劇 集 卡 通 碟 熱 賣 配 音 行 業 渴 人 才

[岸邊露伴]

配 音 工 作 向 來 給 人 神 秘 感 覺 ， 從 事 者 只 見 其 聲 不 見 其 人 ， 而 職 場 上 又 經 常 出 現 藉 招 請 配 音 員 進 行 詐 騙 ， 令 有 心 入 行 者 望 而 卻 步 。 其 實 想 投 身 配 音 行 業 ， 除 了 自 薦 外 ， 也 可 先 報 讀 坊 間 的 訓 練 班 ， 既 可 認 識 這 行 業 、 又 可 學 到 基 本 技 巧 ， 而 且 教 配 音 的 導 師 多 為 行 內 人 士 ， 若 你 甚 具 潛 質 ， 將 會 引 薦 你 入 行 ， 就 唔 使 俾 人 呃 啦 ！
今 期 《 青 雲 路 》 邀 請 到 配 音 領 班 、 現 職 配 音 員 及 配 音 班 學 徒 ， 分 享 他 們 的 經 驗 。

過 足 戲 癮
前 無 線 電 視 藝 員 龍 天 生 ， 當 年 在 藝 員 訓 練 班 時 因 認 識 一 位 配 音 導 師 及 被 其 賞 識 而 入 行 。 在 配 音 行 業 工 作 了 廿 多 個 年 頭 ， 他 覺 得 配 音 工 作 最 吸 引 的 地 方 是 較 演 戲 更 需 演 技 ， 工 作 時 過 足 戲 癮 。 「 演 戲 時 ， 觀 眾 可 透 過 演 員 的 表 情 知 道 角 色 的 情 緒 變 化 ， 但 做 配 音 只 可 用 聲 去 表 達 ， 難 度 更 高 。 」
他 說 ， 配 音 技 巧 其 實 不 太 難 學 ， 但 要 「 精 」 則 要 經 驗 累 積 。 「 最 難 是 語 氣 的 表 達 ， 竅 門 是 捕 捉 到 『 tone 』 ， 例 如 段 V.O.( 即 voice over 畫 外 音 ) 內 容 是 較 科 學 性 的 ， 配 音 時 語 調 便 要 堅 定 、 嚴 肅 ； 如 屬 喜 劇 ， 則 要 較 調 皮 、 生 鬼 。 」

龍 天 生 　
配 音 領 班 ， 曾 替 迪 士 尼 卡 通 片 《 獅 子 王 》 （ 狒 狒 ） 、 《 反 斗 奇 兵 》 （ 彈 弓 狗 ） 、 《 海 底 奇 兵 》 （ 騰 雞 ） 等 配 音 。


若 遇 有 一 個 中 文 字 有 多 個 讀 音 情 況 ， 配 音 領 班 有 最 終 決 定 權 ， 統 一 讀 音 。

唔 使 受 老 細 氣
未 入 行 前 ， 譚 先 生 是 送 貨 員 ， 打 工 的 日 子 經 常 受 老 細 氣 。 他 在 工 餘 時 間 報 讀 配 音 班 ， 後 被 導 師 提 攜 入 行 。 他 非 常 喜 歡 做 配 音 ， 因 為 工 作 賜 予 他 「 話 事 權 」 。 「 幫 人 打 工 要 睇 老 細 面 色 ， 我 做 配 音 無 簽 死 約 ， 邊 度 要 人 就 打 電 話 叫 我 開 工 ， 返 工 時 間 、 假 期 可 自 己 話 晒 事 。 若 果 同 某 配 音 領 班 或 配 音 同 行 夾 不 來 ， 我 又 可 以 唔 接 job ， 即 使 配 咩 劇 我 都 有 話 事 權 。 」
他 又 說 ， 配 音 工 作 非 常 有 滿 足 感 ： 「 配 音 時 ， 我 可 扮 不 同 角 色 ， 有 時 缺 乏 人 手 ， 扮 完 老 師 又 扮 學 生 ， 好 好 玩 ， 不 過 ， 做 呢 行 反 應 要 夠 快 ， 否 則 一 時 接 唔 上 ， 就 連 累 其 他 配 音 員 一 起 重 錄 。 」

譚 漢 華 31 歲 ， 全 職 配 音 自 由 人 ， 入 行 10 年 ， 曾 替 劇 集 《 秦 始 皇 》 （ 秦 始 皇 ） 、 《 ER 》 、 《 X 檔 案 》 等 配 音


