http://hk.news.yahoo.com/article/100318/3/h2zp.html

47萬打工仔時薪不足33元
(星島)2010年3月19日 星期五 05:30
(綜合報道)

(星島日報 報道)本港首個最低工資水平將於七月落實，政府統計處 昨日公布全港僱員收入調查作參考數據。在二百七十七萬多名打工仔中，有近四十七萬名僱員時薪低於工會要求的三十三元；其中保安清潔 服務業僱員時薪中位數僅二十七元六角，為各行業中最低，但多個薪酬偏低行業僱主卻認為最低工資水平應低於二十七元水平。有學者相信，日後落實最低工資水平，有機會掀起裁員潮。

　　記者：張一華

　　梁愚瀚

　　政府統計處昨日公布去年第二季本港僱員的收入及工時調查，為臨時最低工資委員會提供詳細數據協助釐定首個法定最低工資，統計處抽查本港一萬零五百九十八家企業，就不同行業僱員的時薪、就業特徵、年齡、學歷及人數分布調查。

　　清潔保安低絕全港

　　全港二百七十七萬六千名打工仔中，時薪中位數為五十八元五角，月入中位數一萬一千五百元。一直以基層為主、有二十二萬名僱員的物業管理保安及清潔服務，時薪中位數低絕全港，僅二十七元六角，相當於月薪五千三百元，遠低於全港中位數三十元九角。各類保安員中，業主立案法團所聘用的員工，最低時薪 僅得十八元五角。飲食業佔低薪排行榜第二位，僅三十二元七角，當中快餐店外賣店時薪最低只得十九元五角。

　　如參考物業管理保安及清潔服務的中位數二十七元六角，統計處調查顯示，全港低於二十七元的僱員，共有二十七萬人；按勞工界一直要求將最低工資定於三十三元計，有四十六萬九千四百人收入低於不足三十三元。

　　飲食業建議24至26元

　　統計處指，調查無法計算出最低工資水平，如何影響失業率上升及職位流失；承認僱主或透過裁員、加價、削減員工工時來應付最低工資。

　　飲食界立法會 張宇人 認為，最低工資倘訂於二十元，殺傷力不大，若訂於二十元以上，恐對職位、競爭力及長遠投資有影響；坦言將來最低工資易升難跌，一開始不應訂得過高。餐飲聯業協會主席黃家和稱，不少蚊型食店仍在吊鹽水，如定於超出三十元，恐現食肆結業裁員潮，飲食業界僱主認為二十四至二十六元水平較易接受。

　　香港環境衞生業界大聯盟召集人甄瑞嫻指，清潔業僱主將增加成本轉嫁用家，但憂慮一旦最低工資推行，長期服務金時會增加一倍，僱主資金難以周轉。

　　加速自動化代替人手

　　經濟學家關焯照指，勞工界提出的三十三元，佔總勞動人口一成多，是相對合理的要求。但認為，落實最低工資後，飲食業清潔等低技術工種，有機會以機器代替人力，如自動賣票機、中央洗碗等；保安則可能出現「假自僱」情況，甚至以加工時減省人手來節省開支。

　　科大經濟發展研究中心主任雷鼎鳴認為，最低工資定在三十三元，市場無法接受，加速低技術工種自動化替代人手，又指訂於二十六元以上，均會即時令部分工人失業，政府需小心考慮。

　　嶺大經濟系教授何濼生認為，清潔及保安工資中位數二十七元六角，可作為最低工資水平，以測試市場「水溫」。

　　臨時最低工資委員會將就統計處數據，展開第二輪公眾諮詢，並會考慮一籃子因素釐定首個最低工資，包括工資不會過低、不會令大量職位流失、勞動市場、經濟狀況、生活水平、競爭力等評估，將於七月向特首及行政會議 提交建議。

----------------------
全港打工仔時薪中位數58蚊.我只係得一半咋
如果計番我一個月工作時數乘番58.5,我一個月有一萬四千幾...
呢度有幾多人over $58.5/hour?

