|
09-20-19, 04:04 PM | #926 |
The One
紅魔鬼閃耀GAF
註冊日期: Jan 2003
文章: 75,714
|
【賽後解碼】呢個人翻生 會係曼聯鎖匙人
曼聯喺歐霸盃幾經辛苦下,1比0小勝弱旅艾斯坦拿,17歲超新星美臣格連活特賽後成為焦點人物,不過今場曼聯同樣打起咗一位球星嘅信心,佢就係巴西中場費特洛迪古斯。 費特喺今場之前,所有賽事都冇份進入大軍名單,考慮到佢轉會費高達5,200萬鎊,大部份球迷都相信費特離隊只係時間問題。不過,費特今場歐霸盃擔正表現突出,除咗助攻美臣格連活特入波之外,佢嘅控球、突破、傳送都做到「鎖匙人」嘅功架。 曼聯季初最為人詬病嘅係中場創造力不足,桑馬達已經唔係必然主力,連格嘅斤兩球迷都好清楚,所以費特如果成功翻生,以佢嘅進攻力量,將可以大大加強曼聯中場侵略性。假切費特真係爭氣走出雪櫃,麥湯米尼、費特同保羅普巴(代替連格踢攻中)會係最佳組合。
__________________
避免"殘酷一BAN"...請謹慎出POST~ 偶體內流住GAF既血 曼聯成功拿下頂級聯賽20冠軍! 流胃兄x民賤聯.無恥黨x禮義廉...... 250311.3975.12363 |
09-22-19, 08:39 PM | #927 |
The One
紅魔鬼閃耀GAF
註冊日期: Jan 2003
文章: 75,714
|
D1
Y18 M5 L2 W39 M31 M39 J21 M8 P15 R10 sub S22 R16 T38 G28 F17 T44 L14
__________________
避免"殘酷一BAN"...請謹慎出POST~ 偶體內流住GAF既血 曼聯成功拿下頂級聯賽20冠軍! 流胃兄x民賤聯.無恥黨x禮義廉...... 250311.3975.12363 此篇文章於 09-22-19 08:41 PM 被 Busconcamp 編輯。 |
09-22-19, 09:31 PM | #928 |
The One
紅魔鬼閃耀GAF
註冊日期: Jan 2003
文章: 75,714
|
前面R10被2件夾住,點攻?
Y18係咪訓緊覺? W29做晒左右兩閘既欄截...
__________________
避免"殘酷一BAN"...請謹慎出POST~ 偶體內流住GAF既血 曼聯成功拿下頂級聯賽20冠軍! 流胃兄x民賤聯.無恥黨x禮義廉...... 250311.3975.12363 |
09-22-19, 09:41 PM | #929 |
The One
紅魔鬼閃耀GAF
註冊日期: Jan 2003
文章: 75,714
|
起脚射門都唔見...
44分鐘 失球...
__________________
避免"殘酷一BAN"...請謹慎出POST~ 偶體內流住GAF既血 曼聯成功拿下頂級聯賽20冠軍! 流胃兄x民賤聯.無恥黨x禮義廉...... 250311.3975.12363 此篇文章於 09-22-19 09:43 PM 被 Busconcamp 編輯。 |
09-22-19, 10:14 PM | #930 |
The One
紅魔鬼閃耀GAF
註冊日期: Jan 2003
文章: 75,714
|
R10拉傷
L14入場 無前鋒... 不過是但喇...上半場都已經同無前鋒無分別
__________________
避免"殘酷一BAN"...請謹慎出POST~ 偶體內流住GAF既血 曼聯成功拿下頂級聯賽20冠軍! 流胃兄x民賤聯.無恥黨x禮義廉...... 250311.3975.12363 |
09-22-19, 10:24 PM | #931 |
The One
紅魔鬼閃耀GAF
註冊日期: Jan 2003
文章: 75,714
|
71分鐘
F17入替M31 N16咁樣飛鏟都唔直紅? 80分鐘 G28入替M8
__________________
避免"殘酷一BAN"...請謹慎出POST~ 偶體內流住GAF既血 曼聯成功拿下頂級聯賽20冠軍! 流胃兄x民賤聯.無恥黨x禮義廉...... 250311.3975.12363 此篇文章於 09-22-19 10:34 PM 被 Busconcamp 編輯。 |
09-22-19, 10:36 PM | #932 |
The One
紅魔鬼閃耀GAF
註冊日期: Jan 2003
文章: 75,714
|
玩完
罰球...0:2
__________________
避免"殘酷一BAN"...請謹慎出POST~ 偶體內流住GAF既血 曼聯成功拿下頂級聯賽20冠軍! 流胃兄x民賤聯.無恥黨x禮義廉...... 250311.3975.12363 |
09-25-19, 01:02 PM | #933 |
The One
紅魔鬼閃耀GAF
註冊日期: Jan 2003
文章: 75,714
|
曼聯吞韋斯咸2蛋 慘到傷埋福仔!
