討論：悲劇發生後，到底誰是得益者？抑或會否有得益者？

[天星碼頭高達]

唔係黑心或者冷血講風涼話，亦唔係要攻擊同傷害任何人。但忽然間覺得好多發生左o既悲劇，其實都係會間接令到另一批人得益。

用個最Common o既流行例子，比如話，木藤亞也。假如木藤亞也冇不幸患上脊髓小腦萎縮症，佢本日記就唔會結集成書，亦唔會被改編成電視劇、令飾演亞也o既澤尻繪理香o既人氣更上一層樓。

至少o係香港，為澤尻飾演o既亞也而流過眼淚o既人，肯定會比為真木藤亞也而流淚o既人多。

好多令荷里活巨星得到奧斯卡殊榮o既角色，亦有唔少係根據真實改編，即係話好多電影故事，都係參照一o的人o既痛苦變態經歷而寫成o既。而著名或得獎o既文學、藝術作品，更有唔少都係來自人間悲劇。佢地好痛苦o甘渡過左佢地o既生命，雖然上面o既明星同作品作家拿獎，但其實對受害o既o個班人一o的益處都冇，一般人只會對明星同作品拍爛手掌，冇人會理o個班受苦o既人所受o既苦。

人地o既悲劇，變成左大家消磨時間o既文娛節目。

除此之外，悲劇重可以成為一種安慰自己o既工具。成日會有人話：「你睇下呢班挨餓o既窮人幾慘！你睇下呢班斷手斷腳o既人幾慘！你睇下斌仔幾慘！我們真係好幸福呀！」講完呢o的o甘有"激勵性"o既說話，o個心就會舒服o的。但之後會全心全意真正關心同幫助o個班人o既，又會有幾多？點解要用人地o既不幸，來證明自己比較幸福？

「佢地好慘呀！套戲好慘呀！對父子母女好慘呀！結果攪到我一路睇一路喊o羅！」

好慘呀！好慘呀！不過喊完又係另一日。

聽講適量o既喊可以將情緒壓力消除，減輕心理壓力，促進身體健康。講到尾，又係"感人"o既悲劇所帶來o既益處o來。

[ヨコ男]

戲如人生, 好睇觀眾用咩角度好睇戲既啫
睇完點都有d得著既我覺得

[usayarE]

呢個只係你自己諗人地係咁諗

人地喊既背後，從悲劇故事既主角得到既，並唔係其他人可以猜量到
而且呢ｄ故事帶來既影響，亦唔一定係即時可以睇得到

[Corex]

都會令一部份人反思現實殘酷
以後對殘障人士會懂得體諒
殘障人士對自己的人生觀也會有所不同吧

[天星碼頭高達]

真心題：
假如你識到個其貌不揚(甚至"不揚"到令你抗拒及厭惡)o既人，你發現佢o既經歷比影視劇集o既情節更慘痛。佢一而再再而三向你求助，你會唔會有耐性去幫佢去救佢？

定係直接同佢講：「你認命喇！現實就係o甘殘酷架喇。拜拜。」？

佢外表唔似劇集演員o甘四正，重係o個種你冇乜o野都唔想去面對同佢接觸o既人。唔想接觸係因為個人感覺，就好似你永遠唔會想同某o的人做friend o甘。

[Einhander]

作者: 天星碼頭高達

真心題：
假如有個其貌不揚(甚至"不揚"到令你抗拒及厭惡)o的人，你發現佢o既經歷比影視劇集o既情節更慘痛。佢一而再再而三向你求助，你會唔會有耐性去幫佢去救佢？

定係同佢講：你認命喇！現實就係o甘殘酷。

佢外表唔似劇集演員o甘四正，重係o個種你冇乜o野都唔想去面對同佢接觸o既人。唔想接觸係因為個人感覺，就好似你永遠唔會想同某o的人做friend o甘。

我諗無論對方個樣係點我都會講個事實比佢聽
因為咁先真正幫到佢企返起身
當然唔係叫佢放棄
不過會同佢講現實真係咁殘酷
咁好過佢一直生存係幻想世界入面

[KIM]

一些不幸, 慘劇重現在電影或書籍上, 是希望受眾珍惜現在, 努力圖強~~~!
至於受者用咩態度去想, 就不得控制了!

