愛·回家 家已回

[N0T51B]

集數 :120 (暫)

監製:羅鎮岳


編劇: 萬宇衡、陳可兒

編導 : 邱南隆

編審: 蕭　朗、徐達初、湯健萍

CAST : 張繼聰、黃翠如、龔嘉欣、張振朗、
何君誠、吳業坤、麥長青、李　楓

香港這個國際大都會，生活節奏急促，人、事、物不斷變化，但依舊機遇處處。即使人生路途上充滿挑戰，事業、愛情、家庭或朋友帶來種種衝擊及考驗，香港人仍以輕鬆的態度面對，對夢想的追求從不放棄！


戀人創業闖出名堂　情海翻波危機湧現

瑜伽大師常健新（張繼聰飾）自印度學成歸來，與女朋友溫詩詩（黃翠如飾）合力開設健身及瑜伽中心－「See See Fitness」。二人共同奮鬥、經營，「男主外，女主內」。健新負責擔任導師，由於其冷酷的外表及健碩的身形，加上言語間充滿哲理，成功吸引一班追隨者。詩詩則專責一切管理及日常行政工作，經過一番努力，將健新打造成瑜伽大師，使健身中心闖出名堂。

健新與詩詩拍拖多年，無論在感情與事業方面都形影不離，在外人眼中是一對合拍的璧人。健新享受愛情的浪漫，同時嚮往自由；詩詩亦甘於為愛情犧牲，協助心愛的男人在事業上衝線。然而事實的真相是，二人的愛情充斥危機！詩詩自感年紀漸長，與其他女生一樣，希望建立幸福家庭，但健新卻未有結婚的打算；詩詩眼見男友深受女性顧客歡迎，身邊圍繞着癡纏女生，令詩詩對這段感情危機感日深，希望向健新爭取保障，令健身中心也面臨一場前所未有的風暴……


旅遊達人情陷三角　三男「同居」吵鬧鬥氣

利樂兒（龔嘉欣飾）熱愛四處旅遊及吃喝玩樂，並將旅遊見聞及食評放上互聯網，大受歡迎，令她偶然成為網絡旅遊達人，不時得到去世界各地旅行的贊助。樂兒在旅途中先後認識了方嘉尚（何君誠飾）及倫立信（張振朗飾），竟暪著兩男發展一段糾纏不清的三角關係。

樂兒面對樓價不斷上升，業主一再加租，為讓家人有個真正的安樂窩，萌生置業念頭，但積蓄不多令她大感苦惱。樂兒分別向嘉尚及立信傾訴心事，想不到二人竟主動提出代付首期及供樓。樂兒心急實踐買樓願望，竟接受二人幫忙，並當二人的出資為一種投資。隨着樂兒與弟弟利樂童（吳業坤飾）搬往新居，「一腳踏兩船」的秘密也終被嘉尚及立信拆穿，二男更驚悉情敵也有出資為樂兒的物業供款。樂兒面對嘉尚及立信的逼問，無法抉擇，竟離港躲避。

嘉尚及立信為不想失去樂兒，也不甘心物業落入情敵手中，爭相搬入樂兒家，樂兒卻要弟弟趕走兩男。於是，樂童、嘉尚及立信三個大男孩展開了同一屋簷下，吵吵鬧鬧的生活。


「海味姑爺」獨守家業　父子隔膜有待修補

立信出身於海味世家，母親外家世代經營海味店。立信父親倫伯寬（麥長青飾）與親姊倫靜雯（李楓飾）早年由內地來港後，得到海味店老闆的接濟，收容姐弟在店內幫手。二人勤奮工作，以回饋老闆，伯寬更與老闆的獨生女日久生情，結為夫婦，誕下立信。

可是，伯寬的妻子及岳父在立信年幼時先後過世，伯寬百分百投入海味店的生意。海味店忠心員工文惠蘭（馬海倫飾）對伯寬並不信任，但亦幫忙靜雯照顧立信。伯寬錯過不少立信的成長時光，以致兩父子關係疏離，要靠姑媽靜雯居中舖橋搭路修補……


把「愛」帶回家　建堅固後盾

幾個家庭、一眾看似不相關的人和事，交織出當下社會各階層所面對的種種變化和機遇。縱使眾人各自面對事業、愛情等不同難題，所幸心中有「愛」，回到家中，總有永遠不離不棄的家人作為強大後盾，互相傾訴、互相鼓勵……人生路上再多風雨，總有「愛」同行。

===========================================

除咗用返舊劇名同5個舊角色
班底,故事,風格都換哂
索性開新topic好過

[kimtch]

有唔乜乜既集數, 唔睇

[W!LL]

用返舊名先確保到廣告商落廣告嘛

[N0T51B]

今次雖然係羅鎮岳操刀
但係主題都係"愛回家"
所以唔好期望會好似同事/畢打

作者: W!LL

用返舊名先確保到廣告商落廣告嘛

呢套我當係愛回家tribute

[(=v=)b]

張振朗/馬海倫/龔嘉欣~依d上輯既主要角色~好心就唔好借屍還魂啦~好亂囉~

[kimtch]

其實我靜睇廣告以為係阿KEN唔做律師做海味鋪:0)....

[HON HON]

最唔好係用返舊人, 但又用舊劇名.

[小草]

作者: (=v=)b

張振朗/馬海倫/龔嘉欣~依d上輯既主要角色~好心就唔好借屍還魂啦~好亂囉~

同劇，唔同角色，仲要話唔係新，係同一世界
呢啲真係無線精神，是是但但

[HON HON]

作者: 小草

同劇，唔同角色，仲要話唔係新，係同一世界
呢啲真係無線精神，是是但但

張振朗/馬海倫
如果佢兩個同馬壯有對手戲就真係好笑.