曼聯賠了夫人又折兵,作客韋斯咸慘吞2蛋外,仲要有主力拉舒福特受傷離場!曼聯連盃賽2連勝後,一作客又現形,面對韋斯咸毫無辨法,福仔、哈利馬古尼、桑馬達等主力勁沉。韋斯咸輕輕鬆鬆上、下半場各入1球,當中包括艾朗加斯威爾嘅罰球世界波,以2:0殺敗紅魔鬼。 曼聯近期傷兵滿營,今仗雖有丹尼爾占士復出,但保羅普巴、安東尼馬迪爾、勞基梳爾都缺陣,前線只靠拉舒福特攻堅。紅魔鬼陣容天殘地缺,作客踢得辛苦,耶莫蘭高19分鐘禁區外施冷箭,過唔到迪基亞。1分鐘後曼聯有大好機會,福仔走空於左路長驅直進殺入禁區,但竟然帶得甩甩漏漏,最終被敵衞解圍。上半場曼聯陷於被動,全靠2名新仔頂住,雲比沙卡於閘位多次剷波時間勁準,丹尼爾占士亦一貫專注搏命,39分鐘麥克盧保有機會於禁區起腳,都被呢名威爾斯國腳飛身閘走個波。但正所謂久守必失,完半場前韋斯咸打開紀錄,菲臘比安達臣禁區頂第一時間妙傳,耶莫蘭高一擸橫跟手起左腳抽入遠柱,曼聯半場落後。 換邊後曼聯即有扳平機會,安達斯彭利拿右路沉底刮出,桑馬達趕到一射以為入硬,點知柱邊出界;57分鐘彭利拿畀靚波入禁區,桑馬達再細細撥橫,麥湯文尼近門一射又被接實。正當曼聯勢頭唔錯嘅時候,2分鐘後拉舒福特於冇人掂到之下自己拉傷,紅魔鬼慘失當家前鋒,蘇斯克查用連格入替。 曼聯之後仲有機會,68分鐘開出右路角球,哈利馬古尼頭槌被閂,佢跟手一抽被門將救出;78分鐘連格近射又被敵衞閂走皮球。83分鐘曼聯失多粒,艾朗加斯威爾主射25碼罰球,左腳彎過人牆近柱入網,最終紅魔鬼輸0:2完場。
__________________
避免"殘酷一BAN"...請謹慎出POST~ 偶體內流住GAF既血 曼聯成功拿下頂級聯賽20冠軍! 流胃兄x民賤聯.無恥黨x禮義廉...... 250311.3975.12363 |
09-25-19, 01:04 PM | #934 |
The One
紅魔鬼閃耀GAF
註冊日期: Jan 2003
文章: 75,714
|
悲哀!31歲路爾斯安達臣絕望掛靴
大家仲記得曾經效力過曼聯嘅路爾斯安達臣嗎?呢位巴西中場宣布退休,佢只係31歲咋。呢位曾奪得歐洲金童獎,一度被譽為「新細哨」嘅天才球員,卻於當打年齡掛靴,實在令人唏噓。 路爾斯安達臣喺「細哨」朗拿甸奴母會甘美奧出道,2006年加盟波圖迅速打出名堂,加上佢當時一頭長髮,因而有「新細哨」之稱。 路爾斯安達臣亦係巴西捧2007年美洲國家盃嘅成員,當時只係19歲,獲曼聯傳奇領隊費格遜睇中,以當年屬於天價嘅3000萬歐元收購。 當全世界以為路爾斯安達臣將成為巴西新一代巨星時,偏偏佢喺曼聯8季日子,表現平平無奇,期間曾被外借去費倫天拿,2015年更黯然離開歐洲球壇,加盟巴甲國際體育會。 路爾斯安達臣上年重返歐洲,但只能加盟土甲球隊Adana Demirspor,雖然簽約3年,但因為太肥,僅上陣11次。據悉,路爾斯安達臣掛靴後,仍然會留隊,做其他工作,但年薪由60萬歐元,減至20萬歐元。