叫加人工會俾人鬧的

即時令我諗起我以前老板一句名言:
我成日同d後生仔講呀, 你地想出去搞生意實蝕架,
如果有一份6千蚊ge工好做啦, 就算係5千蚊都唔錯架啦

我老細: 年輕人唔好自貶身價, 份RESUME 寫人工高D都唔怕

麵包西餅學徒又點計先...................

依家一般學徒$5500...................毎日做11 小時, 一個月4 日假

你叫d 老細真係開24至26元的話全港4 成細麵包舖真係摺得啦

反正覺得唔值你寫幾多都係落碎紙機
反正要壓價都不急在一時

將最低工資
定得太高又俾人話干預市場,
指會即時會有好多人因為咁樣而失業
又話因為勞工成本上升而加價,轉稼俾消費者

定得太低
又被指剝削員工, 辛勞既成果卻不足以應付生活所需
指拎綜援仲好,反正都係「雞碎咁多」

之前有人提出:以負入息稅來代替最低工資,即類似低收入綜援
方法是否可行?又有何利弊之處?

中位數27.6會唔會計多左...
5300/27.6/26=7.38..
5300/26/10=20.38..
保安及清潔7hr?坐底10hr啦,個range都幾大下.
大部份非白領都10hr起嫁wor,計埋時薪都唔過30.
唔減人手,咪加工時囉,做返15hr起補數.
到時咪又出現最高工時問題

保安又唔怪得既…因為「理論上」係無野做的…

不過清潔低就真係好衰！！！！！！

其實一有最低工資就好大獲呢.....

+1認同

到時大把人失業, 有工返ge唔洗諗住有得收工

呢個數字計埋OT 既時間未?

其實我支持最低工資架,依家d政策向晒資方傾斜,比番少少甜頭勞方都應該掛。

同埋外國好多國家有最低工資,都一樣繁榮安定。

最低工資以時薪計算喎

開ot 唔係照計錢咩?

最多裁員，冇得唔俾放工

反正冇最高工時
過唔過都係等睇香港班好老細點善用資源架啦

現在好多公司已經冇ot 計錢嫁啦.
而且好多都覺得OT係應該的.

真係好多full time 除返開都無呢個數... 尤其要ot 果堆

<--表:44.5 裡:50+ /wk
計裡的話剛剛過35...

老細一句話未做完唔比收工已經夠ko你

就算時薪咁計, 請少左個人, 你咪要做多d囉, 即係唔洗收工

好多公司OT都冇錢架啦, 請跟貼市場

新聞稿 (2010-3-18): 二零零九年收入及工時按年統計調查結果公布 | 政府統計處
http://www.censtatd.gov.hk/press_rel...&displayMode=D

收入及工時按年統計調查報告
http://www.censtatd.gov.hk/freedownl...a9+&lang=2&c=1

按選定行業主類劃分的每小時工資中位數（港元）：所有僱員
$105.9 金融及保險活動 Financial and insurance activities
$ 90.8 專業、科學及技術活動 Professional, scientific and technical activities
$ 80.0 資訊及通訊 Information and communications
$ 70.7 進出口貿易 Import and export trade
$ 61.1 建造 Construction
$ 59.3 陸路運輸 Land transport
$ 58.5 Median hourly wage by selected industry section (HK$) : All employees
$ 39.9 零售業 Retail trade
$ 33.7 雜項活動 Miscellaneous activities
$ 32.7 飲食業 Restaurants
$ 27.6 物業管理、保安及清潔服務 Estate management, security and cleaning services

就算有ot最多都係20蚊一個鐘

定左最低工資
咪一個人做兩個人野
上有政策下有對策

等老細們更加「重用」員工

不嬲都話針無兩頭利

今鋪正苦定又俾人鬧唔定又俾人鬧

加左時薪
bonus減返

到最後人工同立法前冇變
死未

我自己做過低薪工作，只有$22一個鐘，我覺得個工作性質拎呢個人工好合理
酒樓請傳菜都有6、7千，我覺得畀多左tim

下??乜原來OT唔係必然須要同埋必然無錢ge咩