[POISON]

你睇下斌仔幾慘！我們真係好幸福呀！
↑----呢個case我次次都諗..想死就俾佢死啦

[天星碼頭高達]

作者: Razgriz

我諗無論對方個樣係點我都會講個事實比佢聽
因為咁先真正幫到佢企返起身
當然唔係叫佢放棄
不過會同佢講現實真係咁殘酷
咁好過佢一直生存係幻想世界入面

幻想世界？
佢本身正正就係清楚自己o既處境，所以先求救。
唔醒、重係幻想世界入面o個班人，根本就唔會察覺自己身陷絕境。

[Einhander]

作者: 天星碼頭高達

幻想世界？
佢本身正正就係清楚自己o既處境，所以先求救。
唔醒、重係幻想世界入面o個班人，根本就唔會察覺自己身陷絕境。

咁有可能佢搵唔到人救佢
而想逃避左佢將自己困死o架嘛
比佢認清現實
等佢係現有嘅情況底下做出對佢黎講係最好嘅決定
咁先係真正幫到佢

[天星碼頭高達]

作者: POISON

你睇下斌仔幾慘！我們真係好幸福呀！
↑----呢個case我次次都諗..想死就俾佢死啦

http://www.seechuen.com/blog/?p=95

「然而，節目中斌仔說，他感激之餘，卻有不被明白的感覺。」

「我想，我們的社會是不會允許他選擇去死的。我們還得利用他來宣揚我們的「價值觀」，彰顯生命無價、人間有情，甚或令他成為「面對逆境，積極向上」的樣板，而無視其他千萬寂寂無名的人繼續受著歲月的折磨，一如斌仔「成名」前那樣。」

我都覺得斌仔其實一直都係想死，只係件事攪大左，佢唔好意思再提死。何況就算提左，大家都一定唔會俾，只會不停叫佢「珍惜生命」(o個種唔係人過的生命)。

當然，只係我覺得。

[天星碼頭高達]

作者: Razgriz

咁有可能佢搵唔到人救佢
而想逃避左佢將自己困死o架嘛
比佢認清現實
等佢係現有嘅情況底下做出對佢黎講係最好嘅決定
咁先係真正幫到佢

又或者等佢認清現實
連最後o既希望都冇埋
o甘就可以放心去自尋短見安心上路
被求救o既亦唔駛煩




其實，我覺得情況係因人而異
o係某o的情況
假如"點醒"佢幾句就會好
o甘佢根本就唔駛搵人求救
睇幾本勵志書咪得o羅

[貪食蛇]

作者: 天星碼頭高達

http://www.seechuen.com/blog/?p=95

「然而，節目中斌仔說，他感激之餘，卻有不被明白的感覺。」

「我想，我們的社會是不會允許他選擇去死的。我們還得利用他來宣揚我們的「價值觀」，彰顯生命無價、人間有情，甚或令他成為「面對逆境，積極向上」的樣板，而無視其他千萬寂寂無名的人繼續受著歲月的折磨，一如斌仔「成名」前那樣。」

我都覺得斌仔其實一直都係想死，只係件事攪大左，佢唔好意思再提死。何況就算提左，大家都一定唔會俾，只會不停叫佢「珍惜生命」(o個種唔係人過的生命)。

當然，只係我覺得。

好多時叫別人珍惜生命的,都只係d好健全ge人...
佢地只會明白但係感受唔到病患者果種痛苦...

[Einhander]

作者: 天星碼頭高達

又或者等佢認清現實
連最後o既希望都冇埋
o甘就可以放心去自尋短見安心上路
被求救o既亦唔駛煩

咁如果佢要咁諗睇怕冇人救到佢
連自己都放棄埋嘅人點救

我可能因為工作關係
見人死亡嘅機會比一般人多
係某啲情況下
我真係覺得有啲人死係好過生

學黃子華話:世界上得三種人有資格自殺
一係你自己唔想死, 但係至少有一個民族想你死
二係你死左大家有公眾假期
三係你極度極度超不幸嗰種人
咁你就有資格自殺啦

[天星碼頭高達]

如果我盡左自己最大o既努力去幫佢救佢
但結果證明，死亡依然係對佢o既問題o既最佳解決方法o既話
我唔會阻止佢走，自己亦會心安理得

相反，假如我明明有機會幫，但拒絕幫佢
只係冷言幾句
由佢陷入徹底絕望o既深淵
令佢好痛苦o甘了結自己生命
o甘o既話
我唔會講得出：「佢死對佢會更好」、「佢橫掂要死，冇人會救到佢」呢類說話

因為好多時候我地去睇不幸o既人、或者自殺o既人
其實都係企o係一個較高o既位置上
然後我地就用自己o個套標準去批判佢地：「重乜o甘唔爭氣？重乜唔好好生存落去？」
我地根本就冇諗過要明白佢地o既感受，冇諗過去解開佢地o既心結同客觀困境

[大情大性武大帝]