__________________
避免"殘酷一BAN"...請謹慎出POST~ 偶體內流住GAF既血 曼聯成功拿下頂級聯賽20冠軍! 流胃兄x民賤聯.無恥黨x禮義廉...... 250311.3975.12363 |
09-25-19, 01:06 PM | #935 |
The One
紅魔鬼閃耀GAF
註冊日期: Jan 2003
文章: 75,714
|
B計劃啟動!曼聯搵佢做蘇斯克查接班人
英超曼聯今季戰績反覆,未計佢哋今晚作客韋斯咸場波,「紅魔鬼」依家係以5戰得8分排緊第6。根據英國《每日鏡報》爆料,原來「紅魔鬼」高層已經準備好B計劃,就係一旦球隊短期內戰績唔見改善,主帥蘇斯克查就可能會被炒,而有關「蘇B」繼任人選,佢哋都有目標,就係法甲班霸巴黎聖日耳門嘅德籍主帥杜曹喇! 曼聯近排喺英超同歐霸錄得兩連勝,算係暫時終止咗頹勢,但之前佢哋頭4輪英超只拎到5分,係球隊近27年來最差聯賽開局,你話「蘇B」冇壓力都冇人信啦!報道指出,「紅魔鬼」高層已經鎖定咗杜曹做頭號目標。呢位德國籍教頭由2018年開始接掌PSG,上季就領軍稱霸法甲,但帶歐聯就冇料到。杜曹依家同PSG份約會去到2021年,如果有需要,佢哋將會毫不猶疑啟動Plan B,畀錢挖杜曹嚟救亡囉!
__________________
避免"殘酷一BAN"...請謹慎出POST~ 偶體內流住GAF既血 曼聯成功拿下頂級聯賽20冠軍! 流胃兄x民賤聯.無恥黨x禮義廉...... 250311.3975.12363 |
09-25-19, 01:09 PM | #936 |
The One
紅魔鬼閃耀GAF
註冊日期: Jan 2003
文章: 75,714
|
曼聯衰乜?寸王:瓣瓣都唔掂
英超曼聯又輸一場,今次唔使搵馮堅成,搵「寸王」摩連奴都可以,《Sky Sport》安排佢今場做現場評述,當曼聯輸緊一球嗰陣,寸王被問到曼聯欠缺啲乜?佢回答:「欠缺所有嘢。」 作為曼聯前任領隊,寸王當然知道隊波搞緊乜,佢指出:「有時球員會有疑惑,佢哋唔知點做,我認為當有足夠球員在同一區域,應該上前壓逼,安達斯彭利拿身邊有對方球員,佢冇去搶,輪到尼曼查馬迪,佢又唔去搶,對方在空檔攞波,又冇人跟。」 「耶莫蘭高引球殺入禁區,亦冇人嚐試阻檔射門。」
__________________
避免"殘酷一BAN"...請謹慎出POST~ 偶體內流住GAF既血 曼聯成功拿下頂級聯賽20冠軍! 流胃兄x民賤聯.無恥黨x禮義廉...... 250311.3975.12363 |
09-25-19, 01:10 PM | #937 |
The One
紅魔鬼閃耀GAF
註冊日期: Jan 2003
文章: 75,714
|
加利仔質疑曼聯 仲要使幾多錢?
