。不過，同d皇帝差有好大關係。

[MR.CD-ROM]

>因為比奸雄一得天下勢力就大，到時要慕位改政可能仲難，
>有可能又七國咁亂再打過。
>就算比你奪權成功，奸雄留下既政策，制度，寵信既奸臣等根深蒂固，
>又要執番正又係一大難題。

但除非腦筋有問題,否則誰不會圖自己的王朝長治久安呢?要長治久安,唯一方法就是勵精圖治,選賢與能,所以縱使扶上去的人其實只為私利,結果也是與黎民有益的
而篡位改政是最後手段,如果扶了一個好的統治者卻仍要行之,那就不是為天下人民的"大義"了
另外,我認為司馬懿的"最強"是指"最有能力"的人,壞人是指不拘泥倫理道德者,而非指只要勢力大就不理好醜

[Asurada]

其實孔明講的已經唔係道理,理論或者佢自己的價值觀之類.......
那已經差不多係一個預言.....

[修羅Lemon]

老實，中國史上腦筋有問題既皇帝都有唔少。
唔係點會有酒池肉林，烽火戲諸侯。
而且果個年代亂世打仗為人臣者都會扶自己認為惦既人上去，理得你民意？
咁講民意應該投票~~

小亮既觀點都係佢自己既價值觀得出黎既理論同道理，根本同仲達各走極端，口同鼻拗。
但佢用做生意黎形容仲達既手法，做生意不能治天下我覺得真係吹佢唔脹同幾絕。

而且要仲達發夢+史實一早老屈佢要有狼子野心啦。

[真‧雙貓抓門]

咁大部份皇帝既腦袋都有問題……
睇下中國歷史就知道昏君多明主少。

簡單黎講，我夠想自己讀書攞哂 A，
咪又係坐嚮度上網打機……

[Jamie]

今日終於追晒11-13期
諗到D無聊野....
孔明能夠足不出戶就知天下事.... 莫非佢都有上INTERNET!!?? =)

[亍 ◣]

新一回......操死了.......會否混亂呢...........又是一計磥@計...........我諗之後會死的是..........陳某人.

[MR.CD-ROM]

誰被操死了?

[Asurada]

Originally posted by MR.CD-ROM :
誰被操死了?

是曹操(假)死佐.......

[亍 ◣]

Originally posted by MR.CD-ROM :
誰被操死了?

咪就係...... 操死了......

[Asurada]

今回又玩固弄玄虛的戰術.......許禇終被「舉起」
呂布曰:「許禇,我在想...當我不必分心想奪權,專注在武力之上時,
世上還有人敢誇口...可以打敗我?」

[MR.CD-ROM]

>呂布曰:「許?,我在想...當我不必分心想奪權,專注在武力之上時,
>世上還有人敢誇口...可以打敗我?」

oh well,windows就話開多個application就食多d resource,部機就會慢d
但係未聽過人類用腦用得多,個期體能會下降

陳某這究竟甚麼邏輯...理解不能...呀,等等,原來呂布"不是人"是指這個...(恍然大悟)

[Asurada]

同感.......今次真係唔明點解....分心?
唔會係陳宮乜都同佢度好哂.......多佐時間去健身呢?

[喪波]

始終呢本漫畫入面好多觀點都好閉門做車。
陳某係有的小聰明既﹐但佢的乜"商人治國""黑暗兵法"﹐都係以現代既眼光去想當然古時既政治(仲要係程度偏低既分折)﹐令到故仔份外兒戲。佢越想故弄玄虛去扭橋﹐就越顯示出佢既膚淺。

希望陳某工餘時﹐會睇多的書。

[修羅Lemon]

Originally posted by Asurada :
同感.......今次真係唔明點解....分心?
唔會係陳宮乜都同佢度好哂.......多佐時間去健身呢?

根據睇雍正皇朝解釋~~
如果奉先日理萬機，冇乜時間鍛煉照理就會渣佐既。
如果根據睇最後武士解釋~~
人一專心即時會好打佐。

PS:都話佐唔好吹到奉先咁勁架啦。

>>但佢的乜"商人治國""黑暗兵法"﹐都係以現代既眼光去想當然古時既政治(仲要係程度偏低既分折)﹐

商人治國呢個論點並冇問題，我地而家既社會都係丫。
而黑暗兵法既奉考殺戮用難民磨人糧草係冇問題果渦。
有乜咁膚淺同程度低？

[喪波]

