直接收番亞視個牌啦....

[J+1]

政府對免費電視發出5指示
(明報)2010年7月2日 星期五 12:05

政府宣布免費電視牌照中期檢討結果，要求亞視 和無線增加文藝和長者節目，和增加字幕服務。

亞視和無線現時持有的牌照有效期為12年，由2003年12月1日至2015年11月30日。政府聲明指，行政長官 會同行政會議 ，通過廣管局 提出的免費電視牌照中期檢討結果建議，有關建議如下：

（一）亞視和無線須遵守各自於2010至2015年進行的投資計劃，即亞視須作出的節目及資本投資額為23.32億元，而無線的節目及資本投資額則為63.36億元；兩家持牌機構並須於2011年底前提交2013至2015年最新的投資計劃，徵求廣管局批准。此外，亞視須在2010至2015年把本地製作的節目數量，由每星期225小時增加至273.5小時。

（二）亞視和無線須遵從新增的節目規定，即每星期額外播放120分鐘藝術及文化節目和為長者而設的節目，或每星期額外播放90分鐘政府節目（即香港電台 節目）。此外，亞視和無線須各自在每個周末額外播放60分鐘香港電台節目；

（三）亞視和無線須增加高清 電視節目的數量，即亞視由每星期播放14小時增加至自2010年起每星期播放60小時，而無線則由每星期播放20小時增加至2015年每星期播放120小時；

（四）亞視和無線須逐步增加字幕服務；及

（五）亞視和無線須參與由廣管局每年以專題小組討論會形式舉辦的公眾諮詢活動。

另外，廣管局特別建議，在亞視的牌照增加一項新條件（見另文）。

廣管局在2009年5月至8月，就免費電視牌照中期檢討進行公眾諮詢。有意見要求兩家機構提供更多類型的節目供觀眾選擇、製作更多本地節目、有更多節目以高清格式播放，以及為更多節目提供字幕。

廣管局亦查核了亞視和無線遵守《廣播條例》、牌照條件及業務守則表現的紀錄，認為兩家持牌機構在過去六年大致能遵守各項監管規定，但須回應公眾的關注，以改善其服務。

回顧番呢兩年,呢間電視台真係只有四個字不知所謂形容.....

最大問題係攪到毛線更加不思進取............

[sabre]

講開電視節目,最近呢幾個月,有時都會聽到老媽子睇睇下明珠台...
"做咩節目內容係明珠,但係出翡翠台o既字幕o既?"

[yKS]

作者: J+1

回顧番呢兩年,呢間電視台真係只有四個字不知所謂形容.....

最大問題係攪到毛線更加不思進取............

唔係喎

上年見電視入面有個男人話總有艷陽天好好睇喎

[tallken]

可能做到冇引, 每次做d新節目, 對方又跟著做 XDD

[碧克]

講到收返個牌好似好易咁,aTV一收皮,電視圈被TVB一台壟斷,後果係要全娛樂圈一齊承擔架

[sena123]

發多個新牌較好

[Metal Gear NT]

我覺得俾有線、NOW、Wiki王入o黎玩都好過等亞記有咩改善

[IDGAF]

不如亞視直接播晒政府節目啦(即香港電台 節目)

其實我屋企人都有轉台睇唔同節目的習慣,唔會好似死忠咁只睇某一個台的。
近來都有睇粵語版篤姬。

但真係頂唔順佢播果D唔係比香港觀眾睇的大陸劇,同部分韓劇。

另外,好多政府SHOW如乜乜禁毒、清潔香港SHOW都交晒比無線做,
連埋各部門如警察、消防、禁毒署同無線合作拍攝的電視劇,
我得政府都有份偏幫無線獨大,宜家又要迫兩台製作更多貴價的HD節目,
間接迫死埋亞視,不如真係收返佢個牌算啦…

我又唔介意多幾個打算服務香港觀眾的免費電劇台睇呀。

[ELT]

作者: 碧克

講到收返個牌好似好易咁,aTV一收皮,電視圈被TVB一台壟斷,後果係要全娛樂圈一齊承擔架

atv收唔收皮都係比TVB壟斷ga啦

[大情大性武大帝]

如果查生唔玩野，而家旺旺重金投入左好耐喇！！！！！！！

[haruka]

作者: sabre

講開電視節目,最近呢幾個月,有時都會聽到老媽子睇睇下明珠台...
"做咩節目內容係明珠,但係出翡翠台o既字幕o既?"

