曼聯躉紅魔鬼地帶[VOL.94]~Closed~

[Busconcamp]

多蒙特否認辛祖過紅魔：下季他必定在陣



辛祖2017年離開曼城然後在德甲發光發熱﹐有指曼聯希望將這名19歲新星帶回曼市，惟多蒙特體育總監Michael Zorc已經表明不會放人：「我不知道曼聯是否想對他出手，不過我們無意為他標價。我只能說就是當今世上最大的球會向我們要人也絕不會輕易成事。辛祖下季會留在多蒙特，而他亦是我們未來計劃中重要一員。」

不過Michael Zorc亦坦承指辛祖不會永遠是非賣品，「那當然他不會至退休都留在多蒙特，這點倒是真的。」（Goal.com）

[Busconcamp]

巴塞肯放人　呢位法國後衞可以入魔



英國《每日郵報》報道，曼聯一直想收購嘅巴塞法國國腳後衞烏姆迪迪，依家有機會簽到，原因係巴塞希望簽入阿積士新星馬菲斯迪歷特，要賣人籌集資金，出售烏姆迪迪係方案之一。

雖然烏姆迪迪嘅違約金高達5億歐元，但依家巴塞肯放人，價錢當然有商量，本來巴塞打算以呢位25歲後衞作為碧基接班人，但今季一度因左膝受傷養傷3個月，加上馬菲斯迪歷特冒起，所以巴塞諗住換人。

馬菲斯迪歷特身價8500萬鎊，巴塞要買佢就要減磅先得，因此近日向曼聯放風可以出售烏姆迪迪，畀時間曼聯考慮同斟介。

[Busconcamp]

曼聯可能買入卻奧斯



卻奧斯的合約在2022年完結，不過他有意轉會尋找新挑戰，因此有機會離開皇馬。

英國傳媒消息指，曼聯有意買入這位德國中場，準備了5000萬鎊預算，希望把他帶到奧脫福球場。（Goal.com）

[Busconcamp]

【東體爭議】翻兜無罪　迪比配着曼聯7號



周一(25日)凌晨歐國盃外圍賽將上演重頭戲，荷蘭主場對德國，「荷蘭橙」連續無緣2016年歐國盃及2018年世界盃決賽周後，終於復甦，上年歐國聯更加先後擊敗近2屆世界盃盟主德國同法國。

荷蘭再起風雲，迪比居功厥偉，呢位25歲翼鋒唔止射破德、法大門，上場歐國外更加入2球及2次助攻，猶如球王上身，難怪愈來愈多呼聲，要求曼聯簽番呢位昔日紅魔鬼7號仔。

迪比2015年夏天以2500萬鎊轉會由燕豪芬加盟曼聯，更加獲得傳奇7號球衣，一度被認為係自C朗之後，曼聯終於再搵到新「魔7」。

不過，同時亦令當年僅21歲嘅迪比背負沉重壓力，表現大失水準，首季英超上陣29次只入2球，第2季中途就被賣去法甲里昂，而且轉會費只係2200萬鎊，淪為「最屎波7號」。

離開令人煩擾嘅英國傳媒，迪比搵番踢波感覺，上季法甲入19球及13次助攻，今季法甲亦已有6球進帳及8次助攻，仲協助里昂打入歐聯16強，僅被巴塞淘汰。

迪比大熟大勇亦成為荷蘭復甦嘅主要動力，佢上場歐國外對白俄羅斯，開波50秒就入波，成為荷蘭近14年最快入球，佢梅開二度亦以25歲零36日成為自1999年古華特之後，荷蘭近20年最年輕累積入15球嘅國腳。

迪比依家無論喺法甲或國家隊，都可以媲美巴黎聖日耳門球星基利安麥巴比，所以唔少曼聯球迷都認為迪比現時先至係效力曼聯最佳時候，主帥蘇斯克查下季組軍，應該出手邀請佢回巢。

