1
2 3 4
昏迷童子Sleepy 11:32 PM 02-13-23
今屆相對低調左......
始終係延左近半年......
不過正因為咁又冇變左做慣例性年番唔知係好定唔好......
花姐今次冇落場?......
咁邊個做毒舌擔當!?......
昏迷童子Sleepy 11:13 PM 02-21-23
信邊面?......
作者: :
劉馬車大爆《全民造星V》內幕遭花姐奚落 控訴對方要求他做癲佬
撰文:張嘉敏
出版:2023-02-21 14:00
更新:2023-02-21 14:07
曾自稱「全港最高質YouTuber」的劉馬車於月前刑滿出獄,他隨即頻頻拍片更新個人YouTube頻道,並預告將參加ViuTV年度大型選秀節目《全民造星V》。《造星V》於本月初已公布了今屆94强名單,當中卻不見有劉馬車份。昨日劉馬車就於Youtube上載了一條影片,大爆他參加該節目的內幕,公開他與花姐 (黃慧君) 的對話內容,花姐在過去多年一直擔任《全民造星》系列的監製,一向獲讚眼光獨到兼事事親力親為,但花姐於今年忽然退任《全民造星V》監製一職。
劉馬車在片中表示:「我去《全民造星V》特登走到去電視台嗰度,即係自己去毛遂自薦,希望話畀機會我呀,咁但係ViuTV嗰度,阿花姐嗰啲,導演高層之類啦,就喺度笑我話『你算啦,嘩你真人幾正常㗎喎,你咁樣咁正常無意思啦,係咪呀,你如果痴線啲我哋或者都會考慮畀你 (入圍), 係咪呀?即係你上吓嚟,喂我哋電視有啲gimmick呀,即係可以吸引多啲人,如果你正正常常上嚟唱歌跳舞呀,使鬼要你咩!你又唔係靚仔,你白卡嘅,你就係一個痴線佬,你就應該做返人哋想你做嘅嘢!」劉馬車說到聲淚俱下,看來十分傷心。
他邊哭邊續說:「即係原來我想正正常常做啲嘢,係唔得㗎,人哋就係好似ViuTV呢啲,就係話想睇我痴線呀,要我痴線先有人睇呀,係咪真係好可憐好可悲呀?覺得自己要去癲,要去痴線,要去鬧人哋,要去糟質自己,要做呢啲嘢人哋先會肯畀機會我上電視。咁我依家唔想做呢啲嘢吖嘛,我想做一個正路嘅人,做返啲自己真心想做嘅嘢,但原來就係唔得,人哋想睇你癲,想你行返回頭路,最好睇你又坐監喇,又畀人打喇,死咗去咁啲人就開心。」劉馬車說到情緒崩潰,喊得極之委屈。不少網民都留言撐他,為他打氣加油,不過亦有網民指他慣了用這種技倆來搏同情,網民反應兩極。
原文網址: 劉馬車大爆《全民造星V》內幕遭花姐奚落 控訴對方要求他做癲佬 | 香港01 https://www.hk01.com/article/869485?...edium=referral
最近開始睇返《全民造星1》(2018),追到選出十強。
當年睇咗頭睇咗尾的個人表演部份,
但無乜點解中間分組賽,小組對決等…
主要覺得當時班"素人"成日用唔純正的普通話或英語,
唱到走晒音咁表演好難頂…
5年後睇返呢個節目又幾有娛樂性,
雖然當年個賽制真係怪怪地…
不過,個節目真係捧到好多新人入行做歌手、演員、主持、廣告明星,
未有MIRROR、ERROR前,實際當時捧紅咗花姐、強尼呢個情況真係估唔到,
同埋睇到5年間已經有唔少香港藝人職場「自殺」或淡出咗香港娛樂圈。
第二集已經有阿Jer同阿Mo
,
阿Mo仲要被笑似娃娃舜…
究竟阿Jer後台有幾強,第一輪已經被淘汰都可以額外加名額復活,
反而去到分組賽Out Anson Lo、阿Dee真係好意外。
https://youtu.be/jSLoaKN_dJ0
https://www.youtube.com/watch?v=6yCroTNIsPE
昏迷童子Sleepy 11:29 PM 05-08-23
Season 5下禮拜開播......
預告片已經有金句...
咩野叫"姣0既技安"......
由阿mo受重傷,到蘇師兄退出女團COLLAR,
呢段時間可以話係造星歷上最黑暗的日子,
唔知之後加入去追夢的參賽者,仲會唔會咁有拼搏精神呢?