係唔係機頂盒問題？我屋企個盒都係咁
開 / 關 / 開一次字幕就OK了

---------------

講返主題，

亞視和無線須遵守各自於2010至2015年進行的投資計劃，即亞視須作出的節目及資本投資額為23.32億元，而無線的節目及資本投資額則為63.36億元

唔好話23億，亞視連2億都唔知拎唔拎到出嚟
與其迫亞視慢慢死，不如政府主動收牌啦

[信長]

亞記真係好廢
近年得亞星叫做好睇...
狂播d 不知名韓劇,仲要下下超過50集,好婆媽....
本地演員/自拍劇無晒... 早幾年仲一批後生演員.. 依家無晒,連合拍/外判劇都無晒
完全唔似香港電視台
動畫.... atv 有動畫咩



不如攪d 真人show 好過,又平,又有追看性(例如港童去少林修行...)
早幾年成日話資訊最強... 依家都無晒果d 節目...
以前有節目講game,講電腦幾好睇,又係無晒
如果出個本土制介紹acg 節目,我一定支持

有一期亞記好多好idea, 睇真d,台慶頒獎,百萬富翁,十大廣告,港男...
不過都比無記照搬,玩爛晒,真慘

[yKS]

講真以香港人既電視文化

拍乜播乜野垃圾你地都係咁睇嫁啦

咁多十年厘d爭家產劇都好收得

[Hei Man]

其實本來tvb都好唔惦，又無創意、只係識得抄襲，不思進取，
但係老實講tvb節目雖無甚驚喜，但起碼搞得四平八穩，都叫合格。
比起佢既對手，atv真係要咩無咩、連稍為似樣的節目也難找，
tvb好難唔嬴。

[毛仁愛]

我覺得亞視有努力過,但做得好的節目都吾多人睇,
市場客心理上已定位,好難改/救...

[lovehinafans]

作者: sena123

發多個新牌較好

要等阿爺點頭架=w=a

其實我覺得亞記以前既努力求存拍出黎既劇集其實好有新意
但可惜敗在慣性收視之下

[大情大性武大帝]

作者: 信長

亞記真係好廢
近年得亞星叫做好睇...
狂播d 不知名韓劇,仲要下下超過50集,好婆媽....
本地演員/自拍劇無晒... 早幾年仲一批後生演員.. 依家無晒,連合拍/外判劇都無晒
完全唔似香港電視台
動畫.... atv 有動畫咩



不如攪d 真人show 好過,又平,又有追看性(例如港童去少林修行...)
早幾年成日話資訊最強... 依家都無晒果d 節目...
以前有節目講game,講電腦幾好睇,又係無晒
如果出個本土制介紹acg 節目,我一定支持

有一期亞記好多好idea, 睇真d,台慶頒獎,百萬富翁,十大廣告,港男...
不過都比無記照搬,玩爛晒,真慘

其實亞視搞acg節目會好掂，首先無記一定唔會做先喇，會做都cut晒先播，播都三四手料來的…

同埋，亞視都唔知點諗，人地三四線劇，佢又三四線韓劇，點打姐？

加上，而家亞星做得咁好，一於玩埋「樂隊」「飲食」「時裝設計」「粵劇」lee d長途比賽節目喇，甚至亞姐都可以咁玩！！！！！

或者，亞視拍劇就唔好同無線一樣喇，又係Ｄc奶仔野，可以照用美式電視劇咁玩「單元式」…

[沙翁]

作者: 信長

有一期亞記好多好idea, 睇真d,台慶頒獎,百萬富翁,十大廣告,港男...
不過都比無記照搬,玩爛晒,真慘

亞記唔係真係冇努力過，但係你努力完得個幾丁收視
一陣對家即抄你仲要收視贏哂，你仲可以點...
比班大帝搞到心都淡哂仲想可以有幾熱誠...

