[西片] Hacksaw Ridge（鋼鋸嶺）

[肉羊哩咖]

見好似無人提,開一串先

1. 前大半都好平淡, 都係啲戰爭片嘅老梗--識咗個女人,跟住為愛國從軍,家人反對,受訓俾人洽之類
2. 無睇過新蛛蛛人,但加菲做出嚟叫人信服
3. Weaving做佢老豆, 唔多戲亦唔誇,尤其飯枱嗰幕內心戲好到
4. 出奇地唔傳教, 不過反戰, 佢班同僚好騎呢下,引發唔少笑位
5. 打就去到雷霆救兵開頭咁嘅激同血腥程度,因為男主角無武器,有啲牙煙位,啲女士發出啲肉緊聲
6. 啲事跡有網頁比較過同真事差唔遠,尤其係戰場嗰度, 不過時間上有啲就壓縮咗,有啲更離奇嘅就刪埋
7. 話時話,啲炮彈就咁爆唔會有咁多火球㗎;而佢個沙展咁都死唔去真係好出奇
8. 片入面佢阿哥完全無講有冇生還,不過最後播返啲真人訪問, 知佢無事
9. 好有趣嘅係:男主角老豆,阿媽,阿哥同老婆都係澳洲演員做, 原來無計,澳洲拍平啲~