小說裡面阿地食咗右手哥兩次男女平等權後係一邊講關於幻想殺手既真實時一邊慢慢後退想逃離現場，右手哥諗住想追問落去，但條火柱就突然出現將兩人分隔咗。

動畫組諗住火柱偷襲直接燒阿地比較有型先咁改，但咁樣改法就正如你所講令之後被阿水掟石柱嗰度講唔通。

阿地冇被火柱安全逃走就容易解釋得多啦：阿水知阿地要唸嗰啲優先咒文先可以令攻擊無效，所以先下手為強，趁阿地出其不意之下快攻，唔俾阿地有任何時間唸咒文
由手機版發出

如果要唸果串咁長既咒文先work,
我會覺得阿地既實力根本唔配自稱咩神之右席, 而且很可能一早就已被人開鎗打死 (由其是接下來的第4集正正就有表達科學側不單止狙擊鎗勁,而且連防狙擊鎗都有對策)

以阿地對幻想殺手嘅熟悉，佢可以列入神之右席可能係睇中佢對呢方面知識頗有研究，會有助神之右席上位成為「超越天使的存在」，佢嘅戰鬥能力只係其次。

如果只計算神之右席成員戰鬥力嘅話：水》》》》》》》》風》》》》》》》》》》》》》地 （阿火未登場暫時未能評估）

上集都叫勉強睇得明。

今集根本就係趕時間，MEMBER同BLOCK呢兩個組織嘅登場就咁樣被cut到爛晒。

如果唔係有睇小說大綱都唔會知佢講乜。

真係情願佢唔做呢集，直接跳去一方 vs 垣根 vs 麦野呢三個 Lv 5 之間嘅惡鬥。

仲有，初春乜你唔覺得同你拖緊手仔嗰隻蘿莉有少少「面善」架咩？

今集我真係睇唔明

MEMBER: 完全唔知佢地的目的, 就被極速被秒殺 (話說係邊個將member的最後一人鎖在大樓?)
5000傭兵係咩勢力? Member請回來的?

BLOCK: 得垣根一個?

結標和海原的背景故事以前有講過?


呢套野太多登場人物和勢力, 設定又多, 本來係好事,
但可能因為cut了太多和距離上季太耐, 好易就睇到人一頭霧水

你搞錯晒啲組織名啦。

一方果個叫GROUP，專門負責執人手尾做清道夫等隱蔽工作，確保學園都市啲唔見得光嘅嘢唔會出到街。

垣根果個叫SCHOOL，職責範圍小說冇講明係乜。淨係知垣根想同理事長見面，不過在此之前佢諗住搵麥姐算帳。

麥野果個叫ITEM，負責監視學園都市嘅領導層確保佢哋唔會作反

今集登場嗰兩個叫MEMBER同BLOCK。

MEMBER係直屬理事長（不過理事長當佢哋只係可以隨時更換嘅棄卒而已），所以第一個走去白痴挑戰垣根嘅係佢哋。

不過明明一方嘅GROUP同佢哋嘅目的都係阻止作反嘅SCHOOL，但MEMBER就智障走去連一方都搞埋。唔極速被秒殺冇天理。

只得海原嘅舊魔術師女同事索綺特叫有啲睇頭，但連海原點樣救佢一命都冇講。

BLOCK同SCHOOL一樣都係今次嘅「作反派」，但兩者完全冇協調，亦唔知道原來對方都係同自己一樣係度策動造反。

BLOCK原本職責係同學園都市外嘅友好組織聯繫，所以先可以搵到成5000名僱傭兵。本來準備得最好嘅係佢哋，但不幸遇著海原搗亂。

結標登場喺二期「殘骸篇」登場，希望想藉修復「樹狀圖設計者」超級電腦嘅殘骸去

理事長而家住喺「沒有門窗的大樓」，顧名思義，層樓冇門亦冇窗，而且仲係刀槍不入。一方喺二期曾經想破壞佢但都未能成功。如果想入去同理事長見面，就必須有身為「帶路人」嘅空間轉移能力者帶路。結標以前就係呢啲「帶路人」嘅其中一個。

有次空間轉移時唔小心將對腳陷入牆壁嚴重受傷，自此有心理陰影，不能夠自行空間轉移自己肉體，只能夠轉移佢本人之外嘅人同物件。

自此之後，就開始執著於「點解能力者會存在」呢個問題，並希望靠修復「樹狀圖設計者」去幫忙答呢個問題。（個超級電腦喺第一篇就已經被暴走中嘅Index所破壞）

於是就同志同道合嘅人士去搶走殘骸。但如果「樹狀圖設計者」被修復，御坂妹妹將會再受到殺害，於是就被炮姐，黑子，右手哥同一方聯手制止（右手哥同一方都係咁啱經過，唔知道對方在場）。