要怪亞視? 不如怪香港觀眾唔肯嘗試貪就手仲好
有好多人真係寧願食垃圾都唔會去留意下隔離做緊乜，會唔會有好野睇

[smartgon]

作者: 機場美少年

不如亞視直接播晒政府節目啦(即香港電台 節目)

其實我屋企人都有轉台睇唔同節目的習慣,唔會好似死忠咁只睇某一個台的。
近來都有睇粵語版篤姬。

但真係頂唔順佢播果D唔係比香港觀眾睇的大陸劇,同部分韓劇。

另外,好多政府SHOW如乜乜禁毒、清潔香港SHOW都交晒比無線做,
連埋各部門如警察、消防、禁毒署同無線合作拍攝的電視劇,
我得政府都有份偏幫無線獨大,宜家又要迫兩台製作更多貴價的HD節目,
間接迫死埋亞視,不如真係收返佢個牌算啦…

我又唔介意多幾個打算服務香港觀眾的免費電劇台睇呀。

無錯，我覺得篤姬唔錯，weekend仲有HD版.
可惜既係慣性收視，結果....

另外，亞視最近係咁賣廣告推自家舊劇做乜?

[amaderasu]

作者: smartgon

無錯，我覺得篤姬唔錯，weekend仲有HD版.
可惜既係慣性收視，結果....

另外，亞視最近係咁賣廣告推自家舊劇做乜?

因為舊劇好睇到不得了

[加量熱狗]

作者: amaderasu

因為舊劇好睇到不得了

佢播我和殭屍有個約會、萬家燈火、或者再見艷陽天我都會睇
佢D韓劇有D都好好架…玻璃鞋同藍色生死戀

[凍檸茶]

起碼atv 卡通片d 字幕多過tvb

[碧克]

食垃圾都大大聲同你講我有垃圾食都好過你唔知比乜我食!!!
但又唔知隔離台有乜餐單喎

aTV錯晒,觀眾大晒就講乜都得

問心啦,亞視近十年有幾多新概念新節目做出來比無線照單抄過去,有幾多人鬧住都係照睇無線?
睇住巨星1,2做得再爛再垃圾都20點起錶,星光1,2相對上質素好得多但都係5,6點收視.
早幾年拍劇,好既有5,6點,差既可能得1,2點.
佢地演技唔掂咩?
鮑姐陳麗雲拎金像獎喎,你有冇睇過港台用陳寶轅萬綺雯張文慈拍短劇?你會知道林峰馬明橡膠穎楊怡佘詩曼之類論演技都未入流.

雖然蕭才子已不止一次質疑所謂「全港收視率=太古城收視率」,
但睇左咁耐,我發覺真係唔少人食住垃圾鬧難食,但又keep住日日食年年食
收唔收atv個牌關你叉事咩,你又唔睇既.
收左咪仲好,以後除左垃圾就一係唔食,睇下到時幾多人可以理直氣壯咁鬧住來睇丫拿.

[iu fu pig]

印象中...我和殭屍有個約會，無記好似未抄過...
又或者唔知點解...一講殭屍野就好多人鍾意...

其實亞記有好多劇集都好正...
之但係...無法架喎...一打開個電視...一定係無記先o既
而且...依一兩年佢d節目真係一年差過一年...
令你無睇開亞記，根本都唔知佢有咩節目...
動畫...zoids都算唔錯...但係依家呢~!? xx四驅!?(近排仲見到玩搖控車添!!!)
無錯...我無歧視中國動晝..但係對睇開日本動漫的香港人來說...我真係好難接受...

[亍 ◣]

唔想開topic

通訊局批准無綫合併J2及財經體育資訊台 85台將播「鳳凰衛視香港台」https://t.co/4b3l0cOh5u pic.twitter.com/XfjcBbxevM

— inmediahknet (@inmediahk) April 15, 2024