[突手專區] 香港中老虎機JACKPOT 777淋病當選 | 載有全港選民資料電腦被盜 選舉事務處致歉 | 頭POST蛇果專頁LINK

[david]

梁特大讚777屬高票當選 死咬泛民投薯片叔

特首梁振英今早出席行政會議前，被問到林鄭月娥當選下屆特首，梁形容777票當選是是「高票當選」，又稱在外國任何有競爭的選舉當中，當選人獲得超過50%或僅僅超過50%選票的人比比皆是，而有競爭選舉下雙方勢均力敵，林鄭能獲777票是高票當選。


他又指，本港選舉制度進一步民主化，今次特首選舉是其中一站，關注泛民取得逾300個選委議席的同時，泛民卻完全沒協調一個人出來參選，是錯失機會，認為符合一國兩制下的一人一票選舉，泛民應要有自己的候選人，若只有建制與建制自己競爭，並非香港發展民主的正途，又直指泛民今次完全不派人出選，舉動百思不得其解，因過去3次特首選舉，泛民都有派人出選，但今次有320票以上，卻無人參選，是否曾俊華就是泛民的代表，值得大家深思。


他並稱今次選舉，市民原本可一人一票選出當選人，但由於否決政改，令下屆特首由千二人選出，直指錯失了兩個令選舉民主化的機會。

777叫高票？

市民否決政改？

[Dyhalt Rushifar]

在下真係遠離教育太耐，原來65分就已經高分…

[KENSNAKE]

基數差到離譜可以同外國比？

係維園入波去話巴塞渣。

痴左線。

[大情大性武大帝]

最後，民主三百，完全無用，行錯晒，仲要無喇喇整左個胡官上去玩…

鬥唔過…

[LTKS]

作者: 香港電台

林鄭月娥：不能否定中聯辦曾向議員就政策「箍票」


候任行政長官林鄭月娥表示，會向現屆政府爭取擱置今年5月小三TSA；但行政長官梁振英就表示，即使取消都是7.1之後的事。
另外，林鄭月娥表示，不能否定中聯辦曾向立法會議員就政府政策「箍票」，但她認為應公道些，指不知是中聯辦作主動，或是有人要求中聯辦協助。

尋日單嘢仲唔係玩你林鄭?
幫你得罪所有人，佔中搞手又告、朱經緯又告、學生家長又得罪埋
挾你行舊路

[T.K.]

作者: 大情大性武大帝

最後，民主三百，完全無用，行錯晒，仲要無喇喇整左個胡官上去玩…

鬥唔過…

鬥唔過就橋埋手嗎？？
300+鬥走689連任先

之後對面開盡國家機器兼商家自利
輸係正常，但唔認為搶選委係行錯路

不過下次報做選委應該仲高門檻，另一邊又繼續加插大量偽選民入去

[Kinny Riddle]

作者: fantasy俊仔

香港最慘係有太多人自當神機妙算諸葛亮
自當最識捉鬼天師鍾馗,唔知其實只係麥玲玲

你話人哋自當諸葛亮，你咪又係喺度馬後炮偷換概念事後孔明講風涼說話？

覺得自己妙算習大大係好皇帝,薯片曾又會係好官
就算佢都係擁831,推23條,總之all in佢就會幫你搞掂
自由唔洗自己爭取爭餐死,放棄原則就可以俾好皇帝給予和諧安定繁榮

邊個講過話雜種係好皇帝？邊個講過話薯片係聖人？

既然雜種同江系內鬥緊，點解就係唔可以運用嗰少少機會偷雞尋找生存空間？

同埋你話薯片擁831，23條，你有冇睇佢政綱架？

831佢話可以改架，即831根本係偽命題。你唔比佢簡單地think outside the box － 1200選委擴闊選民基礎，係呀，都仍然係831框架下呀。到時土共可以再醞釀釋法，但到時個鑊係土共硬食啦。

