究竟係玩"Video Game/ビデオゲーム/視頻遊戲" 定玩紙皮?

個紙皮只係將controller變化得豐富些, 最重要都係個Mon入面個遊戲好唔好玩.

其實第三廠都唔需要出乜配件，
只要呢隻Labo會出現如Wii fit現象級嘅銷售量，
咁佢地出game可以對應到Labo現有紙配件已經ok。

咁之前Wii/PS4可唔可以用手制變個鋼琴出嚟？

只係加個紅外線cam就做到，唔係創意係乜？

之前SONY/MS玩紅外線motion感應咁耐，有冇人諗到咁用法呢？

官方已經宣傳左3個重點
make/play/discover

例如聽講個琴要砌出黎用兩個小時,在砌既過程都係樂趣所在
完成左個琴後你可以正式去遊玩你既成品(和switch主機互動)
你更可以探索佢背後既操作原理(例如琴係利用IR CAM望入箱內
按琴鍵令反光片出現變化,IR CAM收到再在switch反映番出來)
甚至可以去創造更多玩法(pack以外的)!?另果個機械人pack個背包其實都幾複雜下

另外當中既遊戲只有一少片段公開,暫未知道耐玩性和可玩性!
遲些外國有體驗活動到時可以了解多d

第三廠用唔用重要咩?
玩家問哩個問題，係ok 嘅
如果係老任問，就自打嘴巴

由Wiiu 公佈開始到今日，老任方向都係要提高第三廠出game 量

講返我對創意嘅諗法
不斷加配件去增加玩法，哩d 根本唔係創意
望下Wii 果堆週邊，如果變成紙皮，同上邊條片咪又係一樣

難得switch 係産能不足下都有咁靚嘅成績
希望唔好再走返Wii u 個方向

創意

創意是什麼?創意是要超越界限，跳離現有框架，重新定義事物和事物之間的關係。也就是找出事物間的相關性，或是相反特質，將既有的元素打破，拆解，增刪後，重新組合，以呈現新的風貌，功能或是意圖。


創造的擴展義

創造可擴展為創新製造，在創新的基礎上製造比之前的產品更具有技術含量和更實用的產品，創造不是神話，是人類生產力的升級，是人類進步的重要推動力之一，如果把上帝造人看做是更加高級的還沒有被人類掌控的技術那麼創造文字這種產品及新詞彙的產生都被看成是人類專利技術應用到產品為人類服務的創造範圍。

BY維基

咁依家大家明白咩叫「創意」啦
啲咩講到尾都係睇GAME好唔好玩、俾錢買紙皮哩啲已經係額外話題
就出推哩件產品去講都唔叫創意的話
咁有冇人認為手提電話嘅出現甚至IPHONE都唔叫創意？
手提話電話，咪即係可以拎出街嘅屋企電話~
IPHONE咪即係手提電話+輕觸

要記住,呢個只係一個特別玩法既一個系列!
並唔係switch既全部,唔同wii咁要靠體感同周邊去維持~
你跟本唔需要擔心第3廠會否用到或什麼什麼普及甚至爆死與否
至少呢個動作係擴大左switch既觀眾接觸層面同發揮switch既可索性,任天堂佢的又創造做左一d市場上冇見過既產品出黎

諗下點用真鋼琴真魚竿嚟扮個紙盒已經夠好玩。

如果遲d出動森之森,配一個labo動森屋仔可以互動!應該可以爆賣

其實Labo就如LEGO..你係享受組合，上色設計過程，多過砌完之後呢舊周邊點用，
忽然醒起任記公布前嘅一句話，Labo係為小朋友同童心未泯嘅人而設，
如果注意力仲停留喺隻game好唔好玩，同日後第三廠點配合，
咁可以直skip labo，因為lego砌完都係擺喺度。

初頭以為唔會堅搵紙皮做掛... 點知真係...

睇黎淘X到時大把野賣...

