曼聯躉紅魔鬼地帶[VOL.94]~Closed~

[Busconcamp]

【歐聯】曼聯完成「不可能任務」晉級　缺陣眾將上載IG慶祝

曼聯在巴黎完成「不可能的任務」，首回合主場兩球失利，今仗陣容不整，但紅魔上下將士用命，憑拉舒福特完場前的12碼絕殺對手，兩回合以3：3憑作客入球優惠晉級。除了一眾在場上的球員無比興奮外，缺陣的連格﹑馬迪爾及普巴同樣萬分雀躍，他們在個人Instagram上載短片，慶祝球隊晉級。

曼聯看守主帥蘇斯克查在今仗表示，即使球隊落後兩球，加上傷兵問題及普巴停賽的影響下，只要及早取得入球，一切皆有可能。

今仗賽事正如蘇斯克查的所料，盧卡古早在開賽2分鐘先開紀錄。雖然祖安巴尼特（Juan Bernat）在12分鐘扳平，但盧卡古在上半場30分鐘把握保方撲救「彈琵琶」，門前補射再度領先。完場前達洛治起腳射中PSG球員的手臂獲得12碼，首度成為12碼劊子手的拉舒福特一射中鵠，射入他在曼聯的首個12碼入球，以3：3憑較多作客入球，力克巴黎聖日耳門晉級，完成「不可能的任務」。

歐聯史上未有一支球隊可以在主場落後兩球的情況下晉級，曼聯今仗作客以3：1擊敗巴黎聖日耳門，再創歐聯歷史。另外，今仗曼聯傷兵滿營，即使在劣勢下，蘇斯克查亦大膽起用一眾小將上場，鍾達希（Tahith Chong）及格連活特（Mason Greenwood）分別在今仗後備入替，而年僅17歲156日的格連活特，成為史上最年輕為曼聯披甲的球員。

[Busconcamp]

【歐聯】尼馬爆粗炮轟VAR「可恥」　直斥相關人員不懂足球



比賽末段，達洛治起腳省中派斯奴甘佩比的手出界，球證翻看VAR之後判12碼，曼聯由拉舒福特抽入贏3：1。

尼馬因為受傷沒有上陣，但他在社交媒體發文投訴：「歐洲足協派了4個不懂足球的人去看VAR，事實這個手球不存在。你如何在身後犯手球呢，go fuxk yourself!」（Goal.com）

[Busconcamp]

【特稿】奇迹創造者──蘇斯克查



奇迹，從來只係眷顧唔放棄嘅人。以往曼聯以打不死精神創造過唔少反勝經典，最為人津津樂道嘅，非1999年歐聯決賽莫屬，當年「紅魔鬼」大戰德甲班霸拜仁慕尼黑，開波早段已經先失一球，之後雖然奮力反撲都冇從入手，直到蘇斯克查喺81分鐘入替後即扭轉戰局，先係補時1分鐘由另一後備入替前鋒舒寧咸追平，蘇斯克查再喺補時3分鐘上演經典絕殺！

時隔20年，蘇斯克查以曼聯領隊身份再次創造奇迹，喺首回合輸0比2情況下，次回合作客最後一刻反勝3比1，憑作客入球優惠晉級8強。作為曼聯2次歐聯奇迹嘅關鍵人物，蘇斯克查賽後自豪表示：「歐聯就係咁難以預料，前一晚皇家馬德里對阿積士就係最佳例子，之前亦有皇馬對祖雲達斯、巴黎聖日耳門對巴塞隆拿，曼聯一樣有呢種(反勝)能耐！」

[Busconcamp]

聚首一堂　曼聯奇迹三巨頭一齊Yeah



曼聯奇迹反勝巴黎聖日耳門，場內充滿激情，返內更衣室仲開心，因為看守領隊蘇斯克查見到恩師費格遜，同埋「奧脫福大帝」簡東拿都嚟埋，3位傳奇人物難得企埋一齊，喺咁高興日子，當然一齊畀個Yeah。

事實上蘇斯克查賽前曾經講過，絕地反勝係曼聯傳統，佢喺1999年歐聯奪冠之路更係親歷其境，佢仲以此鼓勵球員唔好放棄，結果真係得咗喇。

[Busconcamp]