唔好扮感性喇！但同時又去左好商業咁諗…

有時要反問自己一個問題：咁你想點丫？

正如，你話：
「人地o既悲劇，變成左大家消磨時間o既文娛節目。」
有少少覺得：「你食Ｄ野，幾靚幾貴都好，咪又係變番屎柯番出離…」

其實你唔係好明戲劇既真義囉…
如果無左套劇，就無人識邊個係木藤亞也…
講到得益，木藤亞也既日記，出版左，由八十年代到今日仲有人記得，唔係套劇係乜野？而家本日記仲有人買，木藤家係有版稅收番先？而木藤媽媽既努力，對女兒既不離不棄，到今日亦會有人專重！或歌頌母親既偉大！請問LEE D係咪得益先？

好喇，果位日本演員澤尻，係佢好紅，係咪最大既得益者呢？如果佢唔自愛，搞衰晒個名，咁又點呢？又話Ｄ利益害左佢？又話早知唔拍喇？咁樣？

高達生，你好灰呀諗野！
你應該去讀下果Ｄ班，對待自己好Ｄ果Ｄ班，即是有半杯水，仲有半杯定得番半杯果Ｄ呢！

[奇妙Go1]

搵木滕亞也例子作比喻唔係咁適合
繪理香係演員, 但能令人感動則是靠真實既亞也對病魔精神
人氣高是相對投放大量資金,改寫劇本,雜項費用所應有的; 劇集渲染力,廣泛性大過真人所寫自傳
能令廣大群眾獲悉依個真實個案及亞也依個人物是自改編者及電視台所帶來的, 而不是單憑演員及自傳,小說之類.

人氣高只是令更多既人知道同認識而己, 對實質收入係睇該女星日後既努力, 若有回饋既都係拜佢努力所赐.

<<<完全對所有明星, 偶像冇興趣的人一個

[メソウサ]

拍戲有罪架?
唔紅得?a

[怪人怪人]

呢個世界果真是商機無限

[Nicklaus]

其實用第二個角度去諗,會好好多
俾更多人知道佢地生存過,唔係幾好咩?

講真係除非好影響自己身體,如果唔係一般人都幫既
不過果個人中國人就難講d

[倪承坤]

作者: A HoManTin Work

唔好扮感性喇！但同時又去左好商業咁諗…

高達生，你好灰呀諗野！
你應該去讀下果Ｄ班，對待自己好Ｄ果Ｄ班，即是有半杯水，仲有半杯定得番半杯果Ｄ呢！

路過。

「灰」未必是壞事。既然樓主對他人生出這份惻隱之心，不妨多看書、請教社工或一些另類療法的導師，看有什麼方法將你的多愁善感，化成一股去愁行善的助力。這樣不就更好。

一味心靈雞湯硬樂觀，樂觀到自欺欺人才最可怕。正如跟強姦案的受害者說：「被強姦是好事來，你試著往好的方向想：它可以令你明白更多性知識。」空言無補，假樂觀對解決問題亳無幫助。

可悲是，所謂對自己好，原來是要去除人道的「感性」，冷然看待別人苦痛？這倒容易，袖手旁觀許多人都懂，尤其在國內，根本不必報名上課，花錢學喝水。

[倪承坤]

作者: 小メソウサ

拍戲有罪架?
唔紅得?a

人家好像已在上面表明，不是想批評任何人。

文中所提及的間接「得益者」，亦不等同「罪犯」。

雖然引例不當稍邏輯上稍有毛病，不過樓主似是因為「明知有人受苦，大家卻沒有提供實際根治之法」而感到無奈，那是慈愛的開始，是好事。希望他往後能得到合適的指引，將來就可以真正幫到人。

他/她只是隨便引了美女澤尻作例，用不著那麼敏感。

[大情大性武大帝]

作者: 倪承坤

路過。

「灰」未必是壞事。既然樓主對他人生出這份惻隱之心，不妨多看書、請教社工或一些另類療法的導師，看有什麼方法將你的多愁善感，化成一股去愁行善的助力。這樣不就更好。

一味心靈雞湯硬樂觀，樂觀到自欺欺人才最可怕。正如跟強姦案的受害者說：「被強姦是好事來，你試著往好的方向想：它可以令你明白更多性知識。」空言無補，假樂觀對解決問題亳無幫助。

可悲是，所謂對自己好，原來是要去除人道的「感性」，冷然看待別人苦痛？這倒容易，袖手旁觀許多人都懂，尤其在國內，根本不必報名上課，花錢學喝水。

都係果句…

睇你點睇…

[Shirley Sheila]

說實在的我不太明白樓主想說甚麼？

我只知道？

「人影響人」

這樣答可以嗎？

[某F]

真係有得益者咁又點?
得益個個又唔係你

呢個世界有大把好慘而人地又唔知既人

諗咁多呢d野不如做d實際有意義既野仲好