[西片] Galaxy Quest (1999) + Never Surrender (2019)

[肉羊哩咖]

(Fan 屎 Fan 屎，我哋支持你！)

(本人查過，呢套嘢真係之前無舖過，有舖過請指正）

Galaxy Quest 當年 Dreamworks 嘗試啲新嘢嘅作品，故仔講套七十年代太空冒險電視劇 Galaxy Quest（影射邊套一睇就知），因為唔多收得，去到最高潮位就被腰斬，但好在養咗有一大班 fans，班主角之後啲星運極霉，只能夠靠參加啲影迷聚會之類有老本食。直到有一日，有班奇奇怪怪嘅 fans 搵演艦長嘅演員（由 Tim Allen 飾演），要佢幫手解決某個問題，胡里胡塗之下，連埋班舊拍檔，開展一個冒險之旅。套戲成本高，除咗好多幾位大明星參演之外，特技都好講究。點知孖劇亭當咗係搞笑片，而唔係講 fans，同電影電視共生關係之下嘅喜劇。因為票房未如理想，原定結集到原班人馬電視版續集，最後都無成事；加上 Alan Rickman 不幸離世，呢套劇可能成絕響。

齋噏咁悶，睇吓專家嘅評論先：


呢套片被好多人（包括同 Star Trek 有關人仕 Jonathan Frakes，Patrick Stewart， Wil Wheaton，Desmond Lindelof 等) 都讚好，Lindelof 透露，呢套係 JJ Abrahams 心目中第二最佳 Star Treks 電影咁話。

套片香港無上過，連碟印象中香港無見過，衰到連香港 iTunes Store 都無～～～唉～～～

----------

你可能過睇唔少 Honest Trailer，出品嘅 Screen Junkies，佢班幕前後班友搞電影又點？印象中佢哋無拍過公映嘅片，呢套以 Galaxy Quest 電影為題嘅紀錄片 "Never Surrender" （電影入面套電視片艦長成日嗡嘅口頭禪），可能係第一套；入面訪問咗好多台前幕後，由製作綠起，拍攝過程同之後種種往事，仲訪問埋呢套電影嘅長期 fans，影評人，甚至身為行內人嘅 fans，因為呢套係講 fans 嘅電影，由套片嘅 fans 角度入特別傳神。

呢套電影十一二月左右美國作有限度公映（一係因為參選一係就因為滴住嚟「壟斷」），而家 iTunes 上面有。（香港未 check 有冇）