加利仔3條問題　講出全球曼迷心聲



曼聯再次經歷歐聯奇迹之夜，領隊蘇斯克查季中臨危受命接掌帥印，成績有目共睹。蘇斯克查賽後接受BeIN Sports訪問，負責採訪嘅正正就係曼聯名宿加利尼維利，加利仔一開始就連珠炮發問咗3條問題，道盡全球曼聯球迷心聲。

加利仔一開始訪問就話：「蘇斯克查，我有3條好快嘅問題畀你，你想要幾長嘅合約？你想要幾多人工？你想你個雕像放喺邊度？」蘇斯克查就謙虛回應：「呢一晚好神奇！我只係盡力做好自己工作，去到夏天再等待球會決定。」

以蘇斯克查依家嘅聲望，試問曼聯仲可以搵到邊個球迷更Buy嘅領隊人選呢？

[Busconcamp]

蘇斯克查坐正已定3.18吉日登基？



曼聯喺歐聯神奇擊倒巴黎聖日耳門，見證住「紅魔鬼」大反彈，自從蘇斯克查上任後，曼聯各項賽事入面17場波贏足14場，打和2場而只輸1場，作客比賽更加係9戰全勝，相比起季初摩連奴執教嘅死起沉沉，更加凸顯蘇斯克查嘅領軍能力。

就算喺「歐聯奇迹」發生前，大部份球員、球迷都認為蘇斯克查就係「理想人選」，經歷埋呢戲劇性一戰，入球功臣盧卡古賽後亦表示：「全部球員想佢(蘇斯克查)留低，佢自己亦想留低，我好肯定佢會繼續執教。」

照目前形勢，曼聯根本冇任何其他更好選擇，名宿加利尼維利更信心爆棚，直頭講埋蘇斯克查正式坐正嘅日期：「曼聯將會開正式合約畀蘇斯克查，但唔會係今個星期，因為球隊嚟緊要大戰阿仙奴，所以唔想球員分心，之後國際賽期嘅第1個星期一(3月18號)就係最佳時間，球員會暫時離開，蘇斯克查亦有兩個星期時間準備。」

[Busconcamp]

【賽後解碼】盧卡古x拉舒福特　Perfect Match



曼聯喺歐聯絕地反勝巴黎聖日耳門，入球功臣盧卡古同拉舒福特贏盡掌聲，呢兩位射手近2場超合拍嘅表現，亦成為「紅魔鬼」未來發展嘅一大指標。由紙上談兵嘅角度去睇，盧卡古身材高大、體能卓越、制空力強，配上靈活多變、走位一流、速度極高嘅拉舒福特，絕對係攻擊線上嘅Perfect Match！

蘇斯克查初初上任，盧卡古要先做後備，但佢把握球隊傷兵滿營嘅機會，近期無論出任單箭頭定係同拉舒福特合作，佢都有傑出表現，連續3場賽事梅開二度，令呢位比利時國腳成為C朗拿度(2006年12月)後，第1個連續3場入2球嘅曼聯球員，認真犀利！

依家只得21歲嘅拉舒福特，已公認係曼聯重建嘅核心人物，佢嘅成熟亦遠超佢實際年齡，喺一場歐聯生死戰最後一刻主射決定性嘅12碼，壓力之大絕對唔易應付，但「福仔」仍然不負所託完成任務，原來呢球仲係佢曼聯生涯第1個12碼，可見拉舒福特嘅心理質素超勁。

蘇斯克查之前用連格、安東尼馬迪爾同拉舒福特嘅3人攻擊組合踢到曉飛，依家盧卡古彈起後，佢同拉舒福特組雙箭頭同樣威力無窮，曼迷又覺得邊個組合先係首選呢？

[Busconcamp]

歐聯停賽缺陣　普巴咁樣幫曼聯晉級！

歐聯16強次回合，曼聯將作客巴黎聖日耳門，希望創奇迹收復首回合2球失地闖入8強。陣中大將、未來隊長保羅普巴，因為首回合領紅今仗停賽；雖然未能親身落場幫助球隊，但佢盡展球星風範，一樣隨大軍飛到巴黎，並認真地參與操練，希望憑自己嘅強大感染力，協助隊友打出漂亮翻身仗。

自摩連奴落台、蘇斯克查上場後，普巴表現大幅提升，入球、助攻停不了，不過首回合佢意外領紅，去到王子球場要做座上客。據英媒透露，普巴跟埋大隊去到巴黎，於操練時勁落力，期間仲好有鬥志非常熱血，相信對一眾年輕隊友起到感染作用。

[Busconcamp]