而23條講到明係「白紙諮詢先」，即唔會好似掃把頭老懵董咁無諮詢下就想立法。而當年2003年「白紙諮詢」你估下係邊個提議？公民黨呀。

乜都唔識就咬定佢寫23條就等於佢會立惡法。

家下淋病就100%肯定會立啦，你開心啦？

[Kinny Riddle]

作者: 大情大性武大帝

最後，民主三百，完全無用，行錯晒，仲要無喇喇整左個胡官上去玩…

鬥唔過…

喂，場波輸咗明明就係因為黑哨，你就走去倒果為因賴隊波排陣不力，咩邏輯？

就算明知場波有黑哨都要參賽理由：

1 棄權唔參賽佢就會自動捧盃，理直氣壯話自己係「真正王者」，吹佢唔脹

2 盡全力踢，比全世界知道自己隊波真係有實力去贏。輸咗大家亦都會知道係黑哨係度搞鬼。

3 萬一好似少林足球咁贏咗當然最好不過啦，到時花生斷貨。

其實好多「薯仔」都知道3發生嘅機會係渺茫，但唔可以因為咁就話「反正對手有4424，你咁認真踢嚟做乜」囉

[LTKS]

作者: 香港電台

美國會報告指北京干預特首選舉令香港主權萎縮


美國國會及行政當局中國委員會共同主席、共和黨參議員魯比奧及史密斯，就香港特首選舉結果發表聲明說，指選舉不能滿足港人普選以及有代表性政府的要求。
聲明說，北京明顯干預這次的選舉，是香港長期以來自主權不斷萎縮的另一個明顯的例子；認為中央屬意的林鄭月娥，將難於處理香港的自治和法治被侵蝕。
聲明提出，如果香港在新任行政長官的領導下，成為另一個中國城市，美國必須重新評估香港是否具有美國法律的特殊地位。

希望唔好得個講字

[david]

轟京干預特首選舉
美國會：或撤港特權

美國國會及行政當局中國委員會（Congressional-Executive Commission on China）就香港特首選舉發表聲明，指出中央介入選舉，透過向選委施壓，要求他們票投林鄭月娥，違反《基本法》及高度自治，警告香港若淪為大陸城市，或會喪失特權。

美國國會及行政當局中國委員會負責監察中國的法治發展和人權。身兼委員會主席的美國國會眾議員魯比奧（Marco Rubio）以及聯合主席史密夫（Christopher Smith）就林鄭月娥日前當選新一屆特首發表聲明，批評中央介入香港特首選舉。

恐港淪為大陸城市

魯比奧於聲明指，今次特首選舉仍然未能滿足香港人爭取普選、政府須具代表性的要求，「北京在今次選舉中明顯的干預，是削弱香港多年抱持自治的另一例子。在選舉結果公佈後的數個小時，幾位雨傘運動的領袖因為參與爭取民主運動，而面對新一輪的檢控」。聲明指，林鄭有必要採取積極行動重啟政改，以符合港人對民主的盼望。

史密夫則於聲明指出，林鄭一如多位前任特首是北京喜歡的候選人，但這會令到香港自治、法治不斷被侵蝕的問題難以處理（just like her predecessors, and this will make it exceedingly difficult to deal with the constant erosions of Hong Kong's autonomy and rule of law），又認為如果香港在新特首領導之下，淪為中國大陸另一個城市，「我們就要重新評估香港是否仍依照美國法律享有特權」。

委員會認為，本港的特首選舉原已極多掣肘，但北京政府官員更透過向選委會委員施壓，要求他們票投林鄭，而人大委員長張德江亦據報維護中央過問特首選舉的權力。委員會指這些舉動均違反《基本法》第22條、第45條、以及香港在國際條約下的義務。

坐言起行PLEASE

[david]

