1
2
小弟一向都有染髮的習慣,而且次次都漂咁濟
對上一次大約兩個月前,之後問題就來了
染完大約一個月就發現染過頭髮明顯比無染的幼左(我係做HIGHLIGHT)
之後無耐就發現一個局部地區有脫的情況
而該局部地區係做左HIGHLIGHT的部份
因為果部份我記得係當時個髮型師太重手做到落髮根位
果個局部地區位於前額自己方向的左上角位
所以我估應該係漂傷所致,真係貪靚貪出禍
我都詳細檢查過其他地方一切正常
雖然等我D頭髮長返係唔多覺,但以我所知一甩開就一直甩
所以安全起見我打算係睇醫生
想請教一下各位版友,睇政府好定私家好一D呢?
同埋民間有好多防止同捉進再生的方法又有邊D真係有效
作者: :
禿髮（脫髮）及男性禿髮 (Alopecia (Hair Loss) & Male-pattern Baldness)
★ 定義：
我們每天都會失掉一些頭髮。事實上，每天脫髮不超過100條不足為奇。然而，某些人在年輕時已大量脫髮，主要由於家族遺傳、患病，受藥物和壓力的影響，或是頭髮受損傷所致。
因此，頭髮可能普遍變薄或局部脫髮，其他毛髮如鬍鬚或眉毛亦可能局部脫落。最常見的是男性禿髮（雄性禿），佔整體脫髮約95%。女性脫髮通常較男性為遲。典型的男性禿髮是永久性的，並可能基於遺傳因素。
男性禿髮主要取決於三項因素：縮短毛髮生長周期的二氫睪酮（男性荷爾蒙）、年齡（20歲以上）及遺傳。
★ 高危人士：
受遺傳影響的人士。若您的父母或兩者均有脫髮現象，您脫髮的機會亦頗高。
年齡。不少人在50歲前已出現脫髮的現象。
部分護髮及造型方法。部分護髮或造型的方法可能損害頭髮，並導致脫髮。
面對壓力的人士。拉扯頭髮的傾向增加。
患某種疾病的人士。相關疾病可能包括頭癬（頭皮癬）、甲狀腺疾病如甲狀腺機能亢進症、甲狀腺功能不足症或狼瘡。上述疾病可能引致嚴重的感染或發高熱。
藥物及醫學治療。部分藥物或醫學治療可能導致頭皮問題及脫髮。
★ 症狀：
雄性禿是指早在青少年期已開始脫髮。
男性方面，典型的脫髮始於太陽穴及頭頂，以M字型發展。及至最後階段，只剩下兩邊及後面的頭髮。
女性方面，脫髮的範圍較廣泛，但較易於掩飾。頭頂至中部的頭髮所受的影響最為嚴重，通常有如「聖誕樹」的形狀。與男性相反，女性前額及太陽穴的髮線通常不受影響。
局部性脫髮並不常見，可能是其他原因引致，如感染或皮膚病。
★ 脫髮者的護髮要點
注意日常護理對改善脫髮情況起著積極的作用。以下是一些生活需留意的要點。
頭皮若每天用洗髮劑加上熱水清洗，會破壞頭部皮膚外層的脂肪保護膜，令頭髮更容易掉落。但若經常不洗髮，則頭皮及污垢過多，阻塞毛孔，所以最好隔天清洗一次。
睡眠不足會令頭皮油脂分泌量增加，增加頭髮機會外，更可能影響正常新陳代謝作用及血液循環，阻礙毛囊吸收營養，增加脫髮機會。所以應盡量有足夠休息。
在烈日下暴曬，頭皮下的膠原蛋白質會斷裂，而且強烈陽光會令皮膚變得脆弱，影響髮根承托力；另外雨水與空氣中的污染物混和而呈酸性，當雨水落在頭皮時，若不即時清洗，便容易損害頭部皮膚，所以兩種情況都匚避免。