曼聯今輪又輸波,令好多人都唔耐煩,猛問幾時先睇得番一隊似樣啲嘅紅魔鬼,為曼聯作客韋斯咸現場評述嘅名宿加利尼維利都好不滿,佢質問曼聯高層:「重建曼聯仲要使幾錢?」 加利仔指出:「大家諗吓,曼聯近年花費重建球隊使咗幾多錢,接近9億鎊,已經係天文數字,但球隊毫無重心。」 「我哋重要使幾多錢,先至令曼聯重返以前水平?3億?4億?定係5億鎊?呢班球員冇特別,唔夠水平及特點,統統未準備好。」
__________________
避免"殘酷一BAN"...請謹慎出POST~ 偶體內流住GAF既血 曼聯成功拿下頂級聯賽20冠軍! 流胃兄x民賤聯.無恥黨x禮義廉...... 250311.3975.12363 |
09-25-19, 01:12 PM | #938 |
The One
紅魔鬼閃耀GAF
註冊日期: Jan 2003
文章: 75,714
|
曼聯崩潰 蘇帥口硬:我哋本來可以贏
曼聯淨吞韋斯咸雙蛋,領隊蘇斯克查都要面對傳媒質問,聽佢講吓隊波究竟搞乜?蘇帥竟然仲口硬,賽後表示球隊本來可以贏,但最終表現令人失望。 蘇斯克查為輸波尋找解釋:「我哋本來可以贏波,可惜處理關鍵球把握唔好,反而對方有兩個精彩入波,我哋未能展現呢一點。哈利馬古尼有個好機會,但未有把握住,當你錯失機會就贏唔到波。」 半場落後1球嗰陣,蘇帥曾對球員講:「我要求球員提高傳送質量,加快比賽節奏,創造更多進攻機會,壓迫對手,球隊冇持續性及穩定性,我哋應該做得更好。」 對於開季至今成績一般,蘇帥稱:「每隊波都有高低潮,而今場咁啱係低潮一刻,同樣我哋都有機會迎接高峰,今場踢得唔好,但我哋要學會期待下周比賽。」
__________________
避免"殘酷一BAN"...請謹慎出POST~ 偶體內流住GAF既血 曼聯成功拿下頂級聯賽20冠軍! 流胃兄x民賤聯.無恥黨x禮義廉...... 250311.3975.12363 |
09-25-19, 01:13 PM | #939 |
The One
紅魔鬼閃耀GAF
註冊日期: Jan 2003
文章: 75,714
|
堅尼:都唔明點解要簽迪基亞
紅魔周日對住韋斯咸輸兩蛋,成為球壇熱論,前曼聯隊長堅尼對於自己的前隊友蘇斯克查都相當擔心,更加以「震驚」來形容,認為紅魔以現在的人腳很難爭取成績。 曼聯經過幾季失敗,蘇B執掌前曾令魔迷有點期望,但正式簽約之後,雖然買入幾位年輕球員,都好似打不出風格,堅尼接受訪問時承認今夏買入這幾位新兵都有潛質,但卻質疑他們無求勝之心。 「成隊波都無生氣,缺乏風格、缺乏質素、缺乏領軍人物、缺乏鬥心.....」他與莫連奴都質疑曼聯為何與門將迪基亞再簽肥約:「我覺得佢有好多錯漏,每次我睇佢比賽都會好擔心,其實外間都仲有好多選擇。」堅尼擔心蘇斯克查跟住的路更難行:「輸咗呢場波,壓力會愈嚟愈大。」
__________________
避免"殘酷一BAN"...請謹慎出POST~ 偶體內流住GAF既血 曼聯成功拿下頂級聯賽20冠軍! 流胃兄x民賤聯.無恥黨x禮義廉...... 250311.3975.12363 |
09-25-19, 01:15 PM | #940 |
The One
紅魔鬼閃耀GAF
註冊日期: Jan 2003
文章: 75,714
|
曼聯真正禍根!怒叫鍾斯收聲