【東體爭議】終極審判！曼聯個12碼啱定錯？



曼聯喺歐聯戲劇性淘汰巴黎聖日耳門(PSG)殺入8強，完場前嘅12碼無疑係決定性，亦引嚟唔少爭議，賽後PSG球星尼馬喺社交網留言痛批：「恥辱！歐洲足協搵4個完全唔識波嘅人去控制VAR，呢個12碼根本唔存在！打中背脊點解會係手球？食X屎啦！」

前英超球證希斯亦認為曼聯呢個12碼好夠運：「如果我控制VAR嘅話，一定唔會建議球證翻睇，VAR係用喺明顯而清晰嘅錯誤上面，呢個並唔係，點解球證唔夠膽貫徹自己最初嘅決定(冇12碼)？球員要有意圖移動手臂去掂個波先至係12碼，唔理手球嗰刻處於咩位置，我認為呢個手球並唔係蓄意。」

估唔到嘅係，里奧費迪南、奧雲同夏格維斯3位前曼聯球員，都話呢個12碼係唔值得，里奧費迪南表示：「派斯奴甘佩比根本冇得避，我唔明啲人話後防要將對手收喺背脊後面嘅講法，咁樣踢波點會拎到平衡？唔好搞錯，我好開心曼聯晉級，但我唔認為呢個係12碼。」夏格維斯就呼籲VAR成員應該引入退休球員，咁樣可以幫助球證明白球員嘅處景。

不過，另一位前英超球證比德禾頓就有唔同睇法：「派斯奴甘佩比將隻手張開後擰轉身，但佢冇打算為自己隻手負責任，根據呢一刻嘅球例，咁樣就係12碼。我知道歐洲足協會喺6月修改有關手球判罰嘅條例，但以目前球例呢球就係12碼。」

至於名哨卡頓保就分析球證嘅考慮過程：「首次，球證只係依從歐洲足協嘅指令，即係球員隻手伸開，而且係喺一個『唔自然』嘅位置，呢方面球證決定係一致嘅。不過我明白PSG點解咁憤怒，呢個手球喺英超出現一定唔會有事，派斯奴甘佩比並唔係蓄意手球，用慢鏡睇手球永遠都覺得好肉酸，但用實際速度去睇，派斯奴甘佩比根本想縮但縮唔切。」

[Squall-Lucifer]

3月11日: 英超作客工廠
3月17日: 足總杯8強作客狼隊
3月30日: 英超主場 迎戰屈福特
4月3日:英超作客狼隊
4月6日: FA CUP 4強
4月9~10日: 歐聯8強首回合
4月14日: 英超主場迎戰西咸
4月16~17日: 歐聯8強次回合
4月21日: 英超作客拖肥
4月25日: 英超主場曼市打比
4月28日: 英超主場拆車
4月30~5月1日: 歐聯4強首回合
5月4日: 英超作客哈德斯菲
5月7~8日: 歐聯4強次回合
5月12日: 英超尾輪主場迎戰卡迪夫
5月18日: 足總杯決賽
6月1日: 歐冠決賽

4月踢死人

[Busconcamp]

曼市買樓擬罷踢　皇馬巨星傾掂數誓投曼聯

皇馬巨星強勢加盟曼聯？冇錯，係吹住先嘅，不過今次吹呢單消息，係西班牙嘅《足球先生》，聽落似層層喎。呢個媒體今日最新報道，話皇馬失意巨星加里夫巴利，因為今季喺球隊踢得非常冇癮，所以已經下定決心今夏離隊，據報佢已經私下同英超曼聯達成協議，會喺夏天加盟，報道話「大聖爺」原來已經喺曼徹斯特市秘密買咗樓，家陣就期望皇馬肯接受8,000萬鎊轉會費，一切就會落實咁話。

不過，報道都提到，查實皇馬預計最少1億2,000萬鎊先會肯放人，而「大聖爺」已經有晒後着準備，就係話假如皇馬要勉強佢留隊，佢就會喺餘下合約了全程罷踢罷操，總之唔會屈服咁話。如意算盤係咪咁易打得響，真係難講？不過既然今季巴利真係踢唔起，頂唔到c朗離隊擔大旗責任，似乎放人再買過其他巨星，先會係「銀河艦隊」最好選擇囉！

Omg...