>>但佢的乜"商人治國""黑暗兵法"﹐都係以現代既眼光去想當然古時既政治(仲要係程度偏低既分折)﹐

商人治國呢個論點並冇問題，我地而家既社會都係丫。
而黑暗兵法既奉考殺戮用難民磨人糧草係冇問題果渦。
有乜咁膚淺同程度低？
----------------------------------------
黑暗乜黑暗物係日本少年漫畫創出黎。係建基於黑白二元論既世界觀。係歷史上﹐講求既係力量同傳統。再講﹐係古時既人﹐注重既係做皇帝果個係唔係自己人﹐民生幸福根本唔會有人重視﹐尤其係亂世。所謂黑暗兵法根本無乜大不了﹐對當時既人黎講係常識。

仲有話乜搵個好皇帝就會令中國百姓幸福。就算退一萬步﹐我比佢果時的人真係咁諗﹐但好皇帝﹐好極都只可以保到佢果任係國泰民安(仲要排除佢老左權力使人腐化﹐變左荒淫無道)﹐新皇帝上場一定會將好制度"送舊迎新"﹐到時又係另一回事。

[修羅Lemon]

咁既post就回得過。\

首先，你提出既我覺得適合用係歷史小說，但火鳳本身偏向通俗創作。
係陳某人自己寫既三國故事，取向同羅貫中既三國演義一樣。
所以用字用得誇張唔切合史實，故意強調某計策，都係冇乜問題。

用難民磨人糧草對當時既人係味常識呢點我唔敢斷言係真唔係真，
我淨知係古代好似源義經咁騎馬從山衝下突擊平軍好平常既計策，
對當時既日本人黎講已經係非常聰明既計謀。

選好皇帝令百姓幸福係冇必然關係，
但好皇帝至少係要達成國泰民安既必然條件。

而且你所講既係世襲帝制本身存在既問題，
唔適合用於描寫三國時代。

[喪波]

首先，你提出既我覺得適合用係歷史小說，但火鳳本身偏向通俗創作。
係陳某人自己寫既三國故事，取向同羅貫中既三國演義一樣。
所以用字用得誇張唔切合史實，故意強調某計策，都係冇乜問題。
-----------------------
字眼唔係問題﹐我都同意陳某係故意走向通俗﹐少年漫畫式格局。所謂既計某都太打機化﹐幾千伏兵係城內話伏就伏﹐城內既人完全睇唔出。仲有原本一個酒肉皇帝比董卓講兩句就鬼上身變超西爾人咁﹐之後仲成個人變陰沉成熟左。好多細節都比人好浮誇賣弄既感覺。
我覺得佢有野心去寫好多野﹐但可惜唔夠深度﹐結果變左gimmick。

-----------------------
用難民磨人糧草對當時既人係味常識呢點我唔敢斷言係真唔係真，
-----------------------
我話係常識唔係指當時真係有人咁做﹐而係難民會損耗自己資源呢一個事實。而事實上呢個連"兵法"都不如。因為實用性近乎零。一來難民會唔會好似打機咁﹐你要佢地去邊佢地就會去邊?二來你當的將軍傻架?會比的難民的磨自己糧草?佢地唔剝削自己既城民就偷笑啦﹐佢地會理的難民?


-----------------------
我淨知係古代好似源義經咁騎馬從山衝下突擊平軍好平常既計策，
對當時既日本人黎講已經係非常聰明既計謀。

選好皇帝令百姓幸福係冇必然關係，
但好皇帝至少係要達成國泰民安既必然條件。
-----------------------
但問題係古時既人﹐唔會以國泰民安為目標。


而且你所講既係世襲帝制本身存在既問題，
唔適合用於描寫三國時代。
-----------------------
我只係想講下﹐中國人對皇帝既睇法﹐說明火鳳中人對新皇帝既期待根本係"不合國情"。

[修羅Lemon]

我覺得你太一板一眼。
通俗創作以趣味為先並無不可。
三國演義雲長顯靈整瓜子明一樣荒唐，但我睇落去覺得一樣有趣。

>>但問題係古時既人﹐唔會以國泰民安為目標。
>>中國人對皇帝既睇法﹐說明火鳳中人對新皇帝既期待根本係"不合國情"。

呢個末必，中國都有唔少英明君主。
要保自己江山，勵精圖冶同以國泰民安為目標係必需。

>>一來難民會唔會好似打機咁﹐你要佢地去邊佢地就會去邊?
>>二來你當的將軍傻架?會比的難民的磨自己糧草?
>>佢地唔剝削自己既城民就偷笑啦﹐佢地會理的難民?