[小草]

作者: HON HON

張振朗/馬海倫
如果佢兩個同馬壯有對手戲就真係好笑.

就算見到，你估編劇會自嘲，話咩你個樣同我同事一樣樣，係唔係孖生
新劇未新劇囉，係都屈只係唔講馬家講其他家庭，本來無問題，但你用緊同一個人做唔同角色，真係好難接受

[HON HON]

作者: 小草

就算見到，你估編劇會自嘲，話咩你個樣同我同事一樣樣，係唔係孖生
新劇未新劇囉，係都屈只係唔講馬家講其他家庭，本來無問題，但你用緊同一個人做唔同角色，真係好難接受

真係接受唔到.
其實將個故事放大咁寫咪得囉, 佢地又唔係無人用, 係都要咁玩, 駛唔駛慳成咁呀.

橋唔怕舊, 但都唔好成日用同一條橋...
我一見到就估中晒佢地想點玩, 勁無癮.

[Busconcamp]

作者: HON HON

真係接受唔到.
其實將個故事放大咁寫咪得囉, 佢地又唔係無人用, 係都要咁玩, 駛唔駛慳成咁呀.

橋唔怕舊, 但都唔好成日用同一條橋...
我一見到就估中晒佢地想點玩, 勁無癮.

查畢嚴...都唔知係咪拆剩嚴謹同查查間房...
JM分分鐘無屋企返...亦再無男子組火鍋...

[Fio]

作者: (=v=)b

張振朗/馬海倫/龔嘉欣~依d上輯既主要角色~好心就唔好借屍還魂啦~好亂囉~

原來係唔同角色咁搞笑

[(=v=)b]

作者: kimtch

其實我靜睇廣告以為係阿KEN唔做律師做海味鋪:0)....

我初頭以為係張振朗連接2個世界~海味舖條線係佢屋企~

[N0T51B]

咪就係因為啲腦殘最高層囉
原本諗住新劇用啲新演員新鮮啲
但係又怕啲新仔擔唔到大旗所以就夾硬用舊劇名
手法咁腦殘一睇就知創作部俾人硬上弓
TVB啲腦殘高層越嚟越鍾意騎劫創作部, 而加仲要多個隻蝗蟲股東
真係唔摺都唔得

[HON HON]

作者: Busconcamp

查畢嚴...都唔知係咪拆剩嚴謹同查查間房...
JM分分鐘無屋企返...亦再無男子組火鍋...

無晒架啦, 等睇溏口風暴-愛.回家版算LA.

話時話, ALEX同馬壯應該復合唔到, 因為馬壯都放棄左唔做律司, 咁即係唔同ALEX一齊咁解LA, 係咪? 所以我諗最後嗰幕ALEX得一個SHOT=SAD END左就算.

[kimtch]

作者: HON HON

無晒架啦, 等睇溏口風暴-愛.回家版算LA.

話時話, ALEX同馬壯應該復合唔到, 因為馬壯都放棄左唔做律司, 咁即係唔同ALEX一齊咁解LA, 係咪? 所以我諗最後嗰幕ALEX得一個SHOT=SAD END左就算.

下?
邊個CARE佢做成點:0), 新線我打算直接SKIP

[HON HON]

作者: kimtch

下?
邊個CARE佢做成點:0), 新線我打算直接SKIP

下?!?

你唔CARE又覆我既?!?

我都係HEA住咁睇架咋.

[大覺屋師真]

作者: (=v=)b

張振朗/馬海倫/龔嘉欣~依d上輯既主要角色~好心就唔好借屍還魂啦~好亂囉~

完全白痴做法
有舊角色係以前角色設定,有d又變左第二個人,勁反感.
一係你玩平衡時空呀笨
有霞姐做主線既集數先會望兩眼. 但睇怕都吾會多

[小草]

老實你用新劇名可能仲好，而家完全俾人比較，完全智障行為
如果一個月都無改善，睇下會唔會急急召馬家回來

我想知邊條白痴提議咁樣轉，反正名唔變，你未好似換律師樓咁，慢慢減，看入屋情況先啦
一野cut真係抵死，等看下星期收視報告

[N0T51B]

作者: 小草

老實你用新劇名可能仲好，而家完全俾人比較，完全智障行為
如果一個月都無改善，睇下會唔會急急召馬家回來

我想知邊條白痴提議咁樣轉，反正名唔變，你未好似換律師樓咁，慢慢減，看入屋情況先啦
一野cut真係抵死，等看下星期收視報告

急召都無用，幕後班底都唔同
佢當同事／畢打咁做反而會救到少少

[NexTony]

真係好奇怪, 我真係好似樓上咁以為呀KEN走左去做海味...

我仲心諗咁ANGEL咪好慘


原來第二個人

[暗黑騎士]

馬壯嚴謹查查係咪定期亂入做路人，連續2晚都係出得幾分鐘

[大破人間]

黃翠如想唔聲唔聲分張繼聰一半股份, 左一句右一句話保障自己,如果真係咁玩法, 唔散都變散啦

仲講咩鬼"錢keep係女人手比較好, 因為女人唔識走", 完全唔睇新聞嗎? 完全是自我感覺良好

[Busconcamp]

作者: HON HON

無晒架啦, 等睇溏口風暴-愛.回家版算LA.

話時話, ALEX同馬壯應該復合唔到, 因為馬壯都放棄左唔做律司, 咁即係唔同ALEX一齊咁解LA, 係咪? 所以我諗最後嗰幕ALEX得一個SHOT=SAD END左就算.

[TVB]你地諗多左喇...一套劇唔駛咁多個律師咁解姐[/TVB]