[Busconcamp]

曼聯六虎將強勢復出　阿仙奴有難！



剛啱於歐聯創造奇迹、作客3:1擊敗巴黎聖日耳門打入8強嘅曼聯，今輪英超將作客阿仙奴。依家紅魔鬼僅以1分壓住兵工廠排第四，今場大戰絕對係爭前4嘅6分波，勝負對來屆歐聯席位誰屬極為關鍵。曼聯早前造訪PSG，有成10個主力未能出場，但今戰其中一半可以復出，曼聯戰鬥力得到大幅提升，對兵工廠育肯定係個壞消息。

曼聯領隊蘇斯克查表示，法國鋒將安東尼馬迪爾已擺脫傷患可以上陣，佢將聯同盧卡古、拉舒福特組成強勁鋒線。中場方面，安達靴里拉、尼曼查馬迪已經復操，蘇B話希望至少會有一人可以出場，或者二人齊齊復出都未定。另外連格亦已復操，落場應冇問題。最重要嘅係大將保羅普巴鐵定復出，佢上仗因為停賽關係先踢唔到，呢場大將肯定可以出場領軍。

上戰對PSG打正選傷出嘅後衞艾歷拜利，蘇B都話佢冇問題可以隨時落場，但今戰相信會用番艾舒利楊格、域陀連迪路夫、基斯史摩寧同勞基梳爾呢條防線。

[Busconcamp]

【今日睇波指南】阿仙奴同曼聯鬥命硬

今季英超鬥得非常刺激，除咗冠軍咬得好緊之外，前4爭逐一樣殺到難分難解，今晚阿仙奴惡鬥曼聯就超級關鍵！

熱刺、曼聯、車路士同阿仙奴，如無意外只有2隊可以入前4，曼聯依家領先第5嘅阿仙奴1分，作客贏波就可以一舉打沉兵工廠，不過阿仙奴今季主場成績相當強勁，近14場聯賽主場贏咗12場，車路士同熱刺都喪師酋長球場，「紅魔鬼」嘅如意算盤未必打得響喎！

雙紅近4次對壘曼聯贏3次，包括今年初足總盃淘汰阿仙奴，而且蘇斯克查上任後英超未輸過，今場鹿死誰手真係好難預料呀！

[Busconcamp]

高層下周同蘇斯克查傾約　條件先曝光

英國各大傳媒，指曼聯將於下星期同看守領隊蘇斯克查傾合約問題，到時就知呢位「臨時工」下季可唔可以擔正，成為紅魔鬼正式領隊。

曼聯自從由蘇斯克查接手執教之後，表現脫胎換骨，佢領軍之下，球隊踢咗12場聯賽取得10勝2和，更加於歐聯16強次回合擊敗巴黎聖日耳門，晉級8強。

相信蘇斯克查下星期同球會高層見面之後，就可以獲得長約。預料雙方將會簽約至2023年，蘇斯克查嘅年薪750萬鎊，只及前主帥摩連奴一半。

[Busconcamp]

【東體爭議】普巴太花巧　交畀福仔射啦

曼聯喺周中歐聯16強次回合戲劇性淘汰巴黎聖日耳，拉舒福特居功厥偉，佢喺補時即使面對超級鋼門保方，仍然淡定射入12碼，心理質素非常強，唔好忘記佢只係21歲。因此，好有多球迷認為曼聯以後應該將12碼主射權交畀福仔，而非成日玩弄花巧嘅保羅普巴。

保羅普巴上場歐聯因為停賽缺陣，拉舒福特臨危授命，主射12碼。雖然英格蘭球員往往被指心理質素差，經常喺國際大賽主射宴客，但拉舒福特可以喺危急關頭，仍然保持冷靜射入，盡顯大將之風，由佢主射，令人充滿信心。

反觀，曼聯首席劊子手保羅普巴雖然「卡士」十足，但風格太花巧，甚至連主射12碼，都要玩嘢，曾經以超慢速「碎步主射」，成為笑柄，早前對修咸頓，更加射失。

曼聯今輪英超對阿仙奴，如果到時紅魔鬼獲得12碼，蘇斯克查都好應該順應民意，提早講明將主射權交畀拉舒福特，否則出現巴黎聖日耳門雙星尼馬同卡雲尼爭射嘅鬧劇，就冇謂啦。

[Busconcamp]

古天奴想轉會去曼聯

外電消息，古天奴和不少曼聯的西班牙籍球員訴苦，他說自己很想加盟紅魔鬼。

今季是古天奴在巴塞首個完整的球季，但是他踢得不出色，而且球會已經簽入新兵法蘭基迪莊，來季爭取出場機會更難。

古天奴雖然想轉會曼聯，但對方要肯支付8600萬鎊轉會費，交易才有機會成事。(Goal.com)

[digiharuka]

Lineup:
DG1
L23
S12
L2
A18
M31
F17
P6
D20
R10
L9

Substitutes
R22
R16
M11
P15
B3
M39
G54

繼續4-4-2?