選舉處失電腦　政黨促馮驊辭職

選舉事務處載有近1,200名選委及全港逾300萬選民資料的兩部手提電腦閉門失竊，警方昨續在遺失電腦的後備會場亞洲博覽館調查，並翻查閉路電視了解有否可疑人物，政制及內地事務局稱已責成選舉事務處交代有否出現行政失當；新民主同盟促選管會主席馮驊為嚴重行政失當引咎辭職，選舉事務處就事件致歉。

選舉事務處在特首選舉翌日報案指，在後備會場亞博館遺失兩部手提電腦，涉及逾300萬選民資料，由新界南總區重案組調查。涉事樓層昨已封，存放電腦的107會議室有保安員看守，重案組探員昨多次進出107會議室調查，並翻查閉路電視，了解有否可疑人物。亞博館行政總裁哈永安亦親自到場了解。

選舉事務處致歉

政制及內地事務局昨出稿稱高度重視事件，已要求選舉事務處盡快提交報告，詳述失竊電腦從選舉事務處運送至亞博館過程、電腦資料保安及會場保安等措施，並交代有否出現行政失當。該局稱警方正在調查，並與涉事人士錄口供及翻看閉路電視錄影片段等，已責成選舉事務處全面配合；由於正進行刑事調查，不宜進一步評論，冀早日查明真相。該局又指得悉私隱署正就事件展開調查，若私隱署提出改善措施及建議，選舉事務處會落實跟進。

選管會回應稱非常關注事件，已責成選舉事務處全面配合警方調查，並就特首選舉中處理選民登記資料的安排作全面檢討，以加強有關資料的保安，並指選舉處需提交詳細報告。

選舉事務處昨晚10時發稿，稱正就事件全力協助警方調查，會全面檢視部門在特首選舉中處理選民登記資料的安排，向選管會及政制及內地事務局提交報告，並就事件對選民造成困擾致歉。

政界中人對此失竊事件感匪夷所思，民主黨立法會議員林卓廷昨日已致電選舉事務處要求交代，並去信立法會政制事務委員會希望盡快開會討論。林質疑為何只涉及少於1,200名選委的特首選舉，選舉事務處卻將全港選民資料帶到後備會場，質疑是否有所隱瞞，並盼當局交代遺失資料中是否包括選民以往的投票紀錄等，指政制及內地事務局局長譚志源作為選舉事務處的最終負責人，有機會要負上政治責任。

立法會資訊及科技界議員莫乃光則向譚志源提緊急質詢；一批新民主同盟成員昨到灣仔選舉事務處請願，批評該處犯了嚴重行政失當，罔顧選民私隱，促選管會主席馮驊引咎辭職；輪任召集人范國威並呼籲選民到選管會網頁查閱個人資料有否被修改。

SOR佐啦，仲想點？

[david]

專家：重要資料應放伺服器

被盜的特首選委及全港選民的個人資料，包括姓名、身份證號碼、住址、電話及電郵等。電腦保安專家根據目前披露的遺失資料，批評政府保安工作「極唔掂」，因各大銀行、跨國企業均不可能將客戶資料存入手提電腦，呼籲全港選民未來兩年留意個人資料有否被盜用。私隱公署已就事件展開循規審查，截至昨下午5時共接到兩宗相關查詢，及兩宗投訴。
選舉處在選舉投票翌日始報警，指遺失兩部載有300萬名選民資料的手提電腦。

籲選民提防詐騙電話

Blackhat Asia黑帽子亞洲駭客會議保安研究評審委員賴灼東指，選舉處犯的是低級錯誤，強調各大銀行、跨國企業均有規定，絕不會將客戶資料存放在手提電腦，而是存放在可查閱活動日誌的伺服器，每次閱讀、改寫資料後，可追蹤紀錄。他指手提電腦是最不安全的存放資料手法，就算有加密，只要有鑑證工具，隨時可在電腦記憶體截取資料。

賴灼東懷疑是次失竊有政治動機，因姓名、身份證號碼、地址均為重要個人資料，他指選民輕則有金錢損失，重則可被跟蹤、監控，資料可被賣至傳銷公司，「300萬份資料，當5毫一個，賊人都賺到150萬」。他指已向私隱署投訴選舉處，建議市民未來一兩年提防詐騙電話，或無申請信用卡卻收到批核信件等。