曼聯英超又輸一場,作客韋斯咸清脆吞2蛋,過程毫無還手之力,唔只睇到球迷擰晒頭,連球員都忍唔住多多意見,搞到曼聯執行副主席艾活華特都躁埋,唔客氣叫收聲!曼聯全場冇腳好波,中堅菲爾鍾斯於觀眾席上發牢騷,艾活華特好大官威,擰轉頭直接叫佢咪再講嘢,紅魔鬼陣中氣氛堅好極有限。 曼聯連盃賽連贏2場後,諗住作客「錘仔幫」有機會3連勝,點知於傷兵眾多下完全唔夠砌,韋斯咸輕輕鬆鬆,憑耶莫蘭高於半場前左腳怒射得手,完場前更由艾朗加斯威爾左腳射個罰球世界波贏2:0,曼聯上下都睇到好冇癮。 當耶莫蘭高打開紀錄後,當地電視台畫面去到觀眾席,睇到中堅菲爾鍾斯同後備門將李爾格蘭並排而坐,鍾斯見到隊波唔對路,口噏噏講勁多嘢,從神情睇到佢係好勞氣,明顯係對班波勁唔滿意。坐喺佢前面嘅艾活華特聽到眉頭皺晒,開頭都由得佢講,但最後都忍唔住轉身怒叫鍾斯收聲,鍾斯當然勁冇癮。 曼聯開季2勝2和2負,完全打唔出勁旅水準,賽後好多球迷都於網上插爆紅魔鬼,除咗叫蘇斯克查落台外,唔少都希望艾活華特躝屍。自2012年升上高層主理轉會事宜後,尹戈爾同摩連奴都曾公開力數艾活華特係搞禍曼聯嘅黑手,話佢只係個生意人,對足球一竅不通,於轉會上做咗好多錯誤決定,嚴重影響領隊執教球隊。部份曼迷更認為,一日有艾活華特喺度,紅魔鬼都冇運行,今次佢當眾無禮斥責曼聯球員,肯定又招負皮。
__________________
避免"殘酷一BAN"...請謹慎出POST~ 偶體內流住GAF既血 曼聯成功拿下頂級聯賽20冠軍! 流胃兄x民賤聯.無恥黨x禮義廉...... 250311.3975.12363 |
09-25-19, 01:17 PM | #941 |
The One
紅魔鬼閃耀GAF
註冊日期: Jan 2003
文章: 75,714
|
【東體爭議】錯用福仔 曼聯有排衰
今夏用咗超過1.5億鎊買人,雖然絕大多數球評家,都認為曼聯未係時候挑戰曼城同利物浦,但斷估唔到紅魔鬼開季戰績、表現咁曳。曼聯踢咗6場英超,只係入咗8球,同一輪曼城1場聯賽已經入咗呢個數字。最大鑊係8球當中2球來自12碼、4球來自第1場對車路士,紅魔鬼依家根本做唔到生波,就算拉舒福特下1場就傷愈,曼聯黑暗時期有排都未過。 曼聯今夏着力改善後防,其中雲比沙卡係對辦嘅,對韋斯咸一役佢至少3次飛身剷走對方翼鋒腳下球,演出長期穩定。但哈利馬古尼雖貴為全球最高身價後衞,轉身速度慢,加上拍檔域陀連迪路夫應付高波能力嚴重不足,以馬古尼經驗、實力,好難孭得起成條防線。 但曼聯最大鑊係攻力問題。蘇斯克查今夏賣走盧卡古、借走阿歷斯山齊士,搵拉舒福特做當家前鋒,畀佢打正箭頭,希望利用佢同安東尼馬迪爾嘅速度去做成威脅。但查實蘇帥一開始已經諗錯咗,福仔的確有速度,但佢根本並非打箭頭才料,其把握力不足,絕對不足以擔起曼聯攻擊線。 對韋斯咸福仔拉傷大腿,估計起碼要抖2周,下輪英超主場對阿仙奴,馬迪爾或者可以復出,但究竟邊個幫到佢呢?靠2019年仲係零入球、零助攻嘅連格?仲喺學習階段嘅丹尼爾占士?抑或係牛奶仔格連活特?相信蘇帥都未必即時諗到答案。蘇帥最錯就係,預備畀盧卡古離隊時,應該要先買入1個具級數嘅強力前鋒,但依家一切已經太遲。
__________________
避免"殘酷一BAN"...請謹慎出POST~ 偶體內流住GAF既血 曼聯成功拿下頂級聯賽20冠軍! 流胃兄x民賤聯.無恥黨x禮義廉...... 250311.3975.12363 |
09-25-19, 01:18 PM | #942 |
The One
紅魔鬼閃耀GAF
註冊日期: Jan 2003
文章: 75,714
|
曼聯搶熱刺雙星 唔知又使幾多錢
曼聯近況飄忽,球隊又進入動蕩時代,陷入買人換人再買人嘅惡性循環,學加利仔話齋唔知仲要使幾多錢。英國《每日星報》報道,會方重啟收購方案,希望透過收購球員改善成績,而今次目標係熱刺雙星,艾歷迪亞同盧卡斯莫拉。 上述兩位熱刺球員都有一定質素,盧卡斯莫拉喺熱刺並非常規正選,但每每獲派上陣都有表現,特別係踢歐聯就好醒神,至於艾歷迪亞暫時就坐冷板,如果曼聯想要,熱刺隨時放人都唔奇。 不過曼聯向來係轉會市場水魚,一個普通球員都要畀人抬價,普遍叫價5、6000萬鎊,咪以為向熱刺打包買兩個球員就有優惠,分分鐘要加錢添呀!