[Busconcamp]

作者: digiharuka

Lineup:
DG1
L23
S12
L2
A18
M31
F17
P6
D20
R10
L9

Substitutes
R22
R16
M11
P15
B3
M39
G54

繼續4-4-2?

livescore/sofa...3-4-1-2

[Busconcamp]

蘇B聯賽破身 兵工廠2：0挫紅魔



【now.com體育】英超周日爭奪前4大戰，阿仙奴主場以2:0擊敗曼聯，終止後者自蘇斯克查接掌後的作客連勝紀錄。

曼聯今場排出442陣式，中場尼曼查馬迪復出，保羅普巴（Paul Pogba）亦復任正選，配合前線的盧卡古及拉舒福特攻堅。阿仙奴今場則以全攻堅迎戰，奧斯爾、拿卡錫迪及奧巴美揚3大前線主力都任正選。

阿仙奴開賽即採取高位逼搶壓逼曼聯，僅2分鐘，左閘哥拉辛拿斯於左路傳中，伏兵門前的拿卡錫迪漏踢，差點便先開紀錄。9分鐘，紅魔作出反擊，勞基梳爾左路傳中，盧卡古接應撞射中楣不入。12分鐘，格列沙加把握迪基亞的判斷錯誤，遠射破網先開紀錄。落後1球的曼聯及後有扳平機會，不過費特洛迪古斯的遠射中柱，兵工廠大難不死。36分鐘，盧卡古力壓對方守衛於禁區內起腳，過不了賓特尼奴一關，半場主隊領先1:0。

易邊後5分鐘，拉舒福特送出直線，單對單門將的盧卡古竟未能把握機會。戰至68分鐘，拿卡錫迪在禁區內與費特碰撞後跌倒，球證直指12碼。奧巴美揚主射入網，主隊領先2:0。曼聯先後換入安東尼馬迪爾及格連活特，但仍無法改寫紀錄。最終，阿仙奴保持相同戰果完場，於積分榜上亦反超紅魔2分，升上第4名。

[Busconcamp]

蘇B：輸掉不該輸的比賽

【now.com體育】曼聯作客不敵阿仙奴，蘇斯克查帶領球隊的英超不敗及作客連勝紀錄終止。賽後，他表示不值敗陣，並質疑球證摩斯判罰12碼的決定。

賽後，紅魔看守領隊蘇斯克查（Ole Gunnar Solskjaer）表示：「球隊開賽時表現慢熱，可能受到周三之戰影響吧，不過我們也能創造很多機會，直到他們取得入球後，比賽形勢即時轉變。」他續道：「對比於足總盃的一戰，己隊今場創造的機會遠比當時多。我們有兩記攻門都中了門柱，並錯失了5次黃金機會，有時這些事情就是會發生的。此外，我不認為那次碰撞是12碼，球證重看回放時，應會為此決定感到失望。」

蘇B同時認為這是他領軍以來的「最低潮」：「因為我們錯過向熱刺施壓的機會。己隊贏過不值得取勝的比賽，而今天我們輸掉不值落敗的比賽。」

曼聯上半場因門將迪基亞判斷失誤，被阿仙奴的格列沙加遠射得手，半場落後1球。易邊後紅魔有多個機會扳平，然而都未能把握。及後，球證摩斯給予主隊一記12碼，奧巴美揚把握機會射入成2:0，令比賽再沒有懸念。 蘇B指出球隊現階段應盡快重整旗鼓，好好備戰周末作客狼隊的足總盃8強比賽。

[Busconcamp]

蘇B準備借走山神？



【now.com體育】射手盧卡古也走出谷底，但翼鋒阿歷斯山齊士仍然陷於低迷，有傳曼聯看守領隊蘇斯克查忍無可忍，決定借走他。

阿歷斯山齊士（Alexis Sanchez）自從在去年1月從阿仙奴加盟曼聯，一直未能踢出應有水準，就算有多名球員在蘇斯克查麾下獲得重生，這名智利國腳仍然在場上庸庸碌碌，有負50萬鎊的超貴周薪。 英國《太陽報》指，蘇B已經對山神不抱希望，決定放棄，但由於後者人工太高，根本難以出售，因此準備在下季把他借走。以山神已經30歲，若被外借差不多等於在奧脫福不會再有機會。

