入場睇咗《命案》,一開場見到MakerVille Logo已經聽到現場觀眾講:ViuTV?
Lokman戲入面個造型,唔知點解似印度人咁款,
佢想殺人時個樣有心寒的感覺,彈橡筋好癲~!
套戲好多風水用語,有時睇睇下要睇埋英文字幕先知佢講緊乜咁。
開場福和大廈4位主要男演員登場之後已經諗會唔會個個都係瘋癲型角色,
想逆天改命的大師、想一嘗殺人滋味的少東、雨夜出動去殺鳳姐的物理治療師,
同堅信少東係心理變態一定會犯案的老差骨。
個故事去到六合彩鳳姐遇襲為止都好正路,演員們都交到戲先,
但之後去到有好多隻衛星鑊的天台時,
好似有種睇緊ViuTV白卡劇的暴走劇情咁…
一時間唔係好消化到當中的含意,
可能日後上咗串流平台時再翻睇。
即係條路自己揀,不信什麼命運了?
"物理治療師"陳湛文堆刀具令我諗起佢
《殺手廢J》個角色,今次戲內佢又一把年紀再扮返中學生了,厲害~!
"少東"Lokman線,隻黑貓我以為係心魔類產物嚟,
但結尾個老差骨都見到佢存在咁。
戲中飾演"少東"爸爸的古天農先生 R.I.P.