避免用美髮用品如定髮水等，因為這些產品中可能含有損害頭皮的酒精成份，而其中的化學物質或會阻礙頭髮毛孔而引致頭髮脫落。
運動時，身體的血液循環增，對防止脫髮有積極作用。另外洗髮時用手指指腹按摩頭皮約十分鐘，增加頭部血液循環。
均衡的營養對頭髮的健康十分重要，牛奶、海帶均有助毛髮生長。刺激性食物如咖啡、巧克力、芒果等宜盡量少吃，因為這些食物會增加頭皮油脂，加快頭髮掉下的速度。
★ 禿頭的四種常見治療法
治療脫髮最重要是找出引致脫髮的原因，從日常護理、生活習慣著手，加上藥物輔助，可望令頭髮重現生機。
★ 四種常見脫髮治療法
★ 生髮藥水
經美國食物及藥物管理局(FDA)認可的生髮水有Minoxidio l，這藥物原是用於治療高血壓，卻發現此藥有助刺激頭皮毛孔的功效。實驗證實，禿頭者若每天塗藥兩次，三個月後有65%的人停止脫髮及長出新髮，而且副作用較少。惟此藥需時三至十二個月才能確知是否有效，而且禿頭範圍大或脫髮時間長(超過五年)會影響生髮效果。
★ 生髮藥丸
主要功用是減低人體裡的DHT數量（DHT是遺傳因子中令男性脫髮及禿頭的物質）的內服藥物。實驗結果顯示，病人服食生髮藥丸兩年後，約有七至八成機會治好頭頂後半部份的禿頭，但此藥也要需要半年至年半時間才知治療效果，並須要終生服用。
★ 織髮
織髮是透過禿頭者耳邊附近尚餘頭髮的地方織一條髮辮，再戴上髮網，在頭皮駁上髮辮。但此手術不適用於完全禿頭或容易有皮膚敏感的人。
★ 植髮
方法是將後腦附近的頭髮毛囊移植，而移植了的頭髮毛囊由於不受荷爾蒙影響，不會再現脫髮危機，永無後顧之憂。不過若是禿頭情況嚴重者或年青人的話，均需要每半年進行移植手術，三至四次才見成果。
阿公阿婆年代，科學沒現今這麼昌明，要是頭頂青絲無拿拿脫落，他們便會利用身邊的東西自救，拔蘭地、蒜頭、辣椒等都是他們的法寶，究竟有冇效？不試過一段日子相信也難下判斷呢！
◆生薑捽頭 半年見效 ◆
生薑有驅風、活血作用，能活躍毛孔細胞，每晚睡前用生薑片輕力搓擦脫髮處皮膚5分鐘，約半年見效。
◆冬蟲草浸米酒搽頭 3個月再長新髮◆
冬蟲草有強化機能效用，而米酒則能刺激血液循環。將100克冬蟲草加400毫升米酒，泡浸一星期後塗於脫髮處，每天早、晚一次，約3個月便能長出新髮。
◆蒜頭蘸蜜糖擦頭 抑油脂殺菌生髮◆
1 將有蒂蒜頭稍去衣切半後蘸少許蜜糖。以柔力在濕了水（以便易於推動）的脫髮處打圈揉擦約15秒至感覺熱力即停止。
2 最後以含有首烏、茶仔粉或蜂蜜等成分的洗頭水及護髮素洗頭護髮。
解構：脫髮位置若油脂溢出過多，會防礙頭髮生長，而蒜頭內有強烈的酸性及拿性，能抑制油脂分泌，然而單獨使用擦頭過多，毛囊便會受損，故需蘸上帶滋潤又具殺菌作用的蜜糖以中和蒜頭的刺激性。適合頭皮油脂分泌多的脫髮人士。
◆芝麻油焗頭 兩星期停止脫髮◆
芝麻有治療脫髮的功效，也能滋養髮絲，用清水弄濕頭髮，塗上適量芝麻油並按摩頭皮3分鐘，再用毛巾包裹20分鐘後沖洗乾淨，每星期做兩次，兩星期即見停止脫髮。
◆辣椒浸燒酒 促進毛髮再生◆