__________________
避免"殘酷一BAN"...請謹慎出POST~ 偶體內流住GAF既血 曼聯成功拿下頂級聯賽20冠軍! 流胃兄x民賤聯.無恥黨x禮義廉...... 250311.3975.12363 |
09-25-19, 01:20 PM | #943 |
The One
紅魔鬼閃耀GAF
註冊日期: Jan 2003
文章: 75,714
|
普巴復出踢英聯盃 為爆廠做定熱身
曼聯將於周四(26日)凌晨英聯盃第3圈,主場對英甲球隊羅奇代爾,紅魔鬼領隊蘇斯克查透露,中場球星保羅普巴可以復出,應該會後備上陣,皆因希望佢透過今場波「熱一熱身」,準備迎戰下周二(10月1日)凌晨英超主場對阿仙奴。 蘇斯克查話:「普巴情況冇問題,應該會喺對羅奇代爾嘅比賽,披甲踢一陣,佢一定可以上陣對阿仙奴。」保羅普巴喺8月31日英超對修咸頓,勇戰受傷後一直缺陣,期間曼聯喺英超以1:0擊敗李斯特城,喺歐霸盃亦以1:0小勝艾斯坦拿,但上場英超0:2不敵韋斯咸。 由於曼聯前鋒拉舒福特上場受傷,令中場前人腳更加緊張,保羅普巴可以復出,都算係一場及時雨。
__________________
避免"殘酷一BAN"...請謹慎出POST~ 偶體內流住GAF既血 曼聯成功拿下頂級聯賽20冠軍! 流胃兄x民賤聯.無恥黨x禮義廉...... 250311.3975.12363 |
09-25-19, 01:21 PM | #944 |
The One
紅魔鬼閃耀GAF
註冊日期: Jan 2003
文章: 75,714
|
曼聯球探入場揀卒 簽硬新派路
將於周三(25日)凌晨舉行嘅意甲,布雷西亞主場對祖雲達斯,吸引曼聯注意,根據英國《每日郵報》爆料,曼聯球探將會入場睇今場「大戰」,但觀察目標並非祖記球員,而係布雷西亞中場辛度東拿利。 呢位19歲意大利新星係幫布雷西亞升上意甲嘅主將,佢上年11月更加獲意大利國家隊主帥文仙尼徵召,同大國腳一齊集訓。辛度東拿利無論踢法或者外型,都同意大利名宿派路非常相似,因而有「新派路」之稱。 曼聯中場缺乏1位創造型球員,搞到攻力不濟,所以計劃明年1月簽辛度東拿利救亡。不過,祖雲達斯、多蒙特都睇中辛度東拿利,曼聯想簽入呢位中場大腦都唔易。
__________________
避免"殘酷一BAN"...請謹慎出POST~ 偶體內流住GAF既血 曼聯成功拿下頂級聯賽20冠軍! 流胃兄x民賤聯.無恥黨x禮義廉...... 250311.3975.12363 |
09-25-19, 01:22 PM | #945 |
The One
紅魔鬼閃耀GAF
註冊日期: Jan 2003
文章: 75,714
|
加利佬:擺七小福落依家曼聯都死
阿倫漢臣曾表示,曼聯並不能用年輕球員去贏取冠軍,但於92年費格遜用七小福去稱霸英超,不少人都認為,七小福己證明阿倫漢臣是錯。但加利尼維利卻意外地贊成他的話:「阿倫漢臣沒有錯,只用年輕球員根本贏不了任何冠軍。我們當年身邊有簡東拿、舒米高、堅尼、布魯士、巴里斯達、麥佳亞,他們才是捧盃關鍵。」 「堅尼是最有感染力的隊長,簡東拿是世界級,舒米高更是當時世界最佳,艾雲亦非常出色。他們帶領年輕的七小福前進。如果將年輕七小福放進現時的曼聯中,亦沒法有任何作為。球會近7、8年用上9億鎊買人,已經化為烏有,未來球會要多買5、6個世界級球員,才有資格再挑戰冠軍。」(goal.com)
__________________
避免"殘酷一BAN"...請謹慎出POST~ 偶體內流住GAF既血 曼聯成功拿下頂級聯賽20冠軍! 流胃兄x民賤聯.無恥黨x禮義廉...... 250311.3975.12363 |
09-25-19, 01:24 PM | #946 |
The One
紅魔鬼閃耀GAF
註冊日期: Jan 2003
文章: 75,714
|
摩連奴:我抵被炒
