勞工法一問－解僱是否需警告信?

[arslan]

唉，我個case係，我部門個經理眼見其他經理都嫌人工底辭職，
現在走淨佢一個，想起大老細面前上演一場置之死地而後生的愚劇，
點知置之死地得半生，而家佢變成半職兼半年約。
本來件事同我地班細架無乜關係，而且我都打算完埋合約都唔做，
點知最近收到風，話佢想炒灑下面班人(即我同我同事)。
消息人士話佢轉半職前，臨走清假時問我現在的上司話炒灑下面班人好唔好，
雖然我上司話唔好，但我地都覺得個半職經理會想起自己完合約前炒左我地，
睇佢個樣想公司一鑊熟，因為我個部份雖然細，但會影響全公司，
同埋我而家份人工，應該幾難請到同質素或以上架人，如果唔係都唔會年年合約完D人都走。

講番正題，我想問如果我無收過警告信，佢係未唔可以解僱我，只可以遣散我?
因為我同事知道件事後，佢搵過下資料，話如果個經理同我講：「一係我炒你，一係你自己辭職」，
我係可以講：「我兩樣都唔擇，一係你遣散我」。
我同事講話唔可以無口頭警告和警告信就炒人，但我上網搵勞工法又搵唔到，
所以上黎問下大家有冇遇過d個問題?
我上網search很多blog都講過自己被老細厄厄騙騙要佢簽警告信，
話用d條橋先可以唔駛俾補償。

我之前都未遇過這類事件，所以有點不知所措。謝謝幫手!