根據火鳳所講，陶大人係正人君子，佢邊會唔理？
曹操果邊係殺無赦，隔離果個陶大人好好人，你係難民會走向邊？

>>仲有原本一個酒肉皇帝比董卓講兩句就鬼上身變超西爾人咁﹐
>>之後仲成個人變陰沉成熟左

呢個反而都講得通，小皇帝年紀細，
會因為突然能夠震撼自己內心既道理而狂熱起黎唔係冇可能。
(正如有人信邪教，睇完EVA會殺佐自己媽媽咁~~)
而且生係帝皇之家，對朝政或多或少都有個眉目，
好少會完全一冇所知同笨到極點。
更何況之後見到小皇帝果時好明顯比董卓調教完。
而李呂果場後著再後著連鎖反擊戰我認係好多漏洞，所以我最唔鍾意呢段。

[喪波]

我覺得你太一板一眼。
通俗創作以趣味為先並無不可。
三國演義雲長顯靈整瓜子明一樣荒唐，但我睇落去覺得一樣有趣。
-----------------------------------------------------------
唔知你係唔係話我?
可能我文筆太差﹐你誤會左我既意思。我文中從來冇話過針對佢既趣味性。我只係話佢膚淺者。董卓"點醒"皇帝一席話既表現手法我仲以為係島本和彥既熱血搞笑漫畫。因為董卓既話實在太老生常談﹐而皇帝既反應又咁鬼熱血﹐呢的就已經唔係荒唐。而係荒謬得令人失笑。

如果講荒唐﹐就真係唔夠同樣係講三國既蒼天航路玩到咁盡。呢一本書就真係又夠趣味性﹐又有深度。


-----------------------------------------------------------
>>但問題係古時既人﹐唔會以國泰民安為目標。
>>中國人對皇帝既睇法﹐說明火鳳中人對新皇帝既期待根本係"不合國情"。

呢個末必，中國都有唔少英明君主。
要保自己江山，勵精圖冶同以國泰民安為目標係必需。
-----------------------------------------------------------
你有睇過歷史書都知﹐以前的人起義都係為左推翻暴政或者外族政權。有邊次係會要"侯選人"發表政綱之後先比佢做反?
唉﹐再講﹐有邊個皇帝係會因為想做衰皇帝先做衰野?
個個都想做好皇帝名留清史架啦。問題係唔係個個都有材能可以做得到。個個做之前都會以為自己會幾惦幾惦架啦。

我諗你已經比陳某教壞左啦。係得的現代人先有果種空間去諗後世子孫既政治環境。係古時﹐力量就等於正義。

----------------------------------------------------------
>>一來難民會唔會好似打機咁﹐你要佢地去邊佢地就會去邊?
>>二來你當的將軍傻架?會比的難民的磨自己糧草?
>>佢地唔剝削自己既城民就偷笑啦﹐佢地會理的難民?

根據火鳳所講，陶大人係正人君子，佢邊會唔理？
曹操果邊係殺無赦，隔離果個陶大人好好人，你係難民會走向邊？
----------------------------------------------------------
咁如果呢個陶大人唔止係正人君子﹐仲係一個低能仔﹐係亂世時都亂咁發軍糧比的難民﹐咁都可能會行得通既。
大但萬一陶大人收留左的難民﹐但又要佢地食自己﹐又或者的難民去左投靠其它人﹐咁點算呢?

----------------------------------------------------------
>>仲有原本一個酒肉皇帝比董卓講兩句就鬼上身變超西爾人咁﹐
>>之後仲成個人變陰沉成熟左

呢個反而都講得通，小皇帝年紀細，
會因為突然能夠震撼自己內心既道理而狂熱起黎唔係冇可能。
(正如有人信邪教，睇完EVA會殺佐自己媽媽咁~~)
而且生係帝皇之家，對朝政或多或少都有個眉目，
好少會完全一冇所知同笨到極點。
更何況之後見到小皇帝果時好明顯比董卓調教完。
而李呂果場後著再後著連鎖反擊戰我認係好多漏洞，所以我最唔鍾意呢段。
----------------------------------------------------------
所以咪話呢本書膚淺囉。的人信邪教你以為係一個正常人行行下街﹐比人講一句﹐就信左根住就返去殺佢阿媽?一個人既性格邊會咁易有咁大變化?而且董卓講果的...真係好行貸架咋。
再者﹐根據董卓既調教手法﹐就算更有效都好﹐都只會訓練出奴才﹐係唔會訓練出雄心萬丈既人。

[Asurada]

今回112回.......
最值得留意係好型仔的太史慈登場......咁孫家會唔會有機會講下呢?
續上回......呂布掉佐許諸落街之後.......
又到一擊KO典韋........

[fatraymond]

Originally posted by Asurada :
今回112回.......
最值得留意係好型仔的太史慈登場......咁孫家會唔會有機會講下呢?
續上回......呂布掉佐許諸落街之後.......
又到一擊KO典韋........

又到一擊KO典韋
真係勁到咁???
不過終於都有吳d人出下喇,正~~~~~~

點解你次次都可以咁快睇到新一回?你有訂開??

[Asurada]

新少年連載.......只係你們好似人買開.......