So Ching退隊缺席COLLAR記者會 Gao祝福:讓她過平靜生活 Winka為8-1=0解畫
https://channelchk.com/%E5%8D%B3%E6%...A7%A3%E7%95%AB
足本版|So Ching退隊缺席COLLAR記者會 Winka解釋8-1=0:歸零重新出發|Channel C HK
https://youtu.be/IrS0WcnH2_E
女團COLLAR今舉行記者會,交代成員So Ching(蘇芷晴)宣佈離團一事。記者會於下午3點舉行,成員沈貞巧(Gao)、王家晴(Candy)、許軼(Day)、蘇雅琳(Ivy So)、邱彥筒(Marf)、李芯駖(Sumling)和陳泳伽(Winka)及經理人戴穎一同現身,So Ching則沒有出席。
; width:calc(100% - 2p
;">
translateY(-4p
rotate(30deg)">
;">
全民造星5丨陳詠燊太鬆手獲封一燈大師:盞燈影響一個年輕人未來
撰文:鄧穎琪
出版:2023-05-20 19:45更新:2023-05-20 19:45讚好1090001
《全民造星5》播映至今一星期,94位參賽者中已有25位出場,但竟然冇任何一人被淘汰,表現差極都入復活區。網民就指復活區就快滿座,全因每當三盞紅燈時,評判之一的陳詠燊(Sunny)都會畀藍燈當「同情分」,有網民甚至封他為「一燈大師」,他自己都有在社交平台親自解畫。
《全民造星5》播映至今一星期,94位參賽者中有25位出場,當中10入落入復活區,暫無任何人被淘汰,即使表現平平、態度不佳的參賽者,都有一盞藍燈補底,令觀眾意想不到。以往幾屆《造星》,都有不少評語Mean爆、一針見血的評審,例如余迪偉、卓韻芝等,但今屆不論是評判和導師都相對好人,導師Jay Fung首集已因為不忍心對參賽者太毒舌、不想打沉別人的夢想,難抵壓力要中途休息。
至於三位評判Edward Chan、伍詠薇(伍姑娘)、陳詠燊,評語其實十分實用中肯,Edward Chan針對唱歌技巧方面畀有用意見,其中有參賽者按他即場建議改善發聲方式,果然立即見效,即獲得一盞藍燈;而伍姑娘亦有別當年做《香港先生選舉》的評審方式,並冇戴氧氣罩、「發仔寒」,雖然都偏好靚仔,但一直很認真畀意見。
至於Sunny,上輯做評判表演獲觀眾捧上神枱,其中:「努力為你帶來的,不應該是同情,而是能力。如果你努力過後,還是未能達標,就是可能你未找對一個努力的方法,用錯了死力。」更是金句,不過今輯他就被網民封為「一燈大師」,因為即使參賽者表現平平、三盞紅燈,到最後關頭Sunny很多時候都會轉藍燈,令參賽者不至於被淘汰。
如第5集中,97號的家灝表演做戲,Sunny坦言五屆以來很難有參賽者在分半鐘內成功靠演戲打動評審,所以冇撳燈,但他最終還是皺著眉撳燈救人作鼓勵。選擇做戲的家灝,Sunny睇表演時皺晒眉,又猛寫筆記,網民原先以為家灝成為「First Blood」遭淘汰。最終Sunny含淚撳燈。
還有另一位態度備受批評的21號瑞銘,雖然得個樣靚仔,但Sunny見冇人撳燈,最終又落手撳燈,網民對其表現皆說:「安慰燈呀」、「又係大慈善家」、「Sunny真係嚟做救濟網」、「不如長著盞燈啦Sunny」和「一燈大師嫌棄樣去撳燈」,更指再這樣下去復活區就快唔夠位坐。對於態度麻麻的瑞銘,陳詠燊的評語時:「聲底幾好,幾有台型,一盞燈都合理吖。」原本只是想將他送入復活區。(電視截圖)點知伍姑娘突然送一盞「靚仔燈」,令瑞銘離奇入60強,Sunny睇到眼都突,網民指他應該心諗:「早知唔畀」。(電視截圖)
Sunny日前其實都有在社交平台回應「一燈大師」的稱號,他指:「其實我哋又點會唔識製造娛樂性?評語再Mean啲,啲結果再極端啲,踢人出局踢得狠啲,大家睇得再咬牙切齒啲,當然一定會”Good Show”!但係我哋三個都知道,每一盞燈都代表著一個機會,同時亦影響著一位年輕人嘅未來,所以我哋都只係本著一份精神——把機會留給應得嘅人。雖然佢係一個TV Show,但做Show事小,造星事大。」
他又很感謝兩位拍檔,雖然做評審時才第一次跟兩人見面,但意外地互相補位,合作愉快,最後又祝願「每一位值得的,都得到他值得的。」伍姑娘都留言表示評判團很用心選出60強,自己在過程中也學到很多。網民皆留言指他的評語有養分、對參賽者應該很受用。
原文網址: 全民造星5丨陳詠燊太鬆手獲封一燈大師:盞燈影響一個年輕人未來 | 香港01
https://www.hk01.com/article/900128?...edium=referral
---------------------------------------------------------------------------------
咁...上幾季出親都係東邪西毒......