香港資訊科技商會榮譽會長、特首選委方保僑促選舉處盡快解釋兩部電腦失竊時的情況，如電腦的保密程度等。他憂慮資料外洩，騙徒行騙時將更容易，「有晒你地址電話，扮入境處職員都易啲」。選舉處在截稿前未回覆本報提問。

選舉處：專家識條鐵

[KENSNAKE]

作者: david

專家：重要資料應放伺服器



選舉處：專家識條鐵

大部分資料都拎晒，由借錢到投票做乜都得。

[Dyhalt Rushifar]

作者: KENSNAKE

大部分資料都拎晒，由借錢到投票做乜都得。

咁夠膽下令偷呢D電腦既都係應該係D一等權貴，不過權貴用完黎捉人坐艇有冇咁好手尾毀屍滅跡就另一回事
一般市民真係躺著也中槍

[歌絲˙暮斯]

我覺得係習系放風話佢地已經知 777 人裡面有邊個姐, 無乜野特別好驚既, 共產黨同中國本身已經夠驚嚇啦.

又, 唔係話指望習種係個好皇帝可以救到香港 d 乜.

純粹係比自己強大既對手(江系)多一個敵人, 總好過自己單打獨鬥姐.

睇下泰國人點獨立立國，左右逢緣食晒幾家茶禮，香港人唔係最叻呢 d 野咩？

[T.K.]

作者: Kinny Riddle

喂，場波輸咗明明就係因為黑哨，你就走去倒果為因賴隊波排陣不力，咩邏輯？

就算明知場波有黑哨都要參賽理由：

起碼美帝都出黎講下干預選舉先

[Dyhalt Rushifar]

作者: 歌絲˙暮斯

睇下泰國人點獨立立國，左右逢緣食晒幾家茶禮，香港人唔係最叻呢 d 野咩？

…上一代都可能係既，睇下班所謂激進派&支持者有幾大融和力
左右逢緣食晒幾家茶禮？泛民淨係扶一下冇咁硬身既薯片已經日日俾DAB同佢地夾擊

[T.K.]

唔係自己支持果個，就話對方屎都食
係近年香港最差既風氣
侵侵鬥拉你
唔知美國網民間係有無互相指責對面食屎之餘又唔覺自己果舊係屎

崇尚權力的人先做政客，係呢邊人之中尋求無私、高尚品格係未有d問題？

[001015]

作者: Dyhalt Rushifar

…上一代都可能係既，睇下班所謂激進派&支持者有幾大融和力
左右逢緣食晒幾家茶禮？泛民淨係扶一下冇咁硬身既薯片已經日日俾DAB同佢地夾擊

內鬥內行，外鬥外行啊嘛...呢種批鬥風氣，由熱血社民連開始帶起...
好似特首選戰，根本你有你做，我有我做就得。
駛唔駛好似仇人禁，下下都去狙擊...乜家下你冇其他野做咩?
如果旨意呢班敵我意識禁強的人去獨立就死得人多。

[fantasy俊仔]

無錯尋求政客會高尚品格,會係聖人咪錯晒囉
所以先要鬧棒JT 棒到好似變左救世主,民主之父呀,佢為官咁耐對民主做過乜先?佢做財爺個位又做得好唔好?
對一場根本違背普選原則既假選舉投入晒假戲真做,仲妄想背後大大會打救香港
JT 立法就會hea 唔會被中共控制, 佢好似講過「You always agree with your boss. No questions about that」架喎

唔係話要撕裂要馬後炮自己叻過人地
情況係好似見人睇同share content farm 係咪要鬧下叫停佢唔好再錯落去?
做野前同支持邊個前要邏輯思想下,腳踏實地d 睇香港眼前發生緊既事
走去理妄想邊個係救世主邊個係牛鬼蛇神要捉鬼, 明明有反枱既時機都因為呢d 野錯失晒

