話說尋晚我同朋友去大埔超級城0既百佳超級巿場買野...
見到"維記朱古力奶家庭裝"$11.8 ...當時見到都覺得無可能咁抵呱...
但係盒上面又真係寫住"維記朱古力奶家庭裝"...咁我朋友就買左盒...
跟住買埋其他野就比錢走人...走0個時對一對d單...
發覺明明買左一盒家庭裝...點解會變左收2盒錢...而且每盒價錢變左$32.x...
咁我地即時就去問返收銀...收銀就話佢"do"多左一下...所以收多次錢...
而貨就話佢地放錯位...所以我地誤會左....
我地就話所有字都對0岩晒...點會搞錯...超巿收銀就話肯退錢了事...

但係呢間超巿已經唔止一次放錯位...
之前我自己係間野度買飲品....又係相同名...但係就收左第二個價...
我問番佢...佢又係話放錯位.....我就覺得有冇咁0岩...樣樣同樣0既貨品都放錯位...?
今次後我真係好覺得係有詐騙成份...

所以請大家去呢間超巿時小心一d...臨走時真係要對清晒自己買0既貨品價錢...
唔0岩就要拎起勇氣去投訴...我好覺得呢間野就係想呃d"都比左錢囉..算啦..."0既客人...

極有可能係想詐騙
唔係人人都會check 單

> "維記朱古力奶家庭裝"$11.8
正常一包係里個價

>而且每盒價錢變左$32.x...
見過有一pack 三盒朱古力奶家庭裝 賣
里個價應該係一pack 三盒果隻

你果隻係一包定三包裝黎先?
百佳做野又真係幾衰ge...
我成日都見到有d貨唔知係未果個label ge

我覺得原本0個個位係放6包細包裝0個d...
但係佢專登放左一pack三大盒0既家庭裝落去....
label係寫"朱古力家庭裝"$11.8...
就係因為對應到....所以我先覺得係詐騙...

尋日唔記得番去影底佢...

有名你叫, 間野好人有限


有時佢d 野 label 都無, 都唔知想點
有次買餅, 無label價錢
但眼見同一牌子其他款式既餅都係$21~$23
諗住果隻都係差不多價錢, 點知收錢$29
買水樽又出現同一問題
同一牌子另一款式既水樽$23
收錢時我果隻$35

所以下次無 label 既野點都唔會買

減價都係.... 好多時加左價再減比你 XD

咩野加左再減？唔係直情加左價話自己減左咩

eg:
a product 單買11.9
佢上面會大大隻寫住24 2件

係呀,我都唔會Check的

將呢件事推上報啦

偶次次都一定check單~

超市成日都係咁加左價先話減架啦.

好似買某b薯片60克(定係50克?)正價邊有可能係8個幾(8個幾係舊時110克裝價錢),買2包先減幾毫子.

最憎買幾包先話減價.

最過份係d飲品成日要買三"條"先有特價
男人就話拎到姐, 女人點拎woo...
仲要比佢set好邊幾隻味...

所以而家買飲品都係去專賣賣凍肉果d超級買, 又平d, 又唔洗一次買三幾條

我大昌買十蚊一大支個D返去用杯裝黎飲啦
3條先平而家已經冇啦
我呢邊惠康成日都有9.9貨買

買一大支唔係次次個雪櫃都有位擺麻
"買三條"果個陣應該一開波比人群起杯葛左, 我見到都走去第二度買

買3條飲品先有特價果排，我索性唔買，根本唔抵。

我試過店內價錢牌同過機時唔相同，同個收銀講，佢先收番平D個價錢。
買得少野先記得，買多幾樣野根本CHECK唔到咁多，超市又賺多左。

有時想追返又要等, 又怕阻住排緊隊d人, 所以收多左三幾蚊我就豪比佢

咁又令佢地奸計得逞

買3條個排我一次過買左6條返去飲
我入貨興一次入 當時計過13.9X2 送一條抵過平時買

果時試過35蚊3條, 星星月亮太陽出晒黎

所以次次去買野都係用手機計數．　
咁你會發現有時多左．　有時少左．．XD

其實我想.......係誤會吧
應該無全心騙你的^^||||
應該係有D人亂咁放或D職員放錯位及換牌仔時無留意已做完''恃''價
我自己都做呢行~有時根本無法避免上面D錯誤


其實超市被人騙得更多

原何被騙
等我又學下

真係唔知...
比著係你...
你見一樣野平...跟住你買好多...比完錢後拎到返屋企對單...
件貨升左2倍價錢...你會有乜反應...?
一次算係誤會...如果兩次三次都係咁呢...?
你會唔會接受佢講一句"係呀,可能搞錯左位置啦,你唔要0既話,我退返錢比你啦"..?
就咁了事...但係下次又係同一樣遭遇呢...?

(當然有d人可以話:唔鍾意咪唔好幫襯佢囉...無人叫你再幫襯架..)

註明:
我純粹對事...唔係有心反駁你....希望你唔好誤會.....

例子:
某d超巿會用d膠紙卷起d即食腸仔賣..
某d人見係咁...就係pat腸度再塞多兩條...本來可能係一pat4條...變左一pat6-8條...



註明:不要模仿,呢個係偷竊/詐騙行為...

我覺得又未必係超市存心呃你,返而係d執貨既人,成日請part time,有時d人又唔知頭唔知路見同名就亂放.所以我見到如樓主既情況都係問d資深d既執貸夠竟係唔係咁多錢.

之前買葡萄適Extra
佢標價6個幾一支
點知過機收我15蚊

之後嘈個經理, 佢meet走左係條碼位果張條碼貼紙
用返原本個條碼過機先收返6.x

百佳成日同一個位擺第二樣貨,明fake人

有次買水,見到細支既賣$2.9,反而大支7xx ml賣$2.5,同一牌子,對埋ml都無錢