事敗後，結標同伴被監禁喺收留所做人質，結標被強迫加入GROUP。

今集為咗拯救同伴，總算跨越心理障礙，輕鬆地轉移自己。不過動畫就太過輕描淡寫。

海原光貴（真名艾扎力）原本係替佢嘅古阿兹特克帝國（中美洲墨西哥一帶）魔術結社潛入學園都市監視右手哥，首次喺一期登場。不過漸漸愛上咗炮姐。獲得右手哥承諾保護炮姐嘅承諾後，決定投降加入GROUP。不過好明顯佢嘅結社對佢變節非常之唔妥。能力除咗奪取別人皮膚樣本去偽裝之外，佢把黑色刀可以將金星嘅光線反射，被反射嘅目標就會被完全破壞。

索綺特原本喺組織內為海原嘅師妹，為能夠搵機會接近海原而潛入學園都市並加入暗部組織MEMBER。為咗可以同海原較量，組織將佢身體改造，將一本可以操縱他人身體嘅魔法原典縫喺佢皮膚上，變相「合體」。

不過經過一輪戰鬥後，本魔法原典開始暴走中，海原為咗救佢，只好用唔知乜方法「說服」本原典將擁有權轉移到佢身上，成為原典嘅新主人。

索綺特另外會喺外傳超電磁炮登場，講述佢來學園都市前嘅事，甚至同佐天成為朋友。

睇完樓上解釋大慨明佢呢兩集講乜, 不過今集skip既程度好似仲嚴重過上一集....
今集最後麥野佢地返左屋企休息緊, 但上一集仲係俾人追緊架喎....
老實講除左第二季已經有登場果D人物之外, 新登場果堆人對於冇睇原作既人黎講係完全唔知做乜, 唔知乜水, 唔知目標, 下???咁就死左喇....
剩係講今集一方佢地幾個衝入去收容所果part, 每個人既戰鬥部份都好似睇烹飪節目咁, 個結果係一早已經預先整好左....結標克服陰影果下真係求奇到呢....

仲係追緊呀，你唔見垣根臨尾盤問緊被捉咗嘅芙蘭達逼佢供出麥野佢哋嘅大本營咩？

而家麥野佢地三個已經逃返去佢哋嘅大本營避風頭，殊不知垣根已經搵到上門。

就係見到芙蘭達俾佢打, 但麥野佢地就無啦啦冇事返左去

芙蘭達

無你的解說真係唔知自己睇緊乜

今次呢季....失敗

設定多,但係做到亂七八糟,好多打鬥位CUT到唔知發生咩事...

好明顯製作組知事隔成8年，動畫進度已經落後原作咁多。為咗想快啲追上新約嘅劇情，剩餘既舊約劇情就開快車草草搞掂咗佢。

原本JC Staff同角川係想直接跳去新約開始，但聽聞鎌池同三木編輯都堅持要做晒舊約先好做新約。
由手機版發出

只能夠講動畫化難度太大,又要時間軸就到,要花到足夠時間講清楚d勢力所屬同目的背景根本不可能的任務w

依家連前兩季一啲純賣角色形象嘅野都帶唔到出嚟
咁落去新約隨時都要止蝕難產啦
比起SAO，呢套更需要年番承諾

由手機版發出

呢兩集好亂, 同埋無主角(右手哥)出場真係唔想睇.

正如電磁炮連續兩三集無美琴出場的話, 叫人點睇.

講白咗就係無咗大主軸.

咁預佢黑歷史算啦 望向夏娜動畫2期

真係好少見有改編動畫係畫面無問題(製作費充裕), 但劇情係cut到睇唔明

隔離史萊姆就慢到嘔, 禁書目錄就快過頭

SAO III 現在還可以，速度適中。畫面和劇情也好

勢力關係多複雜其實唔緊要，最重要係足夠的篇幅去描寫。
今季新登場的人物都未知道邊個打邊個時，巴經有些人發了便當
現在就似大亂鬥般，我真係搞不清楚點解突然打上來。
咁多時間和資源去搞埋一方/炮姐第三季 動畫化，不如先做個正傳好過

11/10発売ニュータイプ12月号の表紙は「とある魔術の禁書目録Ⅲ」！　

無睇小說既近幾集都睇到好謎完全唔明發生咩事
好似跳左成季無睇直接睇今季咁

衰啲講句，當年唔係炮姐掂嘅電擊都未必咁快直殺落2期

正傳由2期唔主動改STAFF開始已經注定唔會做到最好
係估唔到今輯會想挑戰低點
由手機版發出

當日炮姐第一和第二季真係比禁書目錄好多

故事上/設定上其實我覺得禁書目錄係應該吸引我多d, 但唔知點解結果係我覺得炮姐係好睇好多

的確炮姐劇情演出係好睇過禁書

今季禁書仲要睇到R晒頭

黒崎真音「Gravitation」MV（ｼｮｰﾄVer.）公開！（TVアニメ『とある魔術の禁書目録Ⅲ』OP）