我覺得就算T'Chaka當初接咗N'Jadaka返Wakanda
佢都只會變成第2個Loki
始終殺咗佢老豆，而以T'Chaka作風，應該都唔會改變到N'Jadaka

瓦干達係咪想出口超黑科技武器俾香港推翻老共www

其實佢地將科技帶到全世界都只有加快滅亡, 真係做戲咁做...
某程度上我都認同佢老豆龜縮既做法, 地球真係太危險LA...

琴日一早睇左假3D IMAX版，
隊長完全冇提到冇出場，
不過最後只有冬兵出場算係咁啦！

PS：光頭女將軍最初好唔順眼，後來戴左假髮＋紅色晚裝又真係好索
PS2：一開場就呢個黑人版無間道，好好笑！
PS3：食心型藥草＋埋起黎好似3D阿凡達裡面個儀式咁！
PS4：個走私軍火佬變左搞笑角色！

我就遇左有Bucky
話哂明知佢留左係Wakanda

不過作為Infinity War前最後一套，仲以為會Tease一下最後粒Stone ~ 加上一直都傳粒石係Wakanda

我覺得軍火佬係 Avengers 2 都係咁～ 不過可能個陣演出時間少吧

平時對黑妹冇乜反應，但王妹Shuri真係幾索吓。

如果T'Challa最後成為妹控，我唔會覺得奇怪。

最近MCU好鍾意嚟泡菜國拍外景，遲下會唔會好似A1咁大家片尾去韓國餐廳食泡菜？XD

釜山嘅追車場面可能係自Civil War以來最好睇嘅非CG動作。（唔係話冇CG，但最多都只係輔導）

獨臂軍火佬Klaue （同Klaw爪臂諧音，所以先有咁先進嘅義肢電磁炮）明明喺漫畫原作先至係黑豹嘅大反派，結果變成好似Iron Man 3嘅Mandarin咁用完即棄。

Ross特工喺原作只係一個經常協助黑豹嘅普通外交官，不過為咗劇情需要點都要將設定改為前空軍機師嘅CIA特工俾佢大展身手。繼Sherlock飾演Doctor Strange，而家連Sherlock嘅華生醫生都現身MCU（之前喺Civil War已經短暫登場過），兩個英國演員用美國口音講嘢始終感覺奇怪。唔知佢哋兩個會唔會喺Infinity War碰頭？

既然Killmonger係為殺父之仇而嚟搵T'Challa算帳奪權，我仲諗住T'Challa會用返佢係Civil War差啲被仇恨沖昏頭腦嘅過來人經驗嚟勸Killmonger收手。（雖然Killmonger唔會聽得入耳就是，但起碼叫做有多啲MCU嘅連貫性）

聯合國嗰幕有個國家代表不識抬舉話Wakanda身為「農業第三國家」可以分享到啲乜嘢俾全世界。與其即場展示Wakanda嘅高科技，編劇選擇俾T'Challa佢哋笑而不語然後完結呢幕。我比較喜歡呢個一切盡在不言中嘅演出，無需要乜都畫公仔畫出腸。

雖然Infinity War trailer已經知道Bucky會復出，但見到佢客串都算係唔錯嘅彩蛋。

到最後都仍然冇公開最後一粒無限寶石－靈魂寶石－嘅下落，不過從汎合金隕石呢個外太空物體可以隱約估到靈魂寶石就係喺Wakanda境內。再加上食落由隕石所培育嘅心型藥草可以與亡魂溝通呢點亦非常接近靈魂寶石嘅特徵。IW trailer Thanos大軍大戰黑豹與Bucky領導嘅Wakanda軍隊更加毋庸置疑最後粒寶石嘅確實位置。

故事就真係王道到一個點
世界觀係佢亮點，也就是disney lion king X marvel super hero
還好沒有如雷神咁硬插唔好笑笑料，公公整整四平八穩，中上之作

講到咁強勁，咁豹妺+東尼整隊黑科技超合金ironman係咪已經可以KO 大猩猩
下套IW Thanos應該已經集齊五粒石，vision死硬，巨腸都高危，豹兄妹應該save喇

咁呀豹妹係咪將會成為 MCU iron heart ?

係啦！最後粒石冇出場又冇提到，好可惜！

套戲太多朱古力了，有點吃不消！

細妹這個角色好有趣！文又得、武又得、又識搞笑，全套戲的亮點！

一山還有一山高，史達企業的科技當堂被比下去！
瓦干達的科技，直頭去到異星人級數。我們平時見到的UFO，原來只係瓦干達的空中交通工具。

非洲土人笑美國人原始落後

原來非洲有雪國的

一點也沒提到隊長，有點失望！

差不多純朱古力咁濟, 佢地叻呀, 連呢個MARKET都食埋, 對將來英雄MARKET又變大左...

係喎！你提起，先留意到！非洲點解會有雪國ge???
有冇睇過原著既人兄解釋下呢？？

PS：期待下集東尼又攞D咩更勁既黑科技出呢！

無限之戰thanos會打wakanda，最後粒石所在地已經畫出腸，咁今集寫佢地要公開同輸出黑科技都合理，而且東尼套MCU版Breeding Edge應該合理化地係同豹妹交流嘅產品

乜有講過佢地開戰地方係WAKANDA ? 可能只不過係非洲其中一個草原,
MCU D 片好多時去到正式就會變~

心型草藥都可算係最求其POWER UP方法NO.1
成套野都著重黑科技
但係同時又講豹神,死靈國度
我諗應該好多人R頭
無睇原著
只係AVENGERS見過黑豹出場
佢個國家係真係黑科技成咁定普普通通先進多少?
因為原作都已經六七十年代初登場

一樣。係全世界最高科技的城市。係可以令到F4 Reed Richards第一次去到都嘆為觀止的勁。同時T'Challa亦係全球第八聰明的人（Reed Richards, Dr. Doom, Hank Pym, Bruce Banner, Tony Stark, Hank "Beast" McCoy, Amadeus Cho），係一個博學家，Shadow Physics亦係佢發明的。

但亦都保存好多非洲傳統的神秘文化，好似宗教、巫術等等。漫畫內的心型草其實係因為Vibranium金屬的輻射感染而異變到可以賦予力量，當然同Marvel漫畫好多其他的神一樣，黑豹神Bast真係存在。

而我諗好多人都會估到，電影將會改編到Vibranium金屬礦的核心力量來源係咩了。

1. 靠V鋼就可發展黑科技出嚟
2. 拎住咁強大嘅黑科技都唔對外面世界「做啲嘢」

Bucky係咪有新名號？

白狼......