今季出番次南帝北丐都未算太過啫......
可能香港早幾年太多大事件發生,年輕人睇嘢都灰d咁,
今屆無咁多"開心仔"角色,反而班海外參賽者就可以很傻很天真。
Ep 4
18號18歲果d中文真係好好笑,make friend直接月講成整朋友。
Ep 5
97號果位"加拿大人",花姐:「係過咗世無飲孟婆湯的人」
咁搞落去會組咗隊海外版ERROR出嚟喎。
借個位貼下......
作者: :
Lolly Talk新歌《一把火》收起甜美風格被指似COLLAR 網民:有點遺忘初心嘅感覺
Yahoo 娛樂圈
2023年5月24日週三 下午5:52
Lolly Talk由《全民造星IV》一班參賽者組成,成員包括:黃詠霖(阿蛋)、郭曉妍(阿Yo)、陳紀澄(Tania)、曾美欣(Mei Mei)、鄭芷淇(Elka)、吳倩怡(Sinnie)、劉綺婷(Yanny)和黃敏蕎(阿妹),由於與COLLAR一樣為8人團體(So Ching未退團時) ,又係造星出身,所以一直惹來唔少比較,不過Lolly Talk走甜美風格,首支派台歌《三分甜》MV亦以校服造型示人,加上舞蹈青春甜美,與COLLAR型格路線截然不同;但周一(22日)Lolly Talk釋出第二首派台歌《一把火》MV,無論曲風定造型都被指似足COLLAR,有網民就懷疑係咪想乘機轉型食埋對方嘅市場。
Lolly Talk新歌《一把火》由雷深如J.Arie作曲,鍾說和甄敏延作詞,採用型格曲風,節奏感更強。於MV及宣傳照中,8位成員穿著白色型格服飾,與COLLAR出席叱咤頒獎禮嘅服裝帶幾分相似,Lolly Talk又收起平日甜美笑容,擺出Cool爆表情;另外,更將粉色系團徽變成黑底白字字樣。有網民就喺討論區以「Lolly talk請左collar個形象指導?」為題出PO,表示以為係COLLAR。唔少網民都認同,表示新團徽好似中學貨仔及宣傳照設計似大陸選秀比賽,又指接受唔到Lolly Talk今次風格大轉變:「唔講以為隔籬團」、「由一開始個形象、團徽都係賣可愛路線,唔係話唔可以型下,不過型得嚟同隔離團撞成咁,有點遺忘初心既感覺」、「自掘墳墓,本身collar形象都唔掂」、「今次啲衫好大浸collar味,搞唔掂」、「都唔知點解啲女成日要行呢啲『型』嘅路線,完全突顯唔到女人嘅美態」等等。又有網民指Lolly Talk係咪想趁COLLAR變陣期間乘機搶埋佢哋嘅粉絲:「太貪心,係咪想搶COLLAR個市場?」、「明顯係想趁Collar內亂搶Collar market,不過定位唔清晰又唔係話有好多死忠粉只會令舊粉失望」、「點解要扮COLLAR?咁我睇After Class算﹗」、「直接變collar B 隊」、「LT個agent 唔該好好諗清楚條路應該要點行啦,一晚過千個好評已經反映到民意啦嘛」等等。
不過,都有網民力撐Lolly Talk:「其實8sec嗰陣都係呢d style,有乜咁大件事」、「其實轉風格都冇咩野既,但好睇最後佢地carry唔carry到首歌同隻舞,我係舊粉又覺得佢地唔需要得一種style,玩死一種style仲悶啦」、「今首歌玩下轉形象姐,個post做乜講到好似永久轉路線咁」等等。
利申...本童子係好失望果個......
明明搵到個藍海撈得掂連903冠軍歌都有支......
點解要跳番落個紅海度...仲要係EVA果隻紅海......
最錯就係連隊徽都改埋......
原本都仲可以話一次半次試下啫...
而家個個都覺得你地放棄以前果套變左隨波逐流...唉......
係有乜苦衷(例如原本個徽太似人地所以收到肥秋發律師信)就照直講啦......