[飲食新聞] 金莎變國產 首次中國設廠 明年供應亞洲

[david]

【本報訊】大陸正版金莎朱古力，最快秋天殺到！標榜意大利製造的金莎，母公司費列羅（Ferrero Rocher）證實，位於中國杭州首間工廠將於秋季營運，生產金莎、Kinder朱古力等。有本港零售商認為，國產朱古力「落太多凝固劑，入口唔識溶」，料大陸版金莎難以在香港立足。

意大利報紙《Il Sole24 Ore》報道，費列羅意大利行政總裁Frederic Thil證實，首間中國食品工廠將於今年秋季起投產，計劃聘請200名至300名員工，生產包括Kinder朱古力、金莎等，主要供應中國及亞洲市場。

消息指該工廠位於杭州市蕭山區，總投資額達50億元人民幣（約62.5億港元），面積近10萬平方米，相當於12個標準足球場。落成後，每年可生產三萬噸朱古力及糖果，成為費列羅在亞太區唯一一間食品工廠。記者向費列羅總部及香港分公司查詢，截稿前未有回應。

現時本港市面上銷售的金莎，有行貨亦有水貨。大型超市一般售賣行貨，統一由本港經銷商從意大利進口，價錢較貴；記者在價真棧、優品360°兩間食品店中，則發現波蘭、加拿大生產的金莎，代理商包括美國及香港，但價錢較超市便宜。

連鎖零食店759阿信屋主席林偉駿認為，中國消費者對金莎需求極大，在內地設廠生產做法合理，「慳番好多運輸費」；他估計香港每年銷售的金莎中，約有兩至三成轉口至內地，相信中國市場可消化所有國產金莎，出口香港機會不高。

零售商料難在香港立足

林偉駿續指中港兩地對朱古力要求有分別，國產朱古力普遍「落太多凝固劑，入口唔會溶」。按其零食舖經驗，如同類食品同時提供歐洲、中國製造版本，後者銷路「通常瀨晒嘢」；他認為港人多數愛來佬貨，「如果價錢一樣，梗係唔食（國產），你當人儍㗎」，料國產金莎難以在香港立足，公司亦不會考慮從中國進口。

但記者街訪發現，不少港人對中國製造金莎持開放態度。一至兩星期食一次金莎的李小姐認為，內地味道應該與意大利生產差不多，「唔會研究產地，好味就得」；來自廣州遊客王先生則認為價錢較重要，他表示現時在廣州購買三粒金莎要16元人民幣（約20港元），「（國產後）便宜一點，會買來吃」。

總部位於意大利的費列羅，為全球第三大朱古力生產商，在中、港、台三地皆受到消費者追捧。雖然進口貨價錢貴，但仍然佔據中國朱古力市場龍頭，調查機構Euromonitor數據顯示，截至2013年底，費列羅中國區銷售額高達14.7億元，過去五年增長超過一倍。

應該會演變成：香港非支那製金莎只高價賣俾水貨客，香港人就食支那金莎。

[小草]

金沙其實有咩好食，其實唔明點解要搶
正確一啲係，人大左試多左朱古力，就知可以有更好選擇

[真十人€]

自己唔會主動去買金莎食，絶大多數係農曆新年收到既拜年禮物。

[小嘉]

金沙細細個時就好食
近呢5,6年覺得好難食...

[ben wai]

香港金莎冇記錯好似係真係意大利進口貨

[捲毛老爺]

作者: ben wai

香港金莎冇記錯好似係真係意大利進口貨

好似唔係...

有兩款

我做倉既朋友 有收過(?) 真正 寫到明MADE IN 法國 [隻船去外國既]

香港冇...