基本上班激進派都係衰呢d 架啦 ,睇下有無邊個會跳得出呢個魔咒囉
黃絲一樣啦,當初投出黎變左而家係咁插班自決派,根本投果時就係睇邊個靚仔順眼d就投而無去理解人地既政治理念
咁樣落去凝聚力只會越來越散,幾時先再可以大家為件事而出黎合力反枱呢

[Dyhalt Rushifar]

作者: fantasy俊仔

咁樣落去凝聚力只會越來越散,幾時先再可以大家為件事而出黎合力反枱呢

其實在下覺得雙方敵對只會一直惡化，終有一日大家可以完全唔理土共齋互片。
SO FAR早兩日見到鄭錦滿判三個月已經冇咩感覺…

[大山椒魚]

JT唔係救世主,
但佢既主張絕對現實過果D鬥爭幻想

JT根本上就係一個建制派
期待佢會改善民主係愚不可及,

但係和解係當前香港最重要既事,
689時代,鬥其鬥其樂無窮,
結果民主民生甚至香港既影響力
有無提升過?
有無比以前更有希望?

朝廷根本唔驚鬥爭,
反而反對派越鬥越見底,
就算唔和解都有十足把握被和解
所以㐂姑先會當選

[T.K.]

呢種未笑人階段性勝利囉
好衰既建制派>好d既建制>中等平庸>無能既民主>高能力既民主派

而家係好衰既建制派之中唔選，寧願繼續

呢個唔同831,831食成世同睇到只有佢屬意（如777）加幾個更差既俾你選

聽節目有句講得好，係尊敬跑得俾你前既人之餘，係未唔好笑俾你慢既人呢？

[david]

選民收5神秘電話問投票立場

選舉事務處遺失全港370多萬選民個人資料後，有選民及其家人收到操內地口音人士來電查問他投票立場，又要他交代為何不依所屬界別商會推薦票投建制派，事主質疑對方得知他個人資料，或與選舉事務處遺失資料有關。有立法會議員促選舉事務處、私隱專員公署和廉署調查事件，而選舉事務處發聲明，強調遺失資料不涉選民電話及投票資料。

疑選舉處失電腦洩資料

屬體育、演藝、文化及出版界的選民A先生，昨在立法會議員林卓廷陪同下開記者會公開事件。他憶述特首選舉翌日，收到一名自稱是屬香港研究會女士來電，對方操內地口音廣東話，稱正進行學術研究，請他透露過去立會和選委會選舉投票意向，A先生沒為意下透露自己兩次投票意向，對方即追問原因，又查詢他對林鄭有何期望。

A先生指對方掌握他中英文姓名、所屬功能界別，甚至知道他曾為周博賢簽署支持同意書：「佢問我點解要支持周博賢，而唔係商會推薦嘅候選人。」事發至今，A先生共收到5次來電，來者同樣操內地口音的廣東話。他指其中一次來電是致電他沒太多人知道的住宅電話：「知我住宅電話嘅人只有親戚、中小學同學、認識好耐嘅朋友同選舉事務處」，令他擔憂的是，他母親近日也接獲電話，詢問她是否認識A先生。A先生稱，不想香港變成一個表達政見後會遭追究的地方，否則等同白色恐怖。他承認自己fb賬戶有與WhatsApp、Telegram聯繫。

林卓廷稱現時不會妄下判斷，指來電者是憑選舉處遺失的電腦資料聯絡A先生，他會去信選舉處、私隱署及廉署促跟進，但他相信那些電話是要向當事人施壓。選舉處發聲明指早前兩部疑失竊電腦均沒儲存選民電話號碼及投票紀錄。

大清算時代來臨了？

[歌絲˙暮斯]

成單新聞都好可疑下

點為之「沒為意下透露自己兩次投票意向」？

我睇呢，電腦連資料失竊成件事根本無發生過


由手機版發出