當 其 中 一 位 配 音 員 讀 對 白 時 ， 其 他 配 音 員 也 要 目 不 轉 晴 地 留 意 畫 面 ， 做 好 「 接 口 」 準 備 。

一 技 傍 身
看 好 配 音 行 業 前 景 的 展 晴 ， 4 個 多 月 前 開 始 參 加 配 音 班 ， 希 望 學 得 一 技 之 長 ， 他 日 有 發 展 機 會 。 「 以 前 覺 得 配 音 好 容 易 ， 只 係 跟 住 個 畫 面 講 幾 句 對 白 ， 原 來 要 對 口 形 講 對 白 好 鬼 難 ， 開 口 要 準 、 語 氣 又 要 模 仿 得 似 ， 是 一 件 好 專 業 的 事 ， 唔 係 講 玩 。 」
展 晴 早 前 有 實 習 機 會 參 與 卡 通 片 的 配 音 ， 雖 然 實 習 只 得 車 馬 費 作 酬 勞 ， 但 他 說 得 到 的 經 驗 比 錢 更 實 際 。 「 我 試 過 配 大 笑 聲 ， 配 完 後 覺 得 橫 隔 膜 痛 ， 前 輩 話 我 知 是 我 用 氣 方 法 錯 了 ， 無 真 實 試 過 ， 唔 會 知 道 用 丹 田 氣 的 技 巧 和 重 要 性 。 」

鄭 展 晴 22 歲 配 音 班 學 員


開 工 前 ， 配 音 員 在 稿 上 寫 下 記 號 ， 方 便 錄 音 時 閱 讀 。

入 行 4 大 條 件

龍 天 生 說 ， 有 些 人 的 聲 線 「 入 咪 」 後 會 變 得 低 沉 或 薄 弱 ， 做 配 音 可 能 會 輸 蝕 一 點 。

咪 以 為 自 己 鍾 意 住 個 木 偶 扮 聲 講 野 就 一 定 適 合 做 配 音 ， 龍 天 生 提 供 以 下 幾 個 入 行 必 須 條 件 ， 想 入 行 即 check ！
1. 有 戲 劇 底 子
龍 天 生 ： 「 曾 經 有 戲 劇 演 出 經 驗 的 人 ， 較 容 易 掌 握 用 聲 調 或 語 氣 去 演 繹 。 好 多 行 內 配 音 員 也 是 做 話 劇 出 身 ， 所 以 演 繹 時 也 較 放 ， 不 會 怯 怯 懦 懦 。 」
2. 無 懶 音
龍 天 生 ： 「 好 多 人 以 為 做 配 音 一 定 要 聲 靚 ， 其 實 也 是 視 乎 角 色 而 定 ， 正 如 配 八 O 金 把 聲 無 可 能 搵 鄭 子 誠 配 一 樣 。 每 一 種 類 聲 音 的 配 音 員 都 需 要 ， 最 緊 要 講 野 唔 好 有 嚴 重 懶 音 ， 少 少 都 可 以 教 番 正 。 」
3. 反 應 快
龍 天 生 ： 「 配 音 時 ， 眼 要 睇 稿 及 畫 面 ， 口 要 演 繹 ， 還 要 用 耳 留 心 聽 對 手 的 對 白 ， 反 應 遲 一 點 也 會 跟 不 上 。 」
4. 肯 蝕 底
龍 天 生 ： 「 呢 行 好 講 經 驗 ， 尤 其 初 入 行 ， 無 人 識 你 ， 唔 知 你 掂 唔 掂 ， 所 以 當 有 機 會 俾 你 時 ， 即 使 只 係 配 一 兩 句 對 白 ， 或 者 只 有 車 馬 費 、 無 人 工 ， 都 應 該 試 。 做 多 幾 次 ， 有 人 覺 得 你 有 料 ， 就 自 然 會 搵 你 開 工 ， 甚 至 同 行 人 互 相 推 薦 都 有 機 會 發 生 。 」

