香港Post過台灣都拉埋

https://hk.news.appledaily.com/break...80404/58034008

16歲仔涉出恐嚇po炸台中車站殺市長 上周五天水圍落網	13,500
建立時間 (HKT): 0404 18:17

適中字型 較大字型

一名16歲男生涉嫌干犯「有犯罪或不誠實意圖而取用電腦」被捕。

涉嫌夥同兩名台灣網友組成「國中生恐襲事件薄」群組，並用盜來的facebook賬號留言炸台中火車站及刺殺台中市長林佳龍的16歲姓袁少年，上周五(30日)在天水圍被警方拘捕。他涉嫌干犯「有犯罪或不誠實意圖而取用電腦」，經扣查後獲准保釋候查，本月下旬返警署報到，案件由網絡安全及科技罪案調查科跟進。

案中兩名分別讀中二及中三姓侯(14歲)及姓廖(15歲)學生，早前已被台灣警方依妨害電腦使用及恐嚇公危安罪移送少年法庭。
事發上月23日，台中姓許學生被舉報在fb手遊「傳說對決」群組貼文揚言要「炸掉台中火車站」，還威脅「林佳龍也死定了，我會刺殺他!」以及「攻擊市民廣場」。
警方接報到許家調查，懷疑他上網升級手機遊戲時，賬戶被網友盜用，經追查先於上月25日高雄拘捕侯姓少年，侯供稱是受到香港袁姓網友慫恿共組「國中生恐襲事件薄」，其後又於上月29日在雲林拘捕廖姓少年。台灣警方通知港警，警方調查後於上周將袁拘捕。
你敢爆，我敢獎！ 即Call《蘋果》24小時爆相爆片熱線：63836568

所以言論自由這四隻字大家都要重新思考定義

有些東西呢個時刻已經唔係幾年前可以相比了

即使你說自我審查都好.....
由手機版發出

香港之前已經有 “廸士尼”及”快閃強姦”兩單比人告
何止幾年,都已經10年有多啦。
另外台灣幾年前又出了個 “鄭捷”, 他們緊張係正常喎。
由手機版發出

咁揚言殺人的確係犯罪

之前台灣有個屁孩網上話要殺聲優攪到活動取消都好似有拉到

呢d野點知你講真定講笑
緊係拉左先啦 重要送上門
由手機版發出

而家呢個時世分分鐘隔離屋都有機會係聖戰恐怖份子 你講到放炸彈唔理你係咪吹水都一定即刻行動

言論自由咁用既咩

睇到一頭霧水，港仔咁關心台灣，乜玩法？

濫用左所謂自由同權利...

言論自由唔係咁用嘅, 特別係依家呢個咩時勢呀,
你話就話只係講下, 人地點知你係咪來真㗎?!!
有啲人成日都用言論自由呢四個大字嚟拋人,
咁佢地又知唔知乜野叫禍從口出!?

都唔少港仔當左台仔係自己人
其實好多台仔根本就唔放港仔在眼內
由手機版發出

見D台仔開口埋口都係雷包港仔就知

唔係好明
炸台灣，都係犯咗台灣法例
香港警察有乜權拉人？
情況同上次港少女係台灣俾男友殺死一樣，香港都係用盜竊罪入佢，唔可以告佢殺人

上邊條友仔係白癡，但係差佬質素都係半斤八兩

自打嘴巴，香港視台灣為中國不可缺少嘅國家領土
所以香港法例可以apply 係台灣

應該係用 “盜取他人的Facebook 賬號留言”這原因拉人
由手機版發出

而家有條萬能key....不誠實使用電腦呢條罪專sue D奇難雜症
有心o既應該全香港人無一幸免會中

同政府一路想搞又搞唔成既版權例修例一樣
要踩線太容易
變左佢平時唔執法
留番佢想郁你既時候先搬出黎既刀仔
由手機版發出

雖然條法例本身係痴_線，不過齋睇現狀條靚仔都係爭唔落…

而家全球都怕恐襲，唔知佢認真定講笑，真係抵拉喎。
(已經有好多先例，1X歲識跟網上教學整炸藥。)

乜鬼都不誠實意圖而取用電腦
如何定義為不誠實意圖而取用電腦

講左，又唔做，咪不誠實囉

如果佢做埋
告佢既一定唔係呢條罪

點解成日都有呢d笑料
不過黎真既話點會真係有預告....完全諗唔明（好型？）

水瀨果次都係嬲到震

呢d傻仔梗拉左先la, 嚇下佢又放返出黎, 做個樣俾人睇都要架麻.