曼聯今季在蘇斯克查領軍下表現平平,前主帥摩連奴在評價舊主時直認自己去年成績不佳確實「抵炒」,惟當下並無幸災樂禍之心。 曼聯今季在攻守方面表現都備受批評,前主帥摩連奴亦直指球隊實力不在去季之上:「曼聯目前大大落後了。我帶領了曼聯3季,當中有不少正面的東西,而第3季時明顯就是不夠好。我被炒了而這亦是個合理的決定,因為我應為差勁的成績負責,但殘忍的事實是他們當下不比過去好。」 摩帥又強調自己雖然被炒,但當下並沒有幸災樂禍之心,「看到曼聯目前的狀況,對我來說這是難過的事。大家者認為我很享受這種情況,但事實並非如此。」(Goal.com)
__________________
避免"殘酷一BAN"...請謹慎出POST~ 偶體內流住GAF既血 曼聯成功拿下頂級聯賽20冠軍! 流胃兄x民賤聯.無恥黨x禮義廉...... 250311.3975.12363 |
09-25-19, 01:30 PM | #947 |
The One
紅魔鬼閃耀GAF
註冊日期: Jan 2003
文章: 75,714
|
曼聯球星勢續約 魔迷怒哮:踢英冠啦!
曼聯全球球迷眾多,魔迷出晒名要求高,關於球員續約問題更非常關心,因為紅魔鬼一向出手闊綽,周時見到愛隊做水魚被撳住搶,都會覺得非常唔抵。近日有傳曼聯即將開新約畀保羅普巴、格連活特同連格,魔迷即時表態,話連格表現長期低迷,於陣中可有可無,根本唔應該同佢續約,仲話如果連格唔係出身青訓,以佢實力依家只能踢英冠! 連格身為曼聯正選進攻中場,但一向於進攻方面貢獻極細,踏入2019年到依家9月,連格竟然零入球、零助攻,其低迷表現一直受到批評。另外佢喺社交網極度活躍,今夏就畀人話佢帶壞拉舒福特,而且又開設個人品牌,仲有傳佢希望得到曼聯件極具代表性嘅7號波衫,畀人插到阿媽都唔認得。 連格份約到2021年屆滿,唔少球迷都希望愛隊引刀成一快將佢賣走,而唔係加人工同佢續約:「佢27歲都踢到咁,去英冠就差唔多」、「如果佢唔係青訓球員,只能去英冠搵食」、「都唔明點解佢做到正選,老實講喺後備席起碼有3、4個球員好過佢」、「佢咁嘅表現都有得續約,畀約佢嘅個腦明顯有問題」、「不如話我聽佢續約只係講笑,因為佢本身就係1個笑話」。
__________________
避免"殘酷一BAN"...請謹慎出POST~ 偶體內流住GAF既血 曼聯成功拿下頂級聯賽20冠軍! 流胃兄x民賤聯.無恥黨x禮義廉...... 250311.3975.12363 |
09-25-19, 01:32 PM | #948 |
The One
紅魔鬼閃耀GAF
註冊日期: Jan 2003
文章: 75,714
|
【東體爭議】曼聯積弱係球員錯 唔係蘇B
曼聯今季表現仍然未如理想,領隊蘇斯克查被列為「下一位被炒領隊」熱門人選。不過,紅魔鬼名宿加利尼維利就力撐呢位前隊友,更加話即使「冠軍級名帥」高普都要執教利物浦4年,先至幫球隊捧盃,應該再畀蘇斯克查兩季時間。 加利尼維利話:「應該再畀蘇斯克查更多時間,包括明年1月同明夏,兩個轉會窗買賣球員,清走更衣室嘅"垃圾"。好似高普教咗利物浦12個月後,情況先至有改善,4年後先至捧到盃,現時曼聯係一支年輕球隊,我認為應該畀蘇斯克查再教多兩季,先至再評論佢。」 其實唔止高普,就算曼聯傳奇主帥費格遜都要執教紅魔鬼4年,先至贏到第1個冠軍,捧英足盃,更加用咗6年時間,先至奪得聯賽冠軍。蘇斯克查教咗曼聯都未夠1年,又真係唔需要太快為佢功過下定論。
__________________
避免"殘酷一BAN"...請謹慎出POST~ 偶體內流住GAF既血 曼聯成功拿下頂級聯賽20冠軍! 流胃兄x民賤聯.無恥黨x禮義廉...... 250311.3975.12363 |
09-25-19, 01:33 PM | #949 |
The One
紅魔鬼閃耀GAF
註冊日期: Jan 2003
文章: 75,714
|
老竇開綠燈:夏蘭特唔使搵曼聯報仇!