以前嘅手制配件只係改變個制嘅形狀，但今次Labo係可以完全唔加電子零件嘅情況下加上新嘅功能，好似個琴就加咗13個琴鍵，機械人就加咗4個analog輸入。
任記係在畫面視覺外，開咗條新路，用平價嘅方去加強玩家喺真實世界嘅操作體驗。

其實係終於用個紅外線功能

但係始終要配合個software使用
就咁買個紙盒返黎玩係幾過癮
但係9成9都係PSVR之流
玩完個幾下之後又劈埋一邊

其實由公布到佢嚟緊嘅活動，都係兒童向，任記喺美國會搞Labo camp畀人試玩Labo，
都講明係親子活動，對象為6-12歲，由此可以肯定隻game好簡單，冇乜挑戰性，真係唔好有期望。

講返砌嘢嗰part，佢有啲似大人之科學嘅簡單版，
加入咗物理同科學元素，等小朋友砌嘢時又有嘢學，
如果第三廠以為用紙皮就等如有創意，然後照搵紙皮摺鼓摺槍，咁就可以收得皮。
Labo唔係新嘅遊戲周邊，重點唔係應用。
亦唔見得淘X有乜商機，因為任記都話會公開紙樣畀人自己裝合。
如果淘舊膠返嚟等如淘舊砌起咗嘅Lego返嚟，實在本末倒置。

再回應樓上有位師兄問究竟係玩video game定紙皮？
都幾肯定係後者，Variety Pack內有隻搖控甲蟲係利用HD rumble令Joy con變成甲蟲周圍走，
冇遊戲畫面，冇遊戲目的，冇過關元素，係將主體變成搖控，搖控變成主體嘅玩具。
另外鋼琴就係鋼琴，似乎都唔會有計分元素。
大家唔係再用wii fit board/ wii racket / wii wheel嗰啲心態去睇Labo...
呢舊嘢只係畀小朋友或仲有童真嘅人裝合嘅一個創意玩具而已，沒有其他。

關第三廠咩事
呢舊野唔係硬體,唔同出個VR叫人出GAME支援
第三廠照跟就完全係抄襲喎

其實n年前中裕司係Wii做過類似既野

其實連宣傳活動都係親子
就明係sell比細路/有童心既大人
細個果時大家都拎d文具紙皮砌埋一齊就玩得好開心
任天堂就係想出呢種玩具,唔係sell技術(紅外線唔係咩新技術,只係水平思考)
HD震,大家只會諗觸感,然後任天堂又水平思考,將joy con當摩打用,可以控制紙箱蟲郁

睇日本人twitter討論,大多係覺得咁比細路動手砌,可以激發細路創意
比較少人係討論到底係咪隻好玩既遊戲

都已經有人即刻諗到可以砌FPS槍添

其實唔只激發細路創意,都算比左d諗法第三廠

經過左WII同WIIU仲提第三廠

個夢發左11年都未醒

先唔理labo係唔係「遊戲」/「電視遊戲」
但老任出呢件野，一定激發左一般大眾思考

講「遊戲」/「電視遊戲」
遊戲都分好多種，睇自己鍾唔鍾意啫

段片暫時都唔多遊戲片段睇
咁點討論隻game呢?

我覺得細路反而未必有興趣
大細路反而有興趣多d
因為好有兒時玩具嘅回憶

你家陣行入反狗城都可以搵到好多兒時玩具既回憶
問題係你會唔會想玩
由手機版發出

大家會唔會有d野攪錯左
呢隻並唔係推出遊戲週邊
佢既概念係將JoyCon變為一件玩具
而唔再單純控制器
都唔再完全集中係對遊戲既支援
當然都要軟體，但主角唔係mon入面既遊戲，而係利用遊戲軟體令到紙皮作品生動有趣
佢唔需要第三廠支持，因為只係一隻獨立既遊戲作品
其實唔岩玩既真係可以無視呢隻野
而且都唔需要擔心switch既走向，任天堂只係作一個新試驗
就算失敗對佢無關痛癢的

小朋友創意無限,就算一D好簡單遊戲都玩到好開心
好似隻1,2,SWITCH,好多大人都話無聊
但我身邊D小孩就玩得好開心,結果為了招呼佢地隻GAME仲KEEP住

不過我就唔睇好香港HIT得耐
因為無時間無空間俾佢地

其實任記用呢個方向應用係專業級市場會商機同實用性無限大!
EG:自組航拍機/智能小家電等等

我諗住買機器人那set,想買黎享受下砌既樂趣+支持下任天堂今次既創意
一睇就知玩既時間唔會長,但500蚊可以買到其他公司比唔到我既樂趣,我覺得值喎
可能年紀大左,打機時間少左,寧願是玩有趣遊戲也不太想玩要長時間既game