如果迪比可以喺今場歐國外協助荷蘭再次擊敗德國，蘇B就更加冇理由睇佢唔到。

[Busconcamp]

官宣！蘇斯克查坐正曼聯帥位　簽約3年



曼聯官方網站宣布，委任看守領隊蘇斯克查為正式領隊，雙方簽約3年，年薪750萬歐元。蘇斯克查領軍之下，曼聯19戰取得14勝2和3負，早已被認為可以坐正帥位。

蘇斯克查話：「由第1日返到曼聯，我感覺到好似喺自己屋企一樣，我好榮幸可以成為曼聯球員，之後再執教曼聯。過去幾個月嘅經歷非常奇妙，我要多謝教練團所有人員，以及所有球員、職員嗁幫助。我好高興可以長期帶曼聯，希望繼續為球隊取得成功，為球迷帶來興奮。」

曼聯現時正處於爭聯賽前4位嘅關鍵時期，加上打入歐聯8強，加上呢個好消息刺激，士氣育定更加高昂，周六(30)晚英超主場對屈福特，應該可做齣好戲。

[Busconcamp]

能力優先：高薪低能難留隊

獲曼聯聘用為正印領隊後，蘇斯克查態度也更謹慎，在記招義正嚴詞告誡麾下戰將，揚言任何表現未達標的球員都會被他踢走，相信他所指的，首當其衝是隊內最高薪的阿歷斯山齊士。

這位挪威籍主帥在周四記者會上指出，曼聯對上一次贏英超已是2013年，相隔太久，故警告球員必須做到最好，冀下季重奪英超錦標：「未盡全力的球員在曼聯不會待得久，我自己亦不能因為『坐正』而鬆懈。我們展望未來，就要更努力，球員們已知道我對未來的期望。」除山神外，上陣機會有限的隊長路爾斯華倫西亞、馬高斯盧祖等薪酬不低的球員，預計都難再留效。

[Busconcamp]

D1
S23
J4
S12
Y18
H21
M31
P6
M8
M11
R10

sub
R22
R16
D20
L14
F17
A15
L9

[Busconcamp]

28分鐘
S23>R10
R10...1：0

[Busconcamp]

M11黑仔
被推無12碼
禁區咁近ban波中門將

[Busconcamp]

球隊受壓
63分鐘
A15,L14入替M8,H21

[Busconcamp]

72分鐘
M11被掃低...即回身射入
2：0

[Busconcamp]

90分鐘
被組織撕破
2：1

[Busconcamp]

蘇B坐正止連敗 曼聯2：1「屈」機



【now.com體育】剛坐正的蘇斯克查在周六英超，帶領曼聯主場以2:1擊敗屈福特，終止2連敗。

曼聯前線孖寶拉舒福特（Marcus Rashford）、安東尼馬迪爾齊齊傷癒復出，跟桑馬達合組鋒線，尼曼查馬迪同樣克服傷患，於中場配合保羅普巴、安達靴里拉。屈福特雙箭頭繼續是迪尼、迪路菲奧。

屈福特在開賽初段的攻勢不錯，但未能打開紀錄後，在28分鐘失守；曼聯打反擊，左閘勞基梳爾妙傳，拉舒福特突破越位單刀，快門將賓科士打一步射入，領先1:0。4分鐘後，馬達在一次短角球攻勢以地波傳中，馬迪爾門前加一腳，賓科士打反應快用腳擋出，紅魔差點拉開比數。

曼聯在下半場仍然處於被動，防守穩健下，於72分鐘奠定勝局；後備入替的攻中連格在路傳中，馬迪爾施射被賓科士打救出，自己補中入網。雖然屈福特在完場前有中場杜哥利破蛋，但僅此而已，紅魔仍以2:1取勝。