另外，根據英國《鏡報》報道，就算曼聯剛於英超以0:2不敵阿仙奴，高層仍然對蘇B的表現十分滿意，將會在國際賽期間宣佈由他坐正，下季繼續執教。蘇B在去年12月中接手紅魔，成績出眾，領軍反勝巴黎聖日耳門，殺入歐聯8強。

[Busconcamp]

雲高爾宣布退休

荷蘭教頭雲高爾在歐洲贏過20個獎盃，自從2016年離開曼聯之後，他已經3年沒有教波，現在他決定揮手離場。

67歲的雲高爾解釋說，現在自己已經是個領取老人金的長者：「我不想做技術總監或足球評述員，我曾經應承妻子55歲退休，結果是65歲才退，現在我的妻子很高興了。」（Goal.com）

[Busconcamp]

彭利拿加簽紅魔1年

【now.com體育】曼聯啟動中場安達斯彭利拿合約中的條款，加簽1年至2020年。

23歲的安達斯彭利拿（Andreas Pereira）在曼聯青訓出身，曾先後被外借到格蘭納達及華倫西亞，今季回歸曼聯，合約在今年夏天就完結，現在終於加簽1年，繼續留效這英超勁旅。

由於曼聯最近傷兵滿營，彭利拿獲得較多上陣時間，而他亦好好把握這個機會，表現非常出色；早前於英超對修咸頓轟入世界波，帶領球隊以3:2反敗為勝，亦是在歐聯奇蹟反勝巴黎聖日耳門的晉級功臣之一。

看守領隊蘇斯克查曾大讚這名巴西國腳：「他從青年軍提升上來，充滿能量及動力。我們似乎已經找到最佳位置，他應該踢8或10號位，多於6號位。」

[Busconcamp]

搵曼聯球員搭路　古天奴心急成魔

雖然巴塞隆拿上場聯賽以3:1擊敗華歷簡奴，但中場菲臘比古天奴表現唔掂，仲畀巴塞球迷噓爆。

英國《每日郵報》爆料，指呢位28歲巴西國腳覺到非常無癮，進一步加強離隊決心，更有傳佢私下向曼聯球員搭路，希望成「魔」，估計曼聯只需出1億鎊(約10億港元)轉會費，就可以簽入菲臘比古天奴。

菲臘比古天奴上年1月以1.42億鎊，由利物浦轉投巴塞，但表現一直未如理想，今季更加愈踢愈沉，佢近15場聯賽都冇波入，只有1次助攻，猶如「隱形人」，巴塞球迷都睇唔過眼，即使球隊贏波，都要噓佢。

事實上，之前已經有傳菲臘比古天奴想返回英超，但佢同利物浦不歡而散，好難回巢。最大機會收留佢嘅英超球會，應該係曼聯。更有傳「古仔」都問過曼聯球員，有關紅魔鬼嘅情況，似乎好有興趣成「魔」。

曼聯由蘇斯克查執教之後，魔性澎湃，梗係吸引到各大球星，但要成1億鎊先至買到菲臘比古天奴，恐怕紅魔鬼高層未必要佢喎。

[Busconcamp]

為咗去曼聯　古天奴自爆減價轉會



巴塞隆拿巴西中場菲臘比古天奴，離隊只係時間問題。古仔加盟巴塞一季半以來，表現始終未能返回利物浦時期水平，球迷開始對佢不滿，而佢自己亦覺得冇癮，希望重返英超，西班牙《每日體育報》引述英國《鏡報》報道，古仔為咗加盟曼聯，不惜自爆身價1.15億歐元，望能重返英超。

想當日古仔為咗離開利物浦，同球隊上下及球迷決裂，扭晒計之下卒之成功以1.6億歐元轉投巴塞，仲簽咗5年半長約，當時違約金係3.55億鎊，不過古仔去到西甲嘅表現大家有眼見，簡直不知所謂，今季更被「遲到大王」奧士文尼迪比利搶去正選。

報道稱，古仔向個別曼聯球員露口風，親口爆料話自己轉會費係1.15億歐元，比之前加盟巴塞時平咗4500萬歐元，巴塞方面亦由得佢走，至於尚餘4年約同違約金，就冇謂再提。