方法：將10克尖頭小辣椒切成細絲，用50克（10克為1湯匙）燒酒浸泡10天，然後濾渣取汁，用棉花蘸擦脫髮部位，能促進毛髮再生。
解構：辣椒具刺激作用，有助血液循環及刺激毛孔細胞活動，然而單獨使用易損害毛囊，故浸泡燒酒以減低其刺激性。
◆綠茶粉擦頭頭髮健康生長◆
1 . 每晚洗頭待完全乾後，用食指蘸少許綠茶粉末（顆粒比一粒芝麻更細的超微粒粉末綠茶為佳，以便粉末易於滲進頭皮，所以需稍加研壓），塗在脫髮位置。
2 . 以兩手輕輕地拍，使粉末均勻地分布頭皮上。然後再用兩手的指腹，用力按摩頭部，讓綠茶粉滲進頭皮裡。
3 . 要睡也不要洗掉或擦掉，在枕頭上鋪條毛巾直接睡覺。
解構：綠茶含咖啡因，具刺激作用，粉末滲進頭皮，促進了頭皮的血液循環，有助頭髮健康生長。
中醫師話有部分脫髮原因，是體內血氣運行欠佳所致，而利用氣功，就可調理體內血氣神經，活躍頭皮層細胞，減脫髮之餘，更可長出新髮。
1.自然站立，全身肌肉放鬆，雙手放於大腿兩旁，手指張開，保持自然呼吸，維持此姿勢5分鐘，血氣便在手指經絡中開始運行。
2. 雙掌摩擦1分鐘，將手掌放在頭顱上，由前額起用柔力向後掃至頸後髮腳，重複動作15次。
3. 微曲雙掌，將5指聚合，在整個頭顱上用柔力作敲打約2分鐘，以刺激頭皮，促進頭髮生長。
自練氣功注意點：
1.氣功宜每天持續地練，每天大約練20分鐘，最佳練習時間在早上。
2.練氣功時記得全身放鬆，保持呼吸暢順及動作自然，咁就冇咁易傷氣門。
◆穴位針灸 也可生髮◆
針灸的原理是利用金屬幼針刺在相應的穴位上，以促進新陳代謝及血液循環，從而治療脫髮情況及助長生髮。但由於較多人害怕針刺，所以不易被人接受。
◆燒艾2次即停脫髮◆
中藥壓製成棒條狀，燃點後薰於頭顱、頸椎的穴位上，藉以配合陰陽、氣節等元素，治療脫髮並長出新髮。
◆氣功加推拿促髮囊再生◆
透過氣功與推拿而刺激頭皮下神經末梢和大腦的調節神經功能，藉以紓緩神經緊張，促進腦部及皮下血液循環，令頭髮重生。
重有D乜乜物物生髮的公司又有沒幫助既呢?
http://hk.svensonhair.com/aboutus/aboutus.htm
以及有沒咩藥品可以使用呢?
我先得過廿幾歲仔,所以真係沒諗過咁中頭獎
:-)
可能就係因為咁既諗法,令我一染再染
加上飲食習慣唔好,作息唔定時,不過我以後會改= =
希望唔洗逼到我去玩植髮先救得返
:-)
我而家的收入都OK,為左外表我都好肯付出既..
所以各位版友知道有咩有效之法請提出一下
在此勸各位一句,染髮要適可而止.....
:-)
我見有d公司可以織髮(羅湖過關會見到)
試下唔好染得咁密,會唔會有改善
吾好染髮,gel 少d, 生活正常,吾好夜訓
睇下(skin)醫生先啦
奉勸一句, 果d什麼生髮水生髮藥都係呃人的
染髮太多同gel頭都好傷頭皮, 最好都係睇皮膚科醫生
美版之王-天涯浪子 11:30 AM 09-14-06
不是掃樓主興, 但很多過來人的經驗是: 冇得徹底根治的.
雖然很多人試過不少方法, 但從冇一種可以令人返老還童, 秀髮如雲, 極其量只可以令你減慢脫髮, 或長些"毛仔"出來(卻看落很不自然).