至於哈特斯菲爾德在末段接連失守，以0:2不敵主場的水晶宮，以32戰14分確定降班，平了2008年打比郡的最快降班紀錄，餘下6輪比賽便宣告「不治」。

同時段另外3場英超，修咸頓作客以1:0險勝白禮頓；李斯特城主場以2:0輕取般尼茅夫；般尼在2分鐘就開紀錄，最終以2:0力克出征的狼隊。

[Busconcamp]

蘇B認不值贏波：像仍在放假

【now.com體育】蘇斯克查承認剛坐正曼聯領隊的首場比賽，雖然仍主場以2:1擊敗屈福特，但以表現來說，理應和局失2分。

「屈福特開局很好，我們在適應他們的節奏上吃盡苦頭。不過，我們防守出色，約20分鐘後已踢得較為舒服。以表現來說，雙方應該打和，但我們已袋走3分。」

蘇斯克查（Ole Gunnar Solskjaer）指，個別球員在國際賽後有疲態。「我們好像仍然在放假或身處國際賽期。」

至於左閘勞基梳爾今場交出助攻，讓前鋒拉舒福特單刀先開紀錄；這名英格蘭國腳也指球隊未能踢出最佳表現：「我們令今場變得困難，我們不在最佳狀態，特別下半場踢得很差，能夠贏波實在幸運。」 「我們要重整旗鼓，專注下場鬥狼隊，取得勝利。」

對於蘇斯克查終於坐正，勞基梳爾力撐這位紅魔名宿：「一眾球員都感覺良好，而且信心十足，非常信任蘇B。我們很期待跟他在未來數年合作。」

[Busconcamp]

蘇B：前4之爭煞科方休



【now.com體育】曼聯領隊蘇斯克查預言，本季英超前4之爭會鬥到球季煞科之日。

蘇斯克查在球隊上周末勝屈福特2:1後，被問到前4之爭可會鬥到最後時說：「絕對會。爭持激烈，有4支非常出色的球隊爭逐兩個席位，現在我們近乎處於主導位置，予自己一個很好的機會。」

曼聯賽後31戰得61分排第4，與少賽1場排第3的熱刺同分，而比少賽1場排第5的阿仙奴多1分。

紅魔在這場比賽憑兩名箭頭拉舒福特與安東尼馬迪爾上、下半場各建一功，以2:1打敗末段由杜哥利破蛋的屈福特，總算一洗國際賽前在聯賽及盃賽兩連敗的頹風。

蘇B在另一訪問中表示球隊經過國際賽後猶如放假，但仍對個別戰將予以讚賞：「依大家所見，保羅（保羅普巴）可以勝任進攻與防守，今天，我們有兩名射手拉舒福特及安東尼馬迪爾建功，我認為拉舒妙不可言，他給予球隊其他球員欠缺的動力。」

[Busconcamp]

蘇斯克查打造心目中紅魔 「以普巴、拉舒福特為核心」


日前「坐正」成為曼聯領隊的蘇斯克查表示，他對打造心目中全新面貌的紅魔鬼已有腹稿，就是要「以保羅普巴、拉舒福特為核心」。

蘇斯克查甫正式成為曼聯領隊後已經急不及待表示，帶領球隊自2013年後再奪英超冠軍是自己的責任，這位挪威籍主帥亦強調球隊今夏在轉會市場必定有所動作，除有新兵加盟外，亦預告會有球員離隊。不過，蘇斯克查明確表示，離隊的球員當中，肯定不包括中場保羅普巴，以及前鋒拉舒福特。

蘇斯克查說：「他倆對球隊的未來很重要，我們的目標是要實現從前已經做到的，這是曼聯的期望。我們當然希望能夠打造一支能夠和球會歷史匹配的強隊，我們有很多可以當作建造球隊的核心。」

現年46歲的蘇斯克查續道：「曼聯是有錢的球會，那些錢會以一個合理的方式花掉。認識我的人都知道我會善用這筆錢，我們的球會有一個計劃，他們在我上任前已經在觀察球員，我們不會為花錢的緣故而花錢。」

[Busconcamp]