挪威超級新星夏蘭特,日前喺歐聯處子戰即上演帽子戲法,超卓表現立即成為球壇搶手貨,其中英超勁旅曼聯就對佢虎視眈眈,尤其曼聯領隊蘇斯克查係佢「恩師」,當年執教莫迪一手提拔呢位年輕小將。不過,夏蘭特嘅爸爸喺球員時代,正正就係畀曼聯名宿堅尼間接踢到收山,唔少球迷都擔心呢段「血海父仇」會令夏蘭特拒絕曼聯。 曾經效力列斯聯、曼城嘅老夏蘭特,日前接受挪威電視台《TV2》訪問,公開表示樂意見到囝囝着起曼聯波衫:「呢件(夏蘭特加盟曼聯)會係一件美事!作為球迷我唔會支持曼聯,但作為工作就要嚴肅看待,大部份球員都會以踢英超為夢想,英超係最受注目嘅賽事,質素亦非常之高,夏蘭特毫無疑問會覺得吸引。」 事實上,蘇斯克查喺歐霸賽前亦有談論愛徒夏蘭特:「尋日睇佢比賽好精彩,但我更加專注曼聯嘅比賽,所有挪威人都會對佢嘅表現感到興奮。」
__________________
避免"殘酷一BAN"...請謹慎出POST~ 偶體內流住GAF既血 曼聯成功拿下頂級聯賽20冠軍! 流胃兄x民賤聯.無恥黨x禮義廉...... 250311.3975.12363 |
09-25-19, 01:35 PM | #950 |
The One
紅魔鬼閃耀GAF
註冊日期: Jan 2003
文章: 75,714
|
續約留超新星 曼聯加薪31倍唔畀佢走
曼聯17歲超新星格連活特日前喺歐霸盃攻入佢喺「紅魔鬼」生涯首個正式比賽入波,技驚四座,大獲好評。對於呢位新人王射手未來,身為曼聯主帥蘇斯克查梗係想佢留得幾耐得幾耐,根據英國《標準晚報》報道,原來「紅魔鬼」已經向佢開出一入加薪達31.25倍、達到25,000鎊周薪嘅新約,誓要將佢綁住長留奧脫福。 格連活特日前以17歲353日成為曼聯史上最年輕歐洲賽入球者,而事實上,「紅魔鬼」舊年10月先同呢位新星簽咗首份職業球員合約,但據聞當時同薪只得800鎊。不過,經過今季季前賽事嘅大爆發,以及剛戰歐霸入波嘅肯定,家陣「紅魔鬼」就決定為呢位已經跳級代表英格蘭U21嘅新晉射手,提供高薪合約,等佢可以安心留喺奧脫福打造美好將來,又唔使驚畀其他大球會撬走佢囉!
__________________
避免"殘酷一BAN"...請謹慎出POST~ 偶體內流住GAF既血 曼聯成功拿下頂級聯賽20冠軍! 流胃兄x民賤聯.無恥黨x禮義廉...... 250311.3975.12363 |
|
相似的主題 | ||||
主題 | 主題作者 | 版面 | 回覆 | 最後發表 |
曼聯躉紅魔鬼地帶[VOL.93] ~Closed~ | Busconcamp | 球會討論區 | 1003 | 05-13-19 10:53 AM |
曼聯躉紅魔鬼地帶 [VOL.89][英超聯]~CLOSED~ | Busconcamp | 球會討論區 | 1013 | 09-13-15 02:28 AM |
曼聯躉紅魔鬼地帶 [VOL.88][英超聯]***CLOSED*** | Busconcamp | 球會討論區 | 1000 | 04-19-15 12:03 AM |
曼聯躉紅魔鬼地帶 [VOL.83] ~~~CLOSED~~~ | Busconcamp | 球會討論區 | 1000 | 11-25-13 01:33 AM |
曼聯躉紅魔鬼地帶 VOL.73 ~~~CLOSED~~~ | Busconcamp | 球會討論區 | 1040 | 03-05-12 02:03 AM |