[50年得變] 駐港解放軍擅自出營「做義工」 評論員質疑違《駐軍法》

[david]

駐港解放軍上月在未獲特區政府向中央提請下，穿着軍服到郊野公園做「義工」清理災後垃圾。有熟悉內地的時事評論員及法律界人士均指出，無論今次是否屬「義工」活動，駐港解放軍明顯違反《駐軍法》，並指回歸後，駐港解放軍開放軍營及參與公益活動，建立親民形象，是企圖以溫水煮蛙手法，淡化港人對解放軍的警戒心，一旦香港特區政府23條立法惹激烈反彈，就會派解放軍清除「垃圾」，警告港人為保自由要恒常警惕。






政務司司長張建宗早前承認，今次港府並無根據《駐軍法》向中央提請要求駐港解放軍出動救災，指港府有足夠能力處理風災善後工作。前立法會議員、支聯會主席何俊仁直斥，今次事件是蔑視《基本法》及《駐軍法》規定駐港解放軍封閉式管理，「縱使係對香港有益嘅事，亦唔應該咁做，因有利於香港而違反法律」。他稱，近年北京為體現其管治權，在處理香港問題時，粗暴打擊香港司法制度，「佢都唔同你講咁多嘢，淨係話呢嗰係人大嘅決定，係最高㗎啦，唔同你講法律，係好大嘅危機，香港人一定要出聲」。




梁家傑：勾起六四陰影

另一位前立法會議員、資深大律師梁家傑指出，今次駐港解放軍「義工」活動已違反《駐軍法》，「六四陰影下，我哋對呢啲向自己嘅人民開槍，用坦克車輾過人民身軀嘅軍隊，我哋非常恐懼，所以先至有咁嚴謹嘅規定，就算當你用自己時間放假執樹，點解要着軍服出嚟？你係咪要香港人習慣咗周街都見到着住軍服嘅解放軍？」




時事評論員林和立稱，回歸後，駐港解放軍開放軍營及參與公益活動，建立親民形象，是企圖以溫水煮蛙手法，淡化港人對解放軍的警戒心，為特區政府就23條立法鋪路，一旦惹激烈反彈，中央會派解放軍鎮壓，「香港警察始終係香港人，佢哋可否落重手，出重拳鎮壓？但解放軍並非香港人，對北京有高度效忠及服從性，若必要時香港政府難以控制嘅騷動，真係有機會動用解放軍，就好似六四事件」。




林更提及2012年特首選舉期間，唐英年在競選論壇上爆出梁振英曾在行政會議上提出若香港發生暴亂，提出派遣解軍放鎮壓，「呢嗰係警鐘，如果香港人漸漸對解放軍喺香港扮演政治任務麻木，係非常危險嘅事」。




另一時事評論員程翔指出，這次解放軍出動救災是在「山竹」襲港後近一個月，質疑災情的嚴重程度不足以成為出動解放軍的理據，「將來萬一社會治安稍有失序，嚴重程度遠遠未到要出動解放軍嘅時候，以藉口維持秩序出動解放軍，咁你點辦呢？」




駐港部隊民望下降

梁家傑亦指出，「喺中共眼中，好多香港人係垃圾，例如喺六四燭光晚會，你叫結束一黨專政，你形同山竹蹂躪樹木殘枝一樣，咁今次邏輯係通，咁第二時解放軍就可以請假，着住軍服到維園燭光晚會掃除呢10萬、8萬嘅『垃圾』！」他引述剛退休的終審法院常任法官鄧國楨臨別贈言：「自由的代價是要時刻保持警覺」，經常被建制派及港府批評「為反而反」的梁強調只是講理據，並非危言聳聽，「你要保有你嘅自由，唔好成為被清除嘅垃圾，就唔可以畀佢行出第一步，我哋係有法可依」。




程翔及梁家傑又批評張建宗作為特區公務員之首，明知今次解放軍「義工」活動違反郊野公園條例，卻包庇不追究解放軍刑責，是禮崩樂壞到極點。




根據港大民研，駐港解放軍的民望有回落迹象，今年5月的最新調查顯示，受訪市民對解放軍的滿意度只有61分，是自2012年起的同類調查中，滿意度第二低，僅高於2016年5月的60.8分。

好簡單之嘛，只要突衰正苦效法割地兩儉咁，將本身自有權利主動放棄，再由支共寫落附件，搞掂！