Chris B 11:36 AM 09-14-06
剪短d d頭髮會好d
mikemike 11:38 AM 09-14-06
個topic好有問題
以為講"鴨"
我問過醫生
男士脫髮無得醫的
smalltung 11:41 AM 09-14-06
jimmyogata 11:57 AM 09-14-06
你用邊隻洗髮水? 試下用rejxxce隻人參洗髮護髮素可能會有ddd幫助(情況非常輕微的話)
作者: mikemike:
個topic好有問題
以為講"鴨"
我問過醫生
男士脫髮無得醫的
脫髮唔係冇得醫, 要睇下咩原因, 只係最常見o既m字頭冇得醫
脫髮一樣可以好型o既o者
唔洗擔心
Einhander 02:27 PM 09-14-06
作者: 二伍:
脫髮一樣可以好型o既o者
唔洗擔心
Image
:-)bbbbbbbbbbbbbbbbbbbbbbbbbbbbbbb
染髮係百害而無一利, 尤其對男士.
作者: smalltung:
關於男仕脫問題:-)
咦..係po~打小左字添
:-)
作者: jimmyogata:
你用邊隻洗髮水? 試下用rejxxce隻人參洗髮護髮素可能會有ddd幫助(情況非常輕微的話)
我情況情況非常輕微,但由佢唔理就唔知了
我本身係用埋哂D乜乜2合1,不過聽人講話唔好
所以已經轉左另一隻人參,係洗頭水同護髮素分開的
作者: ELT:
脫髮唔係冇得醫, 要睇下咩原因, 只係最常見o既m字頭冇得醫
我單邊喎...咁算點姐
:-)
作者: 二伍:
脫髮一樣可以好型o既o者
唔洗擔心
你肯捨命陪君子既我即刻放手由佢唔理
:-)
西野村中一條河 08:02 PM 09-14-06
認真...打得x機太多....
作者: 西野川一河:
認真...打得x機太多....
睇返頭post...我有女朋友架la...
:-)
西野村中一條河 08:08 PM 09-14-06
作者: mudhole金剛鑽:
睇返頭post...我有女朋友架la...:-)
sorry....做x得多...
作者: 西野川一河:
sorry....做x得多...
真係有關系嗎?~一個月平均兩三次ja ma...會咁嚴重
:-)
西野村中一條河 08:19 PM 09-14-06
作者: mudhole金剛鑽:
真係有關系嗎?~一個月平均兩三次ja ma...會咁嚴重:-)
睇人定
:-)
我估架...我啊哥同表哥係
:-)
之前一個星期做二次-脫髮
後尾一個月做2次就-停左
佢地討論過黎個問題
你諗你.....
:-)
Heifetz 08:48 PM 09-14-06
脫髮是遺傳的~~
Busconcamp 11:43 PM 09-14-06
作者: 龍之子:
脫髮是遺傳的~~
脫髮有巧多種成因...
並不是"脫髮是遺傳的"就係慨括原因
由上星期開始我幫個頭脫既位影相,似乎有受控制既跡像
而且脫既地方有新既頭髮出返來,係蔬左小小
我記得一個月前我開始轉用D非2合1洗頭水
之後日日幫個頭係洗頭時做按摩,似乎有D效
我打算再將行動升級,調理一下自己身體
食多D菜食小D肉,早D訓,飲多D水同一日一杯奶
遲下買D芝麻返來食先,同埋一日做半小時帶氧運動
今日己經開始跑左半個鐘步,重唔跑唔知自己幾跑得
:-)
另外會再試下用下薑片去按摩個頭,同埋戒色
:-)
不過我明日都會去睇醫生,想順便係度問下
星期六有邊間E院有街症倫架?同埋咩時間,知既麻煩講聲
美版之王-天涯浪子 09:51 AM 09-16-06
作者: mudhole金剛鑽:
食多D菜食小D肉,早D訓,飲多D水同一日一杯奶
遲下買D芝麻返來食先,同埋一日做半小時帶氧運動
今日己經開始跑左半個鐘步,重唔跑唔知自己幾跑得:-)
另外會再試下用下薑片去按摩個頭,同埋戒色:-)
不過我明日都會去睇醫生,想順便係度問下
星期六有邊間E院有街症倫架?同埋咩時間,知既麻煩講聲
嘩, 巧健康的生活啊!
:-)
希望你有恆心keep落去.
:-)
為呢d問題輪街症? 無謂同d公公婆婆爭啦, 舊幾水去睇私家醫生啦. (之後再轉介公立醫院專科, 不過, 我成日覺得公立醫院資源應該醫大病同真正有需要的人, 醫呢d與健康無大關係的病, 好似有點那個)