渴 求 年 青 男 聲
身 為 配 音 領 班 的 龍 天 生 表 示 ， 近 年 外 國 劇 集 、 電 影 DVD 、 VCD 大 賣 ， 又 多 了 外 國 電 影 ， 如 ： 卡 通 片 等 上 映 時 有 配 音 版 ， 而 本 港 電 視 頻 道 又 多 了 幾 個 ， 令 配 音 工 作 需 求 增 多 ， 現 時 人 手 不 敷 應 用 。
「 行 內 活 躍 全 職 做 影 視 配 音 工 作 的 只 有 三 十 多 人 ， 但 其 中 十 多 個 是 無 線 合 約 配 音 員 ， 早 排 銀 河 衛 視 又 簽 了 幾 個 ， 令 這 行 突 然 好 缺 人 手 。 」 龍 天 生 說 ， 現 時 行 內 最 缺 的 是 年 輕 男 聲 ， 「 配 音 班 是 配 音 領 班 揀 蟀 入 行 的 好 機 會 ， 但 偏 偏 參 加 配 音 班 的 學 員 女 多 男 少 ， 好 難 搵 到 合 適 男 聲 入 行 。 」
他 又 指 出 ， 現 時 只 有 無 線 電 視 及 銀 河 衛 視 聘 請 全 職 合 約 配 音 員 ， 其 他 無 論 全 職 或 兼 職 也 是 以 自 由 身 接 工 作 。 工 作 薪 酬 一 般 以 8 小 時 為 一 組 計 算 ， 資 歷 較 淺 的 配 音 員 每 組 工 作 約 可 得 $300 -$800 。

邊 度 有 得 學
龍 天 生 表 示 ， 無 論 你 幾 有 潛 質 ， 配 音 行 業 始 終 是 專 業 ， 有 好 多 技 巧 唔 學 唔 識 ， 他 建 議 有 興 趣 入 行 朋 友 ， 最 好 先 報 讀 配 音 班 ， 一 方 面 認 真 了 解 配 音 行 業 ； 一 方 面 學 習 應 有 技 巧 。 以 下 是 坊 間 部 分 配 音 班 的 資 料 ， 大 家 可 作 參 考 。

聲 藝 影 視 後 期 製 作 有 限 公 司
課 程 名 稱 ： 「 七 彩 人 生 」 播 音 及 配 音 技 巧 訓 練 班
課 程 內 容 ： 戲 劇 概 論 、 語 言 技 巧 、 配 音 原 理 及 技 巧 等
全 期 學 費 ： $1,200
上 課 地 點 ： 觀 塘 開 源 道 60 號 駱 駝 漆 大 廈 第 三 座 12 樓 Q 室
查 詢 電 話 ： 2392 0556

工 聯 會 業 餘 進 修 中 心
課 程 名 稱 ： 配 音 技 巧 訓 練 初 階
課 程 內 容 ： 配 音 技 巧 、 聲 線 運 用 、 情 緒 控 制 等
全 期 學 費 ： $670
上 課 地 點 ： 九 龍 土 瓜 灣 馬 頭 涌 道 50 號 工 人 俱 樂 部
查 詢 電 話 : 2712 9175

香 港 電 影 學 院
課 程 名 稱 ： 影 視 專 業 配 音 訓 練 初 班
課 程 內 容 ： 配 音 行 業 介 紹 、 配 音 技 巧 、 配 音 劇 本 撰 寫 等
全 期 學 費 ： $2,325
上 課 地 點 ： 尖 沙 咀 香 港 文 化 中 心
查 詢 電 話 ： 2728 2690

[Jamie]

我都好想做配音.... 奈何都知自己唔係呢方面材料...
唉

[fancylala]

我都好想做
遲下試下報d課程讀下先

[gwf]

我都想學

[田華]

我都見過配音既工，不過，分分都要你先比二千蚊綠隻碟做版…我覺得係厄人囉…

[Sebastian veronique]

做配音係咪識變聲架?
有d心動添

[nick]

而 職 場 上 又 經 常 出 現 藉 招 請 配 音 員 進 行 詐 騙 ， 令 有 心 入 行 者 望 而 卻 步 。<--心聲
由細到大都想做配音,郭志權係我idol,但唔知點入行.又驚俾人搵笨..

[simonwongdx]

工 聯 會 業 餘 進 修 中 心
課 程 名 稱 ： 配 音 技 巧 訓 練 初 階
課 程 內 容 ： 配 音 技 巧 、 聲 線 運 用 、 情 緒 控 制 等
全 期 學 費 ： $670
上 課 地 點 ： 九 龍 土 瓜 灣 馬 頭 涌 道 50 號 工 人 俱 樂 部
查 詢 電 話 : 2712 9175
---------------------------------------------------------------------

我正在報讀這個課程

[Kaiser]

大家咁有興趣的話

不如一齊報啦

[fancylala]

我比較想報公開大學個配音課程
好似有得俾你去tvb到試下配架

[田華]

Originally posted by fancylala :
我比較想報公開大學個配音課程
好似有得俾你去tvb到試下配架

緊好！！！講到ＴＶＢ好似好得限咁喎…