23年來第一次 紅魔四將單季英超入十球




曼聯周六在英超主場贏屈福特2:1雖然有欠說服力，但紅魔鬼全取三分後仍然升上聯賽榜的第四位。主隊今仗靠拉舒福特和安東尼馬迪爾的入球贏波，兩人今仗士哥後，季內俱取得十個英超入球，連同前鋒盧卡古和中場保羅普巴在內，曼聯今季共有四位球員在英超取得十個或以上的入球。

根據《Opta》的數據，今次是紅魔鬼自1995/96球季以來，首次在同一個球季有四名球員在英超取得十個或以上的入球，當年的四位球員分別是史高斯、安廸高爾、傑斯，以及簡東拿；曼聯當季贏得英超和英格蘭足總盃冠軍。

[Busconcamp]

坐正唔同晒！蘇斯克查講爭標大計

曼聯英超主場對屈福特，亦係蘇斯克查成為正式領隊之後嘅第一擊，「蘇B」依家名正言順講嘢，都特別有信心，賽前更加豪言要為紅魔鬼重奪英超冠軍。

蘇斯克查話：「我絕對希望再為曼聯捧英超獎盃，呢個係我哋所期待嘅事，亦係我哋嘅習慣。當然唔可以一夜之間發生，但亦唔可以等太耐，我知道可以奪冠，但需要逐步實現。」

曼聯對上一次捧英超冠軍已經係2012/13年球季，當時仍然係費格遜執教。蘇斯克查透露，坐正曼聯帥位之後，費Sir第一時間打電話畀佢，雙方密斟咗好耐。有恩師力撐，「蘇B」梗係信心十足啦。

不過，曼聯現時落後榜首利物浦18分，要重奪聯賽冠軍，最快都要等下季啦。

[Busconcamp]

傳靴里拉已簽約入「門」



【now.com體育】英國傳媒廣泛報道，曼聯中場安達靴里拉決定不續約，更已跟巴黎聖日耳門達成加盟協議。

安達靴里拉（Ander Herrera）跟曼聯的合約在今夏便完結。根據英國《鏡報》報道，這名西班牙國腳現時周薪為13萬鎊，希望加薪至20萬鎊，但曼聯只願意開出17萬鎊。

由於雙方未能夠就續約一事達成共識，而且巴黎聖日耳門出手介入，29歲的靴里拉決定離開紅魔，更已經跟PSG簽下合約，在下季登陸法甲。

靴里拉在2014年從畢爾包加盟曼聯，曾為球隊贏得英足盃、英聯盃、歐霸盃冠軍，更於2016/17球季獲選為紅魔年度最佳球員。

領隊蘇斯克查早前大讚他表現出色：「我希望球會跟他可以達成協議。自從我上任後，他踢得非常好。我們下季需要很強的陣容，希望擁有最佳的球員。」

[Busconcamp]

暗藏殺機　有件事令蘇B瞓唔着

蘇斯克查今晚(30日)英超將首次以曼聯正式領隊帶兵出戰，佢坐正之後，意味需要肩負更大責任，並要為球隊作更長遠打算，以下係「蘇B」7大任務，幫助曼聯王者再臨。

1.爭入英超前4位參加下屆歐聯

曼聯現時排第5位，落後第4位阿仙奴2分，落後第3位熱刺3分，要爭入前4位，睇落仍有相當大機會，但英超競爭激烈，即使只差1分，都可能係世上最遙遠嘅距離。

2.歐聯8強淘汰巴塞隆拿

蘇斯克查喺歐聯16強率領曼聯大逆轉踢走巴黎聖日耳門，8強遇上實力更犀利嘅巴塞，當然要力爭再晉一級，如果「蘇B」可以再次創造奇迹，咁世間再冇事情可以難到佢。

3.留住副手費蘭

蘇斯克查執教曼聯可以順風順水，好大程度上多得費格遜前助教費蘭回巢幫手，呢位教練團2號人物盡得費Sir真傳，有佢相助，等於得到「曼聯說明書」。

4.勸服迪基亞等主力續約

曼聯有幾位主力嘅合約就快屆滿，當中以能否同門將迪基亞、前鋒拉舒福特續約，最為關鍵，只要留住佢哋，曼聯就可以打穩基礎，再上一層樓。

5.增兵堵塞最弱一環

曼聯最弱位置必定係中堅，可惜前主帥摩連奴一直都買唔到合適中路守將，蘇斯克查如果可以簽到優質中堅，紅魔鬼前中線三線就更完美。

6.處理A山問題

蘇斯克查領軍後，保羅普巴等多位球員表現都脫胎換骨，唯獨阿歷斯山齊士仍然冇起色，佢嘅去留將影響球隊組軍策略，畢竟佢周薪高達50萬鎊，對球會資金運用有好大影響。

7.破二季魔咒
意大利名宿迪馬堤奧曾經以看守領隊身份，率領車路士奪得歐聯冠軍，但第2季坐正，成績急插水被炒。唔少輿論認為蘇斯克查可能會步佢後塵，下季先至係「蘇B」真正考驗，未來日子唔易捱。

[Busconcamp]

蝴蝶效應！拉舒福特就快續約5年



曼聯扶正蘇斯克查擔任長工領隊之後，引發「蝴蝶效應」！根據英國《每日郵報》爆料，紅魔鬼主力射手拉舒福特都願意續約，預料將會簽5年「賣身契」，加一倍人工至15萬鎊周薪。

拉舒福特嘅合約將於明年夏天屆滿，呢位21歲英格蘭國腳受到皇馬等多間大球會垂青，準備出手挖角，令紅魔鬼管理層非常緊張。不過，隨住蘇斯克查坐正，「福仔」亦願意留隊。

據悉，拉舒福特嘅經理人近日同曼聯管理層嘅會談進展非常良好，好大機會可以達成續約協議，而且「福仔」只係要求15萬鎊周薪，遠比同級數球星人工低。

拉舒福特願意「低薪」續約，皆因佢非常崇拜蘇斯克查，呢位挪威少帥領軍之下，「福仔」上陣18次入8球，踢出球員生涯最佳表現。前鋒出身嘅「蘇B」為佢提供唔少意見，令佢實力大升呢，「福仔」梗係想繼續跟蘇斯克查搵食。

蘇斯克查亦講明必須留住拉舒福特同保羅普巴，可見兩人屬於「蘇B」組軍藍圖嘅骨幹人物，拉舒福特續約應該唔成問題。

不過，有人歡喜、有人愁，桑馬達、安達靴里拉已經唔喺蘇斯克查嘅計劃之內，將會被放棄。

[Busconcamp]

坐正後首勝　蘇斯克查又有新目標

曼聯周六晚主場以2比1險勝屈福特，係領隊蘇斯克查「坐正」後首場比賽，雖然贏波但過程頗驚險，蘇B坦言賽事最後5分鐘非常緊張，球隊某段時間表現在水準以下，但最重要係贏波。由現在至季尾，蘇B為曼聯定下新目標，就係餘下7輪至少贏5場，希望以前3名完成球季。

今場勝仗係蘇斯克查上任20場中第15場勝仗，亦係佢正式宣布坐正後首捷，但球隊表現反而比未坐正時走樣，正如勞基梳爾賽後稱，曼聯今仗演出係蘇B上任以來最差一次，這位曼聯新帥都承認呢點：「特別係下半場，球隊表現在水準以下，令人無法接受，還好後防球員頂住對方攻勢，最後保住勝果全取3分。」

不過蘇B亦指球季漫長，球隊不可能每場都踢得好，總有表現走樣時，佢話：「我效力曼聯時期都遇過相同情況，唔可能每場都咁好，今仗對手屈福特的確係較佳一方，希望球員從中學習。」

曼聯贏波後暫與熱刺同得61分，但得失球較差排第4，並多踢1場，不過熱刺周日要對作客利物浦，有機會失分，蘇斯克查表示：「聯賽尚餘7輪，我嘅目標係希望球隊至少贏5場，如能達標，曼聯有機會以第3名結束球季。」

[Busconcamp]

【賽後解碼】小勝賀蘇B　曼聯贏把握力



日前宣布蘇斯克查簽長約坐正做領隊嘅曼聯，今晚喺英超主場迎戰屈福特，雖然整體表現唔及對手，但憑住拉舒福特同安東尼馬迪爾上下半場把握難得機會各建一功，最後以2比1小勝，全取3分。

曼聯上半場大部份時間處於下風，「大黃蜂」攻勢出色，可惜獨欠臨門一腳，加上曼聯門將迪基亞一貫好演出，一直保住唔輸。「紅魔鬼」去到28分鐘，仲憑住一次快速反擊，由「福仔」拉舒福特單刀射入領先。換邊後，安東尼馬迪爾喺72分鐘，趁門前混戰射入，將紀錄拉開到2比0。屈福特要到完場前1分鐘，先憑杜哥利近門得手追番球，最後曼聯險勝2比1。

今場波「紅魔鬼」雖然贏2比1，但佢哋全場8射5中，拍埋屈福特嘅20射8中，明顯差一線，但就憑住前鋒嘅高質素把握力，最後先可以攞齊3分。贏波後嘅曼聯，趁住阿仙奴要到周一先有波踢，現以31戰得61分攀上第4位，1分之差騎番住打少場嘅「兵工廠」。同時，佢哋亦都追到同打少一場嘅熱刺同分，但就因得失球不及熱刺，暫時守喺第4，但已經開始向呢支倫敦球會施壓。

[Busconcamp]

曼聯4大天王　複製23年前神迹！



曼聯周日(31號)英超主場2比1擊敗屈福特，拉舒福特同安東尼馬迪爾各建一功，2位射手今季聯賽入球數字亦順利達到雙位數字(10球)，連同保羅普巴(11球)以及首席射手盧卡古(12球)，曼聯今季同時有4個球員喺英超入10球或以上！

4個球員同時有雙位數字入球有幾難？原來曼聯對上一次有呢個「多點開花」盛世，已經要數到95/96嘅冠軍球季，足足係23年前！當年「紅魔鬼」有簡東拿(14球)、傑斯(11球)、高爾(11球)同史高斯(10球)，總入球數字係46球，不過曼聯今季仲有7輪賽事，要破呢個數字唔係問題。

[Busconcamp]

【愛回購】曼聯今夏第1簽將係呢位前紅魔

蘇斯克查坐正曼聯帥位之後，可以專心為下季組軍做準備，根據英國《太陽報》爆料，蘇B頭號目標係水晶宮翼鋒韋費特沙夏，大讚呢位26歲科特迪瓦國腳係「新C朗」。

蘇斯克查想買翼鋒多過想買中堅，之前已傳佢睇中多蒙特新星查頓辛祖，但原來佢心目中頭號目標係韋費特沙夏至真，甚至願意以7000萬鎊收購佢。

曼聯曾於2013年簽入韋費特沙夏，但佢只喺英超上陣2次，其餘大部分時間被外借去卡迪夫城同水晶宮，更於2015年以600萬鎊低價賣番畀水晶宮。

不過，蘇斯克查就非常欣賞韋費特沙夏，認為佢係自C朗之後，曼聯簽入過嘅最佳翼鋒。根據之前交易條款，如果韋費特沙夏轉會，曼聯可以收到25%轉會費，因此實際上只需要畀5250萬鎊就可以成事。水晶宮亦可以喺韋費特沙夏身上喪賺近10倍回報，當然願意放人啦。

曼聯買番韋費特沙夏，睇落蝕一大筆，但比起以前保羅普巴免費轉投祖雲達斯，再用9000萬鎊回購